Mak Ngah jo sanak sapalanta, Itulah bukti baso adat tu salingga nagari, indak salingka alam doh..:)) Gagah jo rancak kecek awak, ruponyo caruik kato urang.
Soal namo rang Minang ko, ambo pun salah satu "korbannyo". Dek namo asli ambo Fitrianto, lah jawa pulo kecek urang. Makonyo di alam maya ambo pakai namo suku manjadi Fitr Tanjuang. Dek ciek kato, makin rumit pulo kalau di lua nagari ko. "Maa first name maa last name, Yuang?" tanyo urang2. Di Japang namo ambo di pacah jadi Fitri jo Anto. Di Amerika ko lah manjadi dobel, Fitrianto Fitrianto atau FNU Fitrianto atau Fitrianto LNU. * FNU = first name unknown, LNU = last name unknown* Kalau naik pesawat internasional dari USA ko iyo lamo urusannyo untuak bisa cek-in. Makonyo namo anak ambo indak namuah ambo buek ciek kato se doh. Malah 3 kato, pakai namo tangah. Tapi tatap maikut gaya Minang nan bisa disingkek2, walaupun indak khas namo Minang. Sekedar sato curhat pulo saketek masalah namo ko... Wassalam fitr tanjuang lk/35/albany NY On 11/11/09, sjamsir_sjarif <[email protected]> wrote: > > MakNgah baru jago lalok sabanta ko. Ruponyo rangkaian (thread) topik lah > basambuang-sambuang, indak taikuti sajak samulo. Jadi saroman mangaja ikua > koreta pi dari bulakang. > > Tapi dek tasabuik taimbau pulo Mak Ngah di Tapi Riak nan Badabua dek Rangkayo > Eva, iyo agak tasambua lo galak awak dek e. Baru lo MakNgah danga label "eva, > cimahi coret". Karano MakNgah pasti, Eva lai indak "dek coghek" di Cimahi to > doh, indak tasambua galak Makngah lai doh; lah sakik poghuk manahan golak ha, > hamia tocoghoh kopi kanai kalatiak singguang .... :) > > Dek sato sakaki mangaja ikua koreta tu dari bulakang, sambia bagayuik di > janjang daresinyo, takana lo namo si As, kenalan kami di Hawaii dalam tahun > 1968'an. Namo "As" ko kan namo rancak di awak kan? Si As kenalan kami ko pun > gadih rancak pulo. Si As [lupo kapanjangan namonyo, Urang Awak pulo] > samo-samo sikola di Hawaii jo Tetet [Urang Sunda] samo-samo samo-samo urang > perpustakaan dari Banduang. Dek Tetet kawin jo kawan kami Pak Danis di > Chicago, inyo pindah ka Chicago. > > Katu bakunjuang ka Chicago tu, kami sambuik basamo-samo jo kawan-kawan Urang > Amerika bagai rami-rami di rumah Tetet. Katu memperkenalkan ka kawan-kawan > Amerika ko, si As manarangkan, > "Just call me As" nan ucapannyo tadanga dek kami nan banyak > "Just call me Ass!" > > Kawan-kawan kami urang Amerika ko maengong ka ambo jo pandangan mato sapi, > agak tacongak-congak heran saribu kato. MakNgah senyum sengeng pulo ka > kawan-kawan nan adang adok [nan kini lah ado nan jadi mantan menteri dan > ecshelon tinggi di Jakarta]. Untuak mahindakan malu si As ko ambo tarangkan > luruih-lutuih: Dek baru datang, kecek ambo, si As alun tahu lai apo arati > "Ass" dalam bahaso percakapan di Amerika ko, kecek ambo. Kawan-kawansamo > maklum, si As basyukur dan tarimo kasih ka MakNgah jo senyum simpul manihnyo. > > PS. [Kapado Adidunsanak di Lapau, itu sababnyo kadang-kadang MakNgah garahkan > jan manulihkan "Ass" tu di Lapau sabagai pambuka kato sabagai kapendekan > Assalamaualaikum. Karano arati "Ass" tu "ikua", tapek kasanyo "li .. ci" ... > :) > > Salam, > --MakNgah > Santa Kuruih Kalipornia > Di Tapi Riak nan Badabua > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
