assalamu'alikum
Kapado saluruh Uda-Uni, niniak mamak ambo nan di RN...
Perkenalkan, namo ambo Noveri Maulana, biaso dipanggia Veri, daerah asal Guguak
VIII koto, Limo Puluah Koto, Payokumbuah. Kini sadang manampuah kuliah di
Universitas Padjadjaran, Bandung, semester tujuah jurusan Jurnalistik.
Uda-Uni jo niniak mamak, kapatangko ambo cubo2 ikut seleksi pertukaran
mahasiswa nan ado di kampus. dan, Alhamdulillah, tapiliah mawakili Unpad ka
Korea Selatan salamo 5 bulan mulai bulan Februari 2010 nan ko. sungguah gadang
hati dak tabado mandanga barita nan tun, bak pungguak mandapekkan bulan, bak
cando buayo tampak muaro. Tabayang senyum urang tuo nan ado dikampuang, dak
sio-sio jariah baliau nan bakarajo.
Ciek nan nak ambo sampaikan ka Uda-uni jo niniak mamak kasadonyo, salamo ko
Unpad mangirim mahasiswa ka Korea nan tun untuk sakalian mangenalkan budaya
Indonesia, tapi masih cenderung ka budaya Sunda jo Jawa. nah, salah satu nilai
tambah ambo, kapatangko ambo manawarkan untuk promosi budaya Minangkabau di
Korea tu. Alhamdulillah, profesor jo pejabat2 Unpad tu tertarik jo ide nan ambo
angkek. Kebetulan ambo saketek banyak lai tau jo musiik kampuang wak nan
dipalajari di UPBM (unit Pencinta Budaya Minangkabau) Unpad. Rencana ambo,
nanti di korea ka maadoan kolaborasi antaro bansi, pupuik jo saluang jo
kesenian khas nan ado di sinan, sabantuak Pansori jo Sanjori.
tapi ado saketek nan marintang, ado satitiak kalam nan manghadang. Soal kacio
nan diraso, sarato puro urang gaek nan taesek.
Nan dari pihak kampus hanyo manjamin biaya kuliah jo tampek tingga samo subsidi
tiket pesawat. nan soal akomodasi atau biaya iduik, ditangguang surang-surang.
Nah, dek masalah nan tun, kok buliah ambo marintang baban ka Uda-Uni dunsanak
kasadonyo, kok lai ado satitiak nan ka dilauikkan, kok lai ado saganggam nan
kadigunuangkan, gadang hati ambo nan ka manarimonyo.
Kok buliah juo batanyo, nyampang ko Uda-Uni jo Niniak Mamak lai punyo tampek
karajo nan kiro-kiro lai bisa mandukuang program ambo ko, mohon dibagi
informasi saketek banyaknyo. Bia nak ambo turuik pulo tampek ka batenggang nan
tun.
cukuik sakian nan ampo sampaikan, talendo nak ka naiak, tarabo nak ka turun,
rila jo maaf ka ambo pinto.
Wassalamu'alaikum
Noveri Maulana
Akses email lebih cepat. Yahoo! menyarankan Anda meng-upgrade browser ke
Internet Explorer 8 baru yang dioptimalkan untuk Yahoo! Dapatkan di sini!
http://downloads.yahoo.com/id/internetexplorer
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
