Assalamualaikum W.W, Maaf kalau subjek nyo kurang tapek atau info ambo ko re-post. Ambo nio bacarito senek apo nan ambo caliak dan ambo alami di kampuang (Korong Kajai, Kanagarian Campago-V Koto Kampuang Dalam, Pd. Pariaman)
Kondisi terakhir mulai dari Jambatan Latiang sampai ka Bayua, Campago jo Sungai Jilatang, sabalun ambo tadi malam baliak ka JKT; - Kondisi rumah 90 % runtuah atau ndak runtuah pun ndak bisa lalok gai dalamnyo lai. - Untuak Sembako, manuruik ambo agak 1 minggu 2 ko lai bisa karano banyak bantuan dari dunsanak2 nan pulang sado nyo. Info terakhir akan ado bantuan dari PKDP Duri jo Pk. Baru. - Saketek juo ndak ado bantuan dari Pemerintah jo Dinas2 terkait baiak tenda, pengobatan, jo sembako. Nan ado bantuan, baiak tenda atau sembako dari Perusahaan, NGO. Alhamdulillah. - Pejabat baiak tingkat Kabupaten, Nagari, Korong sibuk ndak manantu karajonyo. Tidak difungsikan sebagaimano mestinyo. Kapatang pembagian sembako dari Yayasan Buddha Tzu Chi Indonesia. Sa kanagarian Campago urang nyo suruah ma ambiak bantuan di kantua Koramil. Padahal sahari sabalunnyo urang yayasan ko ma antaan kupon untuak pa ambiak sembako. Ribuan urang disuruah antri dari jam 2 dan batas waktu sampai jam 5 sore. - Pejabat Daerah nan lain karajonyo cuma survey, bajalan2. Hari Sabtu kapatang Wabup Pd. Pariaman, lamak se mangalua mie instan sa kardus dari dalam oto dinas nyo, ditambah nyo ciek jo mangomel iko untuak daerah lain lo mah. Jawabnyo ambo cuma pai mansurvey dulu... sembako sabanta lai diantaan wali nagari (sampai ambo pai lai indak tibo bantuan tu do). Antah kama utak e (maaf), urang mancaliak oto baliau datang iyo baharok ado bantuan tenda dan obat2tan bagai. - Kini kondisi nan rawan adolah masalah kesehatan, dek aia ndak ado (adopun bantuak aia nasi kaluanyo), lah babarapo urang nan terserang diare/ mencret2. Kapatang lai rombongan Yarsi lalu di daerah tu, tapi kami ndak bisa mamaso untuak mintak ubek... Indak untuak siko do Pak... - Kalau ado nan bisa akses dan masih ado stok tenda, buliahlah di bagian ka daerah ko... sapanjang jalan mulai dari Jambatan Latiang-Sawah Rawang-Kajai-Bayua-Sungai Jilatang-Campago masih banyak nan lalok di tenda ala kadarnyo nan dibuek dari lapiak panjamua padi. Saitu dulu, maaf kalau ado nan salah kato. Tarimo kasih Mamak/ Dunsanak/ Rekan nan alah mambantu baiak moril maupun materil. Wassalam, Erizon (35+, KOTO, Kajai-Pd. Pariaman), JKT -- Please do not print this email unless you really need to. “Think Green“. --- --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
