Assalamualaikum Wr Wb Pak Emi, Uda Indra Chatri dan dunsanak Palanta RN
Ambo yo lah mambaco sagalo tulisan Pak Emi manyangkuik "apa dan bagaimana" sosok alumni SMA 1 nan sakiro banyak bakiprah mambangun nagari diberbagai bidang sasuai jo profesi dan keahliannyo. Khsusus buek Uda Indra Chatri Dt Malako Nan Putiah ambo yo baru bekenalan jo beliau ko katiko acara tu, awalnyo dikenalkan Pak Emi, Uda nan randah hati ko (Insya Allah) lansuang manyapo ambo.."Iko yo Jepe"..lalu kami saliang bategur sapa sambia tagak, Lalu nan kaduo nan berkesan dek ambo katiko ambo pamit pulang ambo salamin Uda Indra ko digedung Bung Hatta malam puncak, inyo "tampa" pipi ambo duo kali, tantu tampa sayang penuh persahabatan dan senyum nan ramah. Da Indra nan ambo tahu dari adiak ambo nan PNS di Balai Kota Padang manyabuik kalo Uda Indra lah manjadi urang nomor satu di Bapeda Sumbar, semoga Bapeda sebagai Otak Perencanaan Pembangunan Ranah Minang ditangan Uda samakin maju ranah minang pembangunannya disegala sector terutama sector unggulan sarupo Parawisata (tingga bakolaborasi sajo lai jo kanti Uda penggiat Parawisata tu Da Nofrins), sector Pendidikan serta sector pertanian dalam arti yang luas..Amin Terakhir..ambo pikia Uda nan surang ko "Sense/taste of humour" nya. Sangat menarik walau kaluanyo ciek ciek sajo...sarupo pasannyo ka ambo dari kompor saganggam tangannyo "tetap cogah ha..ha" Cogahnyo iko bana ndak tahan ambo.. Okelah taragak lo ambo dari Uda Indra Catri ko pantun, sambah manyambah jo pepatah petitiah ciek..yo..putuih kaji dek Uda mah sambah manyambah jo pepatah petitih dan pantun... Okelah ambo baliak lo pasan Uda ka ambo "Tetep cogah" wass-Jepe -----Original Message----- From: jupardi andi [mailto:[email protected]] Sent: Monday, August 03, 2009 3:01 PM To: Jupardi Subject: FW: Re: Bls: [...@ntau-net] Re: Indra_Catri ----- Original Message ----- Subject: Re: Bls: [...@ntau-net] Re: Indra_Catri Date: Mon, 3 Aug 2009 7:02:26 From: [email protected] <[email protected]> To: RantauNet Palanta <[email protected]> Pak Etek Suheimi Kok indak babisiak saroman nan biaso lai mah. Tapi alah bisiak Sungiai Pua. Sampaikan sajolah ka Adinda Ifah jo babisiak pulo. Kalau Allah menghendaki semua pasti jadi, tugas awak kan cuma manjalani nan Baliau garihkan, kan baitu kio Pak Etek? Salam: Indra Catri (48) Powered by Telkomsel BlackBerry® From : suheimi ksuheimi Date : Mon, 3 Aug 2009 13:21:29 +0800 (SGT) To : <[email protected]> Subject : Bls: [...@ntau-net] Re: Indra_Catri Ifah babsiak ka ambo Ifah ingin Indra_cakti itu mancalonkan dieri jadi Gubernur tapi ifah ndak bisa mambaleh pantunnyo Baralahlah karancakno kok nyiak lako jadi Gubernur untuk itu ingin saya bantu Ifah sebagai pitaruah ayah ka anak nan ka jadi pamimpin sabagai anak laki-laki nan dimaso kutiko nantik lamo lambek katibo juo. Waang ka jadi urang gadang mamikua baban tangguangjawab mamimpin di rumah tanggo. Bukankah jadi gubalo nak, sajak parentah nan sabuah taruih larangan nan sapatah caro mauruih anak bini, lai kok taracak dalam bana indak manyimpang dari hukum. Tantangan apakah mambarikan, nasi sarimah nan basuo, aia satitiak nan bataguak, pitih sakupang ka balanjo, kain sabanang nan bapakai. Lai kok di jalan Allah atau bacampua barang haram. Sadonyo ka ditanyo nak, sadonyo ka disudi ka disiasek, di pareso di meja hijau dihadapan kadil mujalil. "kulukum raim wa kul raim mas'un harrahim yati" setiap kamu pemimpin, dan setiap pemimpin akan ditanya tentang kepemimpinannya baitu Rasulullah baparingek. Mako jaan pado laknati, payah bana nak. Upah tajawek kabau pincang dihalau bahabih hari utang lah nyato batungguan Mako dek sabab karano itu nak, sabagai anak laki-laki nan dimaso kutiko nantik lamo lambek katibo juo. Waang ka jadi urang gadang mamikua baban tangguangjawab mamimpin di rumah tanggo. Bukankah jadi gubalo nak, sajak parentah nan sabuah taruih larangan nan sapatah caro mauruih anak bini, lai kok taracak dalam bana indak manyimpang dari hukum. Tantangan apakah mambarikan, nasi sarimah nan basuo, aia satitiak nan bataguak, pitih sakupang ka balanjo, kain sabanang nan bapakai. Lai kok di jalan Allah atau bacampua barang haram. Sadonyo ka ditanyo nak, sadonyo ka disudi ka disiasek, di pareso di meja hijau dihadapan kadil mujalil. "kulukum raim wa kul raim mas'un harrahim yati" setiap kamu pemimpin, dan setiap pemimpin akan ditanya tentang kepemimpinannya baitu Rasulullah baparingek. Mako jaan pado laknati, payah bana nak. Upah tajawek kabau pincang dihalau bahabih hari utang lah nyato batungguan Itu nan partamo. Nan kaduo, urangnyo musti laki-laki sabab sapanjang ukuran syarak laki-laki nyato pamimpin babateh pado parampuan. Arjalu kawamun 'alannissa, baitu ayat mangatokan landasan hukum syariatnyo. Nan katigo babanda tajunan aia, jaleh pusako pawarisan nyato basasok bajarami basuo pandam pakuburan bukan inggok bukan mancakam bukan pulo urang malakok talukih di dalam ranji. Nan kaampek baligh berakal, alun sampai ukuran umua urang tabilang anak-anak dilua saraik tu namonyo. Diadaik Koto Piliang dek karambia tumbuah dimato arihnyo langsuang dari mamak buliahlah gala dilewakan walau datuaknyo paja ketek namun mamacik tampuak andiko talimpah bakeh nan patuik sampai mananti inyo gadang. Nan kalimo, sehat lahia sehat di batin. Kok badan sakik-sakitan, sakik nan tidak kunjuang cegak salah bao kurang anggoto cacat pisik bak kecek urang dilua bilangan adat atau gilo dalang jo pasiak kandua sabalah tali gitarnyo nyato baluhak kurang panuah indak baruang bakeh masuak lakeklah palang pasak adat pangkek panghulu balarangan. Nan kaanam babudi akhlak bataratik, walau mungkin di pandang mato bantuak lai takah pun ado tapi kok iduik ndak babudi laku parangai busuak anyia akhlak indak manaruah, ilang patuik jadi pamimpin. Nan bak manitih kayu lapuak ibaraik manompang biduak tirih hanyuik sarantau anak buah. Nan katujuah, piduli jo anak kamanakan, sapantun gubalo tangah padang ingek taranak takucawai siang jago malam batanggang pandang caliak nyariang pandanga alih diarek ka malantiang. Alun sakik panawa tibo, baru tagamang lah bajawek tiok tangih makan pujuak baitu sifaik rang gubalo. Nan kasalapan, kasiah jo cinto pado adat babaiak sangko jo pusako undang-undang bajunjuang tinggi, kok nyampang ragu jo adat hati bainggan manarimo dalam nan inyo baindakkan antilah jadi panghulu urang munafik tu namonyo. Santano lai ka mangawik adat di saik dpakainyo. Jo kok taraso mambarek-i tibolah cacek tak babandiang dikatokan adat lah kuno lah tingga caro bapikia mahambek garak pambangunan. Di tangannyo adat ka caia tu nak, bapitaruah antah ka mancik musang manjadi induak ayam. Nan kasambilan leadership, pandai manyusun jo maatur, bijak malenggang ka talenggok sasuai agak jo ajiah dek aluih karajo tukang indak bakasan sambuang paran. Nan bungkuak makanan tarah, nan kasek makanan rawik, sasuai mangko takanak talatak suatu dimakannyo. Nan kasapuluah, adil sarato jujur, adil dalam mahukum jujur dalam manimbang di tangah latak tulang pungguang. Sakadar manimbang samo barek nak, jo kok maukua samo panjang tibo mambagi samo banyak. Alun sampai hakikat adil jujur nan patuik diragukan. Sabab baitu kato Ayah, samo barek ameh jo perak ganiah marekan saukuran dagiang satandiang jo galeme. Itulah zalim banamokan. A... cubo Ang pikia Ang ranuangkan nak, dek ingin babuek adil jujur nan luruih-luruih tabuang ang karek kayu samo panjang, rumah apo nan katagak? Ka baalah bantuak rumahnyo kalau tunggak jo paran samo panjang rasuak sapanjang itu pulo taruih kapado kusen pintu anak janjang kasau jo laeh hinggo ka pasak pintua dapua, ukurannyo ampek-ampek meter, lai ka jadi rumah? Nah dek anak baradiak kakak, nan adiak sadang di TK nan kakak nyato SMA diagiah jajan samo banyak dibari saribu surang, mako kejamlah waang ke nan gadang, indak sampai samangkuak bakso. Lobo namonyo ke nan ketek, jajaj pemen tigo ratuih, minum mambaok dari rumah. A... baa makonyo adil, dimaa talatak kajujuran? Agiah nan ketek limo ratuih bari nan gadang tigo ribu, itu baru nyo sadang elok. Mako hakikat adil kajujuran nak, iyolah malatakkan suatu pado tampek tapakai alua jo patuik, seimbang serasi dan selaras. Di jari lataknyo cincin, di langan takanak galang maliek jo mato batin. Nah iko saraik kasabaleh nan panghabisan banamo pamimpin tauladan basambuang ateh jo bawah sapaham baliak batimba komunikatif kecek rang kini. Baalah elok bunyi rabab nak dek pakak urang mandanga baliau malengah sajo mako paralu basiang ateh tumbuah mamandang di ateh rupo cito lalu mukasuik sampai sasuai umpan jo ikan biduak santondan jo pandayuang itulah sabaleh saraik nak, itu pulo pandapek ayah sapanjang ilmu nan tasimpan, mungkin di tambo tak basuo dek rang cadiak balain sabuik dek nan pandai batuka bunyi ujuiknyo kasitu juo salam tairiang do"a Terima Kasih Prof.H.K.Suheimi, SpOG(K) --- Pada Ming, 2/8/09, [email protected] <[email protected]> menulis: Dari: [email protected] <[email protected]> Judul: [...@ntau-net] Re: Indra_Catri Kepada: "RantauNet Palanta" <[email protected]> Tanggal: Minggu, 2 Agustus, 2009, 2:49 AM Mamanda St. Parapatiah Mokasih mak. Kok datang alah dijapuik. Kok tibo alah batarimo. Gadang hati alang ka palang. Saraso pulang marantau cino. Adaik bajalan babuah batih. Adaik malenggang babuah tangan. Adaik kato iyo bajawab. Ambo bari saketek surang. Sabalun rang lapau rami nan datang. Papa Sjamsir Alam (mak Sati) Sabana angek hati dapek pujian. Tagalak sorang ambo mambaconyo.Salam ka Papa Bustamam Dt. Manindiah alah basampaikan. Salam kumbali jawab baliau. Kalau sumangaik baliau mauruih kampuang jo masyarakat tetap '45. Cuma pasak2 karoseri nampaknyo nan alah mulai guyah. Patangko, dek bocor kanalpot tapaso dipotong saketek. Setelah di las dan diuji coba kini ko alah mulai normal baliak. Mengenai Febri nan ka mulai bakureh di Tanjuang Balai Karimun kami memang alah dapek kaba melalui talipon dari Mama. Sayangnyo Feb dan Novil sarato kanti2nyo saat Milad IASMA kapatang ndak banyak nan bisa pulang. Padahal angkatan mereka tamasuak nan diparetongkan untuak maramikan alek. Dinda Hanifah: Uda tibo nasi tahidang. Pangek no lamak barancah udang. Parabuang bakatan jo paniharam. Muluik manih kucindan murah. Proposal lansuang basorongkan. Dek dimandian aia sagaluak. Rumik rasonyo malapeh kabek. Jo pantun sajo disudahi: Rumah sikola nan di Piaman. Tunggak alah bakasau balun. Baa no kami maatoknyo. Buruang lah tampak nan ka pamenan. Namun diateh kayu juo. Tolong dinda mamikeknyo. Tan Dt.Marah Bangso di sailiran sungai musi. Tasintak denai dalam rasian. Manggarik mayik dalam kubua. Mandanga sambah dari tuan. Kok rindu nan tuan sabuik. Tujuah kampuang carikan ubek. Batamu badan mangko kasanang. Satantang pintak nan jo pinto. Alah digarih makan paek. Pucuak dicinto ulam tibo. Tipak dituan mambandakan. Tingga diambo mailiakan. Janji to karang sajak kini. Baa agak ati? Salam: Indra Catri Dt.Malako NP (Padang, 48) Powered by Telkomsel BlackBerry® -----Original Message----- From: "Darul M" < [email protected] > Date: Sun, 2 Aug 2009 14:17:54 To: < [email protected] > Subject: [...@ntau-net] Re: Indara_Catri Kemanekanda IC Dt Malako nan Putiah Disiko di rantaunet ko, saroman jo adat nan alah datuak praktekan juo. Indak ado angguta nan lamo jo anggota nan baru doh. Nan ado adolah nan rajin dan sering katangah dan juo nan jarang katangah. Disiko, bantuak dilapau ataupun di surau dikampuang awak. Disiko tompak mangampuakan nan taserak dirantau. Tompaiak baiyo batido awak basamo. Untuak kami nan dirantauko iyo bana paralu sanak nan dikampuang komah. Tompaik kami kabatanyo baa kampuang sajak kami tinggakan. Saroman nan lah Datuak katahui juo, sering kami disiko manggaritih, maggaritih dek banyak tanyo kami nan indak ada manlirik dari kampuang. Jikok Datuak lai sato sajo disiko alah sanang ati kami tumah. Apo lai kini Datuak ingin katangah rumah gadangko, ingin sato maota jo kami nan jauah2 ko, iyo bana jo sanang ati kami tarimo ko mah. Kamari lah Datuak, dakeklah kanyiak saketek, ado nan ka mamak bisiakan ka Datuak ko mah. Nampakno nan disubarang nantun alah ingin babisiaklo sakinyam tumah. Tasarah ka Datuak sajolah nan nama nan kadijawab daulu, tapulang ka Datuak sajolah bola kini. Wassalam St. Parapatiah 55 Jkt -----Original Message----- From: [email protected] [mailto: [email protected] ] On Behalf Of [email protected] Sent: Sunday, August 02, 2009 9:39 AM To: RantauNet Palanta Subject: [...@ntau-net] Re: Indara_Catri Mamanda Moderator dan Sidang Palanta nan Budiman. Indak disabuik diimbauan gala. Indak dibacokan tuah surang2. Indak basisiah jo basibak. Didalam sambah kasadonyo. Pagi ko ambo maraso berkepentingan untuk manjawab postingan pak Etek Suheimi. Ambo cubo, tanyato masih bebas hambatan. Alhamdulillah masih terdaftar sebagai anggota aktif. Padahal alah 2 tahun ambo duduak disuduik2 sajo manyimak kucindan di palanta awako. Mulai hari ko Insyaallah ambo kasato sakaki baliak. Mohon ditarimo jo hati nan suci muko nan janiah. Salam: Indra Catri Dt.Malako NP (Padang, 48) Powered by Telkomsel BlackBerryR Berselancar lebih cepat. Internet Explorer 8 yang dioptimalkan untuk Yahoo! otomatis membuka 2 halaman favorit Anda setiap kali Anda membuka browser. Dapatkan IE8 di sini! (Gratis) Lebih aman saat online. Upgrade ke Internet Explorer 8 baru dan lebih cepat yang dioptimalkan untuk Yahoo! agar Anda merasa lebih aman. Gratis. Dapatkan IE8 di sini! http://downloads.yahoo.com/id/internetexplorer/ The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
