Namo rajo nan ingin mampabini ibu St Pangaduan tu: Rajo Unggeh Layang, Ni. Nagari e Taluak Singalai Tabang Papan. Salam, Suryadi
--- Pada Sel, 27/10/09, Rita Desfitri Lukman <[email protected]> menulis: Dari: Rita Desfitri Lukman <[email protected]> Judul: [...@ntau-net] Re: Tanya : Kaba Sutan Pangaduan dan Bongsu Pinang Sibaribuik Kepada: [email protected] Tanggal: Selasa, 27 Oktober, 2009, 11:13 PM Adinda Zulfadli, Sakitar tahun 80-an, almarhum abak ambo pernah maagiah kami buku carito tu, Namo pengarang nyo ambo lupo. Judul nyo "SUTAN PANGADUAN DAN SUTAN LIMBAK TUAH", Jilid 1 jo Jilid 2. Karano carito di jilid 2 tu dulu masih tagantuang, ambo yakin jilid 3 nyo akan ado. tapi wakatu tu kato abak ambo, Jilid 3 alun ado atau alun terbit lai. Ambo sendiri mambaco buku carito Sutan Pangaduan ko wakatu ketek-ketek dulu tu lah, puluhan tahun nan lalu, jadi lah banyak pulo jalan caritonyo nan lupo. Sutan Pangaduan jo Sutan Limbak Tuah adolah duo saudara satu ayah (Rajo) tapi ba lain ibu. Sabananyo ado kakak mereka surang lai nan sa ayah juo, padusi, namonyo Puti Sari Makah, pendekar sakti juo nan ba ibu dari nagari Arab. Secara lahir Sutan Limbak Tuah nan labiah tuo, tapi secara batin, baik tingkat keilmuan dan kesaktian, serta kebijaksanaan, Sutan Pangaduan jauah lebih unggul. Mungkin itu dikaranokan Sutan Pangaduan digadangkan sacaro sederhana dan bijaksana oleh nenek dan kakak sepupunyo nan pandeka (pendekar) sakti (dari pihak ibu) di Kualo Pantai Cermin, sajak ayahnyo pai bersemayam di Gunung Ledang dan ibunyo di tawan di ateh suatu bukik karano indak namuah diperistri oleh seorang pendekar (rasonyo rajo juo?). Hal iko babeda jo Sutan Limbak Tuah nan sajak ketek gadang di istana dan diangkek jadi rajo sajak usia mudo manggantikan ayahnyo, di tambah lai ibu dari Sutan Limbak Tuah adolah padusi nan agak jahek hati nan menghalalkan segala cara agar anaknyo Sutan Limbak Tuah bisa jadi rajo. Hal ini bisa dimaklumi karena ibu dari Sutan Pangaduan memang bukan keluarga orang biasa, tapi keluarga keramat dan terpandang, sementara ibu dari Sutan Limbak Tuah awalnya hanya orang kelas bawah nan terangkat karena menikah dengan seorang rajo. Akibatnyo Sutan Limbak Tuah cenderung manjo, dan jadi rajo nan semena-mena, walaupun dikemudian hari lai berubah jadi rajo nan bijak atas nasehat dan bimbingan Sutan Pangaduan dan keluarga ayah mereka. Dalam Buku Sutan Pangaduan jo Sutan Limbak Tuah Jilid 1 nan ambo baco dulu, kisah di mulai katiko Sutan Pangaduan nan alun baumua 10 tahun, sadang lalok didatangi ayahnyo nan bersemayam di Gunung Ledang (dikunjungi secara batin). Maingekkan bahwa tugas Sutan Pangaduan lah tibo untuak mambangkik batang tarandam, membebaskan ibunyo dari tawanan. Hanyo sajo sabalun barangkek, singgah dulu ka tampek bako (keluarga ayahnyo) untuak manambah ilmu dari nenek (ibu dari ayahnyo) dan uni (kamanakan ayahnyo). Sudah tu pai manamui kakaknyo, Rajo Sutan Limbak Tuah, untuak pai baduo baradiak mambebaskan ibu Sutan pangaduan (Puti Andam Dewi?) dari tawanan. Sebagaimana halnyo kaba dan hikayat di Minangkabau, carito ko banyak berisi kejadian-kejadian 'keramat', apolai karano Sutan Pangaduan jo Sutan Limbak Tuah adolah bukan keturunan orang biaso. Di siko banyak kejadian lucu maupun ironis nan tajadi. Tamasuak Sutan Pangaduan nan bapakaian anak rajo, begitu memasuki daerah kerajaan Sutan Limbak Tuah, karano keluguan dan kebersihan hatinyo, di tipu urang gara-gara memetik setangkai kembang. Penipu tu mangatokan itu adolah bungo larangan. Dendanyo adolah baju bangsawan nan sadang dipakai Sutan Pangaduan, dan digantinyo oleh penjahat tu dengan bajunyo nan compang camping, sobek sana sini. Dengan berbaju compang camping, Sutan Pangaduan tibo di istana. Sutan Limbak Tuah takajuik maliek ado anak ketek nan wajahnyo bantuak pinang di balah duo jo inyo, tapi ibu Sutan Limbak Tuah nan busuak hati maraso malu sahinggo disuruahnyo usir, bahkan bunuh, akhirnyo mereka sampai berkelahi, tapi Sutan Pangaduan nan manang. Di saat itulah Sutan Pangaduan mangucapkan kato 'kunci' nan mambuktikan bahwa inyo memang anak ayah mereka. Kato 'kunci' nan hanyo Sutan Limbak Tuah nan bisa mangarati karano inyo alah 'didatangi' ayah mereka pulo. Baitu juo carito katiko sebelum barangkek, ibu Sutan Limbak Tuah ingin memberi makan kaduo anak tu dulu, tapi dengan indah dikisahkan bahwa setelah nasi terhidang, Sutan Pangaduan malah mengajak semua hadirin berbincang-bincang sampai nasi manjadi dingin. Setelah dingin, nasi dipiringnyo diagiahkan Sutan Pangaduan ka hewan piaraan istana, sahinggo mati. Ruponyo makanan untuak Sutan pangaduan diagiah racun oleh ibu Sutan Limbak Tuah supayo Sutan Limbak Tuah indak jadi ikuik 'perang'. Akhirnyo keinginan kedua kakak beradik pergi membebaskan ibu Sutan Pangaduan ndak ado lai nan bisa menghalangi. Dalam Buku Jilid 1 versi nan kami punyo dulu, cerita berakhir tragis, disaat kaduo anak bujang tu (Sutan Pangaduan jo Sutan Limbak Tuah) berhasil melumpuhkan ribuan penjaga dan hampir berhasil membebaskan sang bunda, Sutan Limbak Tuah ambruk, sahinggo Sutan pangaduan kahilangan konsentrasi, akhirnyo kaduonyo berhasil di ringkus musuah. Di buku jilid 2, dikisahkan ayah Sutan Pangaduan manyuruah katigo anak gadih rancak, pendekar sakti, yaitu kemenakannyo (kakak sepupu Sutan Pangaduan jo Sutan Limbak Tuah), kemenakan istrinyo (kakak sepupu Sutan Pangaduan), dan putri sulungnyo (Putri Sari Makah) dari nagari Arab untuak datang membebaskan Sutan Pangaduan, Sutan Limbak Tuah dan ibu Sutan Pangaduan nan ditawan musuah. Dalam buku jilid 2 tu kisah nan keramat labiah banyak tajadi, seperti bagaimano Puti Sari Makah menghentikan angin di Samudera supayo kapal kaduo gadis adiak sepupunyo bisa berhenti berlayar sahinggo inyo nan langsung berlayar dari Makah bisa manyusul :), dan mereka batigo pindah ka kapal Puti Sari Makah melanjutkan perjalanan membebaskan keluarga nan jadi tawanan pendekar/rajo jahat. Kemampuan ketiga gadis srikandi tadi, nan surang ahli mengendalikan air, nan surang ahli mengendalikan angin, dan nan lain ahli mengendalikan suaro? mambuek mereka mampu manaikkan aie lauik sampai ka ateh bukik, sahinggo musuah banyak mati, dan nan tingga hanyo bangunan tampek keluarga mereka di tahan, sahinggo mereka mudah dibebaskan. Sayang katiko mereka dibebaskan tu, Sutan Pangaduan kanai hipnotis dari anak gadih ketek (adiak rajo jahek yang menawan ibunyo nan menyamar), nan mintak di kasihani dan dibao ikuik pergi takuik hanyuik. Sadonyo kakaknyo malarang, tapi Sutan Pangaduan kareh hatinyo mambao anak tu, nan akhirnyo nanti manuntuik balas. Setelah Ibu Sutan pangaduan dibebaskan, mereka kembali ka daerah masing-masing. Ibu Sutan Pangaduan, Sutan Pangaduan jo kakak sepupunyo pulang, Puti Sari Makah babaliak ka Makah dengan hati risau karena tahu Sutan Pangaduan lah keliru 'menyelamatkan musuah', Sutan Limbak Tuah babaliak ka kerajaannyo, dan inyo lah barubah jadi rajo nan labiah dewasa dan bijaksana. Kamanakan ayah mereka juo pulang ka nagarinyo. Katiko Sutan Pagaduan beranjak dewasa dan menikah dengan anak gadih rajo nagari tetangga dan manjadi rajo pulo di sinan. Katiko itulah ibu Sutan Pangaduan di culik baliak, 'anak gadih melarat' nan 'diselamatkan' Sutan Pangaduan datang menjemput ibunyo dan mangatokan Sutan Pangaduan taragak, tetapi ternyato beliau ditawan kembali di puncak bukik. Di situlah sesal kemudian ndak paguno. Sutan Pangaduan nan lah diingekkan kakak-kakaknyo dulu sadar kesalahannyo 'menyelamatkan' musuah. Indak itu sajo, ternyato salamo dalam 'asuhan' atau jadi pembantu Sutan Pangaduan, anak gadih nan diselamatkan tu juo maracun Sutan Pangaduan saketek demi saketek sahinggo kesaktian Sutan Pangaduan agak berkurang. Di siko timbul konflik batin Sutan Pangaduan. Ka disalamaikkan ibu kanduang baliak, istri/permaisuri nan ka ditinggakan hamil mudo pulo, alun lai kerajaan baa pulo jo rakyatnyo. Tapi istrinyo malah memotivasi, mangatokan bahwa katiko Sutan Pangaduan baumua kurang 10 tahun sajo berani, baa kini mako indak. Anak nan ka lahia ko inyo kan punyo takdir surang pulo, indak usah dicamehkan. (batua juo yo, :) ) Akhirnyo Sutan Pangaduan kembali berusaha membebaskan ibunyo. Tapi kini kakaknyo Sutan Limbak Tuah nan kareh ingin ikuik menemani, sahinggo kaduonyo kembali ka bukik tampek ibu Sutan Pangaduan di tawan, dan seperti sudah di duga, Sutan Pangaduan dapek dilumpuhkan dengan mudah karano kesaktiannyo alah berkurang. Kaduo Rajo tu (Sutan Pangaduan jo Sutan Limbak Tuah) akhirnyo juo di tawan dan di rantai musuah. Kalau ndak salah, bagian terakhir dari buku Jilid 2 Sutan Pangaduan dan Sutan Limbak Tuah nan dulu ambo baco tu babunyi kiro-kiro model iko: (redaksi nyo ndak persis) "Pado hari (malam?) nan janiah tarang, pado detik nan alah di perhitungkan, mako Sutan Pangaduan menghentakkan kaki nyo ka bumi. Tadanga suaro menggelegar, patuih/petir badangkang, seluruh dunia bergetar. Tapi goncangan tu alun cukuik untuak mambuek rantai nan mengikat kaki Sutan Pangaduan itu putuih, itu baru pertanda, bahwa anak Sutan Pangaduan telah lahir. Apokah nanti inyo akan menuntut balas dan membebaskan ayah dan neneknya?" Jadi itulah sababnyo adinda Zulfadli, ambo kiro ado tu jilid 3 nyo, cuma kami dulu alun punyo. Lagi pulo sarupo kato Uda Lies Suryadi, kalau versi kasetnyo ado 25 kaset, tantu caritonyo memang panjang tu. Dan sarupo banyak carito/kaba lainnyo, ambo yakin versinyo pun banyak pulo ko mah. Semoga buku atau referensi nan labiah lengkap nan adinda Zulfadli perlukan bisa diperoleh. Mungkin diperpustakaan-perpustakaan daerah ado juo? Selamat mencari.... Salam, Rita Desfitri Lukman New Delhi NB. Maaf, iko lah banda urang pulo nan ambo banda kan. Lai ndak manyalahi copy right doh kan? :) Pada 27 Oktober 2009 07:54, Zulfadli <[email protected]> menulis: Yth, mamak-mamak, angku-angku, uda-uda dan uni-uni di palanta RantauNet Assalamualaikum, Saya ingin bertanya kepada kepada sidang palanta, apakah ada yang masih mengetahui jalan cerita tentang Kaba Malin Dewa Nan Gombang Patuanan (Kaba Sutan Pangaduan dan Sutan Lembak Tuah) dan Kaba Bonsu Pinang Sibaribuik? Kedua kaba diatas termasuk 2 dari 4 kaba tareh (kaba utama) yang berkembang di Minangkabau. Dua yang lainnya adalah Cindua Mato dan Anggun Nan Tongga yang telah akrab dengan kita semua. Kaba Sutan Pangaduan ini berkembang di Pariaman dan Pesisir Selatan dan Kaba Bonsu Pinang Sibaribuik berkembang di Kubuang Tigo Baleh (Solok), Alam Surambi Sungai Pagu (Solok Selatan) dan Pesisir Selatan. Kaba Bonsu Pinang Sibaribuik ini sangat panjang dan didalamnya bertebaran epik-epik tentang perbudakan dan peperangan antar nagari yang pernah terjadi di Minangkabau (setidaknya demikian yang saya dengar). Saya berharap uda Suryadi di Leiden menemukan literatur khususnya tentang Kaba Bonsu Pinang Sibaribuik ini. Terimakasih atas perhatiannya, Wassalam, Zulfadli, 26th Lebih aman saat online. Upgrade ke Internet Explorer 8 baru dan lebih cepat yang dioptimalkan untuk Yahoo! agar Anda merasa lebih aman. Gratis. Dapatkan IE8 di sini! http://downloads.yahoo.com/id/internetexplorer/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
