Assalamualaikum Wr. Wb., Niniak Mamak, Bundo-bondo jo kanda-kanda nan dicinto Sanak sabayo nan jadi kawan baiyo salamo ko Adinda-adinda tampek manggantuang harok Kasadonyo, kok nan gadang indak basabuk gala, kok nan ketek indak basabuik namo. Kok ado pinta jo pinto kini ko, hanyolah ingin pulo satu sakaki untuak manyampaikan sapatah kato tantang Dunsanak kita Indra Catri ko Karano, ikolah kesempatan untuk mangato apo nan ado di dalam hati.
Tantu banyak anggota milis ko nan labiah tau jo sanak Indra Catri ko daripado ambo nan bukan kawan samo almamater ataupun samo sakolah di kampuang. Maklumlah, kito ko talampau lakeh pai marantau mambawo diri sorang ka Jawo, bukan dek karano dibawo urang tuo. Baru ka naiak kelas 1 Madrasah Tsnawiyah di Parak Laweh Lubuak Bagaluang, pai balaia lai ka Jawa. Sajak kenal jo sanak Indra Catri di awal tahun 1990-an lalu, agak taubek ati ko dan tumbua sumangek jo harok ka pamarintahan di Sumbar. Sabalun tu iyo harok tu yo hampiak indak ado. Karano, awak sakola di jurusan jo fakultas "tukang kritik". Kanyang pulo basuo langsuang jo parangai buruak urang-urang di birokrasi, baiak sabagai warga biaso nan minta hak dilayani oleh birokrat maupun sebagai pimpinan rombongan mahasiswa nan dibawo ka Ranah Minang untuak mambanggakan kampuang. Iyo bana jarang basuo jo kasan lamak nan manyanangkan hati. Pangana jadi agak barubah katiko dikenalkan jo Indra Catri oleh jaso baiak sanak Edy Utama jo kawan-kawan. Mulonyo tantu heran sajo, manga urang sarupo sanak Indra Catri ko nyio masuak ka birokrasi. Seorang lulusan ITB (tantu indak usah ditanyokan lai baa prestasi di maso SMAnyo), namuah ati mangabdi di kampuang mamulai karier sabagai pagawai biaso. Subhanallah!! Sasudah bakawan sabanta, bisa pulo langsung sarupo badunsanak. Baliau pulo nan mairiangan ambo turun dari rumah pai manjani akad nikah dan diagiah pinjaman oto pribadi baliau ko. Yo bana jarang basuo insan nan sarupo ko. Wakatu bajalan taruih dan masiang-masiang maabiahan hari jo karir nan babeda jo tampek nan babeda. Kalau ambo malapeh taragak pulang ka kampuang tatap juo susah mancari wakatu batamu muko. Tapi sakali-sakali lai ado saliang manamui lewat SMS. Kok bulaih mangato apo nan ado di dalam ati, alah ambo sigi babarapo tampek di Pemda-Pemda di nagari kito. Iyo susah mancari urang nan sarupo iko. Santiang utaknyo, lamak sambah saponyo, labiah mudo pai ka Makkah dari urang kabanyakan, dan sabagainyo. Sahinggo yakin ambo, siapo pun nan jadi pamacik pucuak pimpinan di pemerintahan di nagari awak, indak ka mungkin indak ka mamakai Indra Catri. Tapi, tantu iyo sayang sabana sayang, kalau bisa diagieh atau diantaan sanak Indra Catri ko ka pimpinan puncak pamarintahan, manga baliau ko di padiaan manjadi bawahan sajo. Kini ikolah nan paralu kito pikiakan. Baa caro manyarahkan urusan nagari ko ka urang nan ahlinyo, bukan urang nan samato pandai mancari dukungan politik dan pandai basilek lidah. Urang tu iyollah nan sarupo sanak Indra Catri ko. Kalau dari ambo, baa bana ka sibuk jo urusan kini ko, tibo di urusan ka manggadangkan sanak Indra Catri ko basamo-samo, ambo iyo amuah bana sato sakaki nyo. Baa tu Niniak Mamak, Kanda-kanda, Bundo-bundo, Uni-uni jo dunsanak ka sadonyo. alah sampai makasuik nan di ambo ma. Dua talapak tangan ambo lakokan ka dado. Kalau ado kato nan indak sasuai, mohon dibukakan pintu maaf. Wassalam, Andrinof A. Chaniago (47-) 2009/8/3 Darul Makmur <[email protected]> > Assalamualaikum WW. > > > > Bia pak etak Suhaimi nan di panggia, ambo nan datang indak baa juo doh? > Ingin ambo satolo sakaki, dek akia-akiako ambo iyo bana alah diet bana > untuak manulih disiko mah. Antah apo sababno indak tau pulo doh. Nan jaleh > ado samiang nan mangurangi sumangaik utuak sato baciloteh nantun. > > > > Mangko mah Datuak, nan rancakko nan sabanano kan iyo nan Nampak diurang, > kalau urang banyak mangecekkan itu kuniang iyo itu iyo nan sabanano kuniang > tu mah. Alah banyak nan ingin mangunyiangkannyo tantu patando karancak tu > mah. Urang ramiko nan sabano tulus ko mah Datuak, jadi indak usahlahmailak > juo. > > > > Banyak nan ingin mamajukan urang nan alah Nampak calakno, urang nan alah > Nampak babijo nan elok. Kan baitu yo sanak Jepe jo Iffah? > > Kibarkanlah bendera tu lai Datuak, muloilah jo niaik nan elok, jo langkah > kaki kanan, manuju jalan nan alah tabukak kamuko. > > > > Salam > > Patiah 55 jkt > > > > > > > > *From:* [email protected] [mailto:[email protected]] *On > Behalf Of *[email protected] > *Sent:* Monday, August 03, 2009 7:23 PM > *To:* RantauNet Palanta > *Subject:* Re: Re: Bls: [...@ntau-net] Re: Indra_Catri > > > > > Pak Etek Suheimi > > Iko dek ulak pak Etek lah kalok2i ambo dibuai kawan2 jo dunsanak kito. Kok > ndak kuaik iman didado lah bantuak sibuntuang dapek cincin, bisa basuo nan > bak pantun: > Alang2 simalin deman. > Bari baikua bakapalo. > Siang digilo anggan-anggan. > Malam digilo mimpi sajo. > > Sasudah ko antah apo nan ka tibo. Baru katanang raso badan, datang dinda > Dewi jo Avi malewakan "pakaian" rancak. Samantaro dinda Ifah jo Jepe > "basiginyang" datang kanti Nofrin mamandian. Saraso mandi basiram jo bungo > rayo, sabana tagali2 sanang hati dibuek-no. > > Ya Allah... Kok sato pulo uda Aristo jo mando Tan Ameh, mamanda Parapatiah > jo kawan2 kama lah muko kadisuruakan. Sabana cameh, sabana rusuah ....... > bantuak tatapuak disarang labah. > > Sidang palanta nan budiman. Nan sabana no Ambo ko ndak urang hebat bagai > doh. Pegawai biaso di Balaikota Padang. Dek hibo pak Fauzi Bahar (Walikota > Padang), sajak 6 bulan nan lalu baliau picayokan manjadi ketua Bapeda > Padang, indak kapalo Bappeda Propinsi bagai doh. > > Kapuang ambo di Baso, Agam. Kamanakan kanduang Inyiak Malako Nan Putiah. > > Mudah2an siang nan bak hari, tarang bak bulan, dek rundiangan nan sajamang > ko. > > Salam: Indra Catri (48) > > Powered by Telkomsel BlackBerry® > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
