Wa'alaikumsalam Wr. Wb. Ronny, sambia manunggu urang nan labiah mangarati tantang masalah listrik di Sumbar ko, ambo cubo saketek mancaliak apo nan tajadi. Daerah interkoneksi Sumbar/Riau, tanago listrik nan di hasil kan PLN mayoritas mamakai PLTA - pembangkit listrik tenaga air nan tadinya memang sangat potensial didaerah awak nan punyo sungai2 dan danau2 yang indah PLTA Batang Agam, PLTA Maninjau, PLTA Singkarak dan terakhir PLTA Koto Panjang nan singajo bana babuek waduk atau danau buatan. Cuma sayang nya potensi daerah awak nan lah sangat minim itupun kita sia2 kan. HPH, penebangan liar dan pengembangan kebun kelapa sawit nan bisa dikecek kan indak ado kordinasi, amdal dan macam2 itu lah marusak dan ma abihkan rimbo nan ado, penyerapan air nan tadinya begitu bagus dan alami kini lah rusak binaso. Aia nan tadinya meresap ke bumi dan mengalir pelan2 ka danau2 kini lah mengalir dipermukaan dan mambaok lumpur nan akhirno masuak ka danau dan waduk nan tadi nya dalam makin lamo tantu makin dangka pulo. Kalau ujan agak gadang tajadi pulo banjir, tanah longsor, galodo dll. Baru sabanta se musim kamarau aia danau jo di waduk cako lah indak cukuik pulo untuak mamuta turbin PLTA2 lai, listrik nan dihasilakan tantu makin kurang dan makin indak sasuai jo konsumsi nan ado. Kalau PLTU bantuak di Ombilin nan mamakai batubaro indak talok untuak mamasok dan manggantikan listrik nan dari PLTA2 tadi, samantaro batubaro awak lah abih pulo. Tajadilah pamuduran listrik bergilir, dari sakali sahari sampai kini mungkin makin acok dan makin panjang wakatu no.
Mungkin salah satu jalan adolah membangun PLTGU nan mamakai gas bumi, itupun cuma bisa dibangun di daerah Riau dan Jambi nan punyo sumber gas alam, Sumbar memang sangat minus dalam hal iko. Atau manambah PLTU2 nan mamakai batubaro jo mandatangkan batubaro dari daerah lain. Mudah2 an ado ahli nan bisa labiah manjalehkan apo nan tajadi dan apo nan bisa dilakukan untuak krisis enerji listrik dikampuang awak. Nan jaleh rimbo nan masih tingga harus diselamatkan dan penghijauan dan penghutanan kembali harus digiatkan. Wassalam Tan Ameh ----- Original Message ----- From: [email protected] To: [email protected] Sent: Tuesday, August 04, 2009 7:23 AM Subject: [...@ntau-net] Re: Ado apo jo PLN...? Aslmkm,wr wb.. Ambo nio share sajo sekalian batanyo... Apo yang terjadi jo PLN di sumbar ko?ado ndak solusinyo.... Bayanglah,mereka mamatian lampu ndak tangguang2 lamonyo,td malam dari jam 2 smpai jam 7 pagi ko...alah samo pulo awk tingga di pedalaman...bukannyo batambah maju tapi batambah suruik perkembangan pembangunan di nagari awak ko... Itu sajo dunsanak... Maaf jiko pagi2 ambo alah curhat.. :) Sent from my BlackBerry® smartphone from Sinyal Bagus XL, Nyambung Teruuusss...! ------------------------------------------------------------------------------ From: Ryan Firdaus Date: Mon, 3 Aug 2009 17:17:26 -0700 (PDT) To: <[email protected]> Subject: [...@ntau-net] Re: SIAKAP IKAN SI LENTEK HIDONG..... By : Jepe Assalamualaikum wr.wb Uda jepe, sanak Rina, uni Dewi sarato dunsanak palanta... Kalau 'si lentik hidung' ko nan manyantap umpan...kaki papeh memang mesti basiap sadio jo perlawanannyo...bak kecek Rina...kalau nyo lah berang nyo malompek tinggi2...itu kiro jurus terakhirnyo mah... ikan siakap<kakap> ko dek ambo nan paliang lamak di gulai pakek jo daun limau puruik, bia size nyo nan 2 kilo ka ateh...kalau bareknyo 1 kilo kabawah selain steam, faporit ambo ialah 'goreng tigo raso'...masakan seafood ala Thai..sanak Rina mungkin lah biaso jo resepko...tigo raso nan ketara tu yo lah padeh, manih dan masam nyo.... ado maso lapang buliah lah sanak Rina mangaluakan tesepnyo... wassalam, ryan 42 L Ipoh ------------------------------------------------------------------------------ From: rinapermadi <[email protected]> To: [email protected] Sent: Monday, August 3, 2009 4:38:51 PM Subject: [...@ntau-net] Re: SIAKAP IKAN SI LENTEK HIDONG..... By : Jepe Adidunsanak palanta jo Da jepe nan santiang manulih, Memang Siakap ko adolah ikan nan eksotik untuak di panciang, sebab strike nyo memang babahayo. Ambo ado manonton VCD ikan sukan pancingan lokasinyo di M’sia. Ikan ko di taranakkan urang di kolam2 aia asin di daerah muaro. Di tampek tu urang buliah mamapeh ikan ko. Kalo sadang strike, ikan ko malompek tinggi sambia manggalinjang baputa. Sahinggonyo adrenalin serunyo mamapeh ko iyo bana lapeh candu. Kalo di M’sia namonyo Siakap. Bara bulan nan lapeh ado nelayan manelpon Mas ambo Mr Permadi, nak maantakan Lentek Hidong besar ke batam. Mas pun tak tau apo Lentek Hidong tu, pas lah diantakan urang tu barulah tau kalo Lentek Hidong ko adolah Kakap putiah. Kalo ambo mamapeh kalauik, kakap putiah ko paliang acok dapek kutiko hari ka Mugarik atau pas ka manjalang subuah. Tapi ambo alun pernah dapek nan labiah dari sakilo laih, sahinggo kurang strike-nyo. Si Lentek Hidong cando di poto tu, memang ndak talalu nampak “lentek”nyo doh, tapi kalo di tarik bibia ikan tu, baru nampak kalo monyong ikan ko panjang. Kalo lah sangkuik dek mato kaia, susah untuak lapeh. Tantunyo kalo seru dipapeh harusnyo seru pulo dimasak jo dimakan. Caliak dari haragonyo tu, biasonyo dalam bisnis ikan segar lauik. Balaku hukum kalo ikan tu dalam “saiz” (size) ukurannyo satapak tangan kurang labiah dan cocok bana untuak bakaran (BBQ), mako ikan tu dalam posisi harago tinggi. Contohnyo kerapu, lebam, kakap, GT (kue). Untuk posisi BBQ ikan ko haragonyo lataklah 50 ribu sakilo, kalo ukurannyo kurang atau labiah dari sakitu (jumbo), mako haragonyo pun jatuah. Bisa2 sakilonyo dietong cuman 15 ribu sakilo. Dek ikan nan talampau tu kurang lamaknyo kecuali dibuek asinan (fillet) atau kapalonyo untuak diasam padeh. Bagian nan paliang lamak di kapalo ikan ko bagi ambo adolah daguaknyo trus matonyo trus banaknyo (apo nan ndak lamak BUk?? Hehe). Beda halnyo jo Si Lentek Hidong ko, Gadangpun tatap maha. Dagiangnyo tatap lamak, walaupun ukuran gadang. Kalo masih ketek-ketek (7 ons kabawah) paliang lamak di steam jo bawang putiah, daun bawang plus tomat mudo irih. Tapipun dibaka juo lamak. Nan untuak masakan padangnyo agak kurang cocok, dek dagiang ikan ko lambuik, di pangek padeh ala Bukikpun susah untuak sampai tu-ua, dek ikan lah ancua di kicok kuciang palo itam hehe. Salain ikan Lentek Hidong jo Siakap masih ado namo lainnyo yaitu ikan mata kucing. Ikan ko matonyo memang agak basinar, sinarnyo merah galok. Itu mungkin makonyo dinamoan ikan mata kucing dek sebagian Urang Pulau disiko. Ambo pernah mancaliak ikan ko dipaliharo kawan di dakek Jembatan duo Barelang, Batam. Salain ikan kerapu yang kebanyakan maisi ampia sadonyo kerambanyo, ado ciek keramba nan diisi ikan mato kuciang ko. Salalunyo mereka ko barombongan, bauru-uru basamo-samo. Cando ado nan mamimpin. Sanang hati awak mancaliak ikan ko, tarutamo kalo diagiah makan cancangan ikan gembung jo ikan benggol. Bacirabuiknyo. Apopun carito seputaran lauik, pulau-pulau jo sagalo isinyo tarutamo lauiknyo yang bahubungan lansuang jo sebagian gadang asok di dapua awak (kuliner) tatap ambo sukoi. Apo dek ambo urang “Darek” ? antahlah….. Nan sadiah ambo, bilolah nelayan pulau bisa jadi “Urang” di tanah kelahirannyo. Ampia sadonyo nelayan nan ambo tamui banasib samo. Manyarahkan iduik ka rasaki di dalam lauik… Btw, Terimo kasih berbagi caritonyo .. Wassalam Rina, 32, batam, payobada --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
