Assamualaikum,w,w. Ambopun ikuik maucapkan salamaik ka adinda Suryadi di Ulando (nan lai indak manjadi Ulando Padang disinan) nan sadang mangganti popok bayi barunyo. Semoga juo doa kito untuak anak ko walau nantiknyo di KTP nyo tatulih tampek lahienyo Ulando tapi indak manjadi Ulando Padang saroman nan disampaikan Buya HMA. Handaknyo dapek babakti kapado agama, nusa dan Bangsa sarato kaduo urang tuonyo. Wassalam, HMDTMB (52+) Sadang di Sulik Ayie menghadiri Mubes KAN Sulit Air Sent from my BlackBerry® powered by Sinyal Kuat INDOSAT
-----Original Message----- From: buyamasoedabidin <[email protected]> Date: Tue, 24 Nov 2009 20:29:09 To: <[email protected]> Subject: [...@ntau-net] Re: Pasan Syekh Dauik Sunua ka kito nan duduak di lapau dan urang Minang pado umumnyo Selamat ananda Suryadi... Alah lai cucu Buya tu di Ulando yo ... Tapi nan banamo Ulando Padang ko bukan cucu Buya tu doh ... Ulando padang tu.. si Padang nan maniru urang ulando .. sampai-sampai maninggakan sumbayang gai ... agamo no Islam juo neh ... tapi ibadah no ndak ado lai .. itu nan di nyanyi an dek Syeh Dauik Sunue tu mah ... Salam maaf ananda Suryadi ... Moga si kecil pahit darah no.. kuat iman no.. dan kelak rajin ibadah no .. pandai berbakti ka ibu bapo no ... Amin... Wassalam Buya HMA Pada 24 November 2009 05:14, Lies Suryadi <[email protected]> menulis: > Assalamualaikum Dunsakan di lapau kasadonyo, > > Ruponyo paningga ambo di rumah sakik sajak saminggu nan lewek lah banyak > nan baotakan di lapau kito ko. Mulai dari ekonomi, politik, budaya, sampai > ka soal rencana tuka guliang tanah lokasi SMA 1 Padang. Sakadar bagi2 > pengalaman rupoe lain lo rasoe punyo anak ketek di nagari urang nan jauah > ko: kito nan laki2 batua2 101% harus jadi suami siaga, mulai dari manuka > popok anak, balanjo, manjapuik anak nan gadang sikola, sampai ka batanak. > Samantaro tu basambiakan juo pai ka kampus jo manulih2 a nan ka apek di > tulih. > > Sambia maliek-liek bayi merah dalam karando tiduanyo, ambo cubo2 > mangaliahaksarakan naskah *SYAIR* *MEKAH* *DAN* *MADINAH* nan dikarang dek > SYEKH DAUD SUNUR sekitar akhir tahun 1830-an. Rupoe naskah ko acok bana > disalin urang dulu di abaik ka-19. Nan ambo baco ko berdasarkan salah satu > salinan berkode Or.3337 nan kini tasimpan di Perpustakaan Universitas > Leiden, nan tampaknyo berasal dari Barus, pantai Barat Sumatra tahun > 1850-an. Gadang kemungkinan salinan ko sampai ka Leiden dek dibao dek Herman > Nubronner van der Tuuk, salah sorang ahli bahaso dari Ulando nan pernah pai > ka Sumatra tahun 1850-an. > > Tapi nan menarik dek ambo salah satu bait dalam SYAIR MEKAH DAN MADINAH ko: > > *Ilmu nan salah banyak sekarang* > *Sabab muftinyo tiado tarang* > *Satangah (ba)iktikad indak sumbayang* > *Manjadi kapia Ulando Padang* > > (bait ka-309) > > Ha ha....tagalak pencong ambo mambaco bait nan iko. Apo lai dek kito > danga kini, tamasuak dalam ota di lapau ko, kondisi keagamaan masyarakaik di > kampuang kito nan kabanyo makin manipih dek digoyang dek modernisasi dan > globalisasi (hantu apo kolah ko modernisasi danglobalisasi ko?). > Tibo panggilan suaro azan dari musajik, nan batu domino badantang juo > baru. Nan sumbayang di musajik urang gaek2 nan lah baun tanah sajo lai. > Mudah2an dunsanak2 kito alun lai jadi "kapia Ulando Padang" bantuak nan > dikritik dek Syekh Daud Sunur (Syekh Dauik Sunua). Tapi apolah kiro2 mukauik > Syekd Dauik jo istilah "KAPIA ULANDO PADANG" ko? Apokoh mukasuiknyo urang > Ulando nan ado di Padang wakatu tu atau urang Minang nan mamihak ka urang > Ulando sahinggo dicap sabagai urang 'kapia'. Mungkin ado niniak mamak, > kakak, atau dunsanak nan cadiak pandai di lapau nan tahu. > > Wassalam, > Suryadi (44 thn) > (sadang mambaduang anak) > > ------------------------------ > Selalu bersama teman-teman di Yahoo! > Messenger<http://sg.rd.yahoo.com/id/messenger/trueswitch/mailtagline/*http://id.messenger.yahoo.com/invite/> > Tambahkan mereka dari email atau jaringan sosial Anda sekarang > > > > -- Allahumma inna nas-aluka ridhaa-ka wa al-jannah, wa na'uudzu bika min sakhati-ka wa an-naar Allahumma ghfir-lana dzunubana, wa li ikhwanina, wa sabaquuna bil-imaan,wa laa taj'al fii qulubinaa ghillan lil-ladzina aamanuu Rabbana innaka ghafuurun rahiim. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
