Da Jepe dan dunsanak palanta budiman, Assalamu'alaikum Warahmatullahi Wabarakaatuh,
Ambo sangko Apak sia kolah nan dikecek an Da Jepe ko? Kironyo makanan nan dicaritoan baliau. Memang bagi ambo nan suko manapi-napi di lapau ko iyo ndak absen ambo mambaco tulisan Da Jepe ko doh. Rasonyo samo ukatu ketek2 kalo dibalian buku dek Papa tapi duluan dirabuik abang. Mantun rasonyo kalo pas ado kalua tulisan Da Jepe ko di Lapau ko, tapi ado lo karajo nan manunggu mintak disalasaian. Indak bisa lansuang mambaco no. Iko barangkali dek ambo nan dari saumua hiduik memang suko baadventure. Alah jadi amak-amak kini ko pun masih juo suko malayok-layok ikuik Uda ambo kok pai malala. Mangkonyo sadang hamil 9 bulanpun masih juo pai mamapeh antah tu kalauik Barelang ko, ataupun ka danau Sei Ladi nan kecek urang Batam terkenal angker. Tulisan2 Da Jepe ko manuruik ambo rugi kalo ambo lewatkan, dek banyak info2 adventure dari daerah lain. Sabana kalo karajo ko sasuai lo jo hobbi kito. Sabana sanang hati mangarajoannyo. Selamat bagi Da Jepe dapek karajo nan bisa lo manyasuaikan jo hobi. Partamo mambaco tulisan Da Jepe nan jimek ko, adolah adventure liau di Solok Selatan dakek kampuang Sutan Mudo Nofend nan mancaritoan mamapeh di dalam mato aia di dalam rimbo dikawanan dek penduduk tempatan jo joran Shimano liau. Sakik hati ambo pas caritonyo disiangajoan dikuduang pas lagi nak ka strike..Pakai basambuang2 lo du..ondeh mandeh... Bak kecek Pak Emi, sabana jimek laporan pandangan panca indra liau ko manyigi sadonyo nan dilalui jo nan dirasokan, sabana kameh plus jo humor nan indak pernah tingga. Back to Pak 'at Life on the plate, iko nan salalu jadi ikon kutiko manulihan sebuah adventure tentang makanan. Sian an bisa mamungkiri kalo kuliner ko bukan nan primer bagi manusia? Tapi memang bukan hiduik untuak makan yo.. hehe.. Apopun adventure kuliner nan Da Jepe bagi ka Lapau ko, ambo raso akan jadi inspirasi bagi ibuk2 untuak beradventure pulo jo isi kulkasnyo di rumah masiang-masiang. MIsalkan Pak'at ko. Ambo raso kalo asparagus dibuek mode ko lo kayaknyo lamak juo di jadian kawan makan apoko itu goreng ayam, ikan atau bakaran. Taruihlah untuak indak bosan babagi bagi inspirasi ka kami para ibuk2 palanta ko Da Jepe. Banyak pahalo maalia jadinyo dek inspirasi ko bisa membahagiakan para sumando dan kamanakan2 Da Jepe. Banyak maaf Wassalam Rina, 32, batam Note ; Maaf Da, alun juo ambo dapek akses jo PT Shimano nan di Batam ko laih :-( --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
