Waalaikumsallam wr wb Sanak Suryadi nan sadang berbahagia
Sambi sarapan pagi mairuik kopi angek yo tagolak sengeang juo ambo hasil terjemahan sanak "dokumen lamo" Syeih Daud Sunua tu Iko lah sasuai jo janji sanak dulu kok lai ado kelapangam waktu akan malapeh catatan2 jaman saisuak nan banilai sejarah tapi kok di baco dijaman kini mambuek awak senyum2 jo istilahnyo Lali satantang terminologi " Kapia Ulando Padang" Iko kato2 nan sakiro indak asiang juo ambo danga wakatu ketek2 anyia (SD) dari mendiang nenek ambo tamasuak mande ambo (kok mande ambo tantu dari mandenyo juo pangajarannyo dan itu nenek ambo) Jadi almarhum nenek ambo atau urang2 kampuang saisuak nan iduak jaman Ulando samisal Nenek ambo lahia 1912 Yo acok manyabuik "kapia ulando" tapi ndak pakai Padang atau labiah tapeknyo "kapia jo balando" kato2 ko kalua 1. Yo kalau anak2 jo awak dulu maleh atau indak pai mangaji ka musajik atau ka surau, lalu kok indak shalat 5 waktu, magrib sampai isya indak ka masajik untuak shalat dan managaji lah acok bana tingga mako almarhun nenek ambo manesehati biasonyo. Ado diiriang dengan kato2 tu "Indak mangaji indak sumbayang ka kapia wang bantuak builando iduang panjang tu " Nan kaduo iko yo agak galak ambo kalau nenek ambo tu manyangkuik-nyangkuik "kapia ulando" untuak manakuik-nakuikan kalene nan takuik ba sunek rasul mako nenek ambo "berang" ka kalene kampuang "Waang kok ndak basunek (umua lah lanjuik ka remaja juo samisal kaleh 5 alun juo basunek ha ha ha) ka bantuak "balando kapia" tu, ha ha ha Duo tu sajo nan masih mambakeh dek ambo "pituah" almarhum nenek ambo nan mambaok2 terminologi " kapia Ulando" tambah bumbu e snek manjadi " kapia uilando iduang panjang" Nah satatantang "ulando kapia Padang" ado kato Padang iko kiro2 ambo sajo nyo atau prediksi ambo kanapo Inyiak SDS kito tu manambahkan kato "Padang" manuruik perkiraan ambo mungkin jaman saisuak tu lah di pastikan Banyak Balando di kota Padang nan jaleh pasti ambo yakin tantu banyak di Padang dari pado di Sunua kampuang sanak, Kesimpulan Jadi Balando nan banyak di Padang tu dek indak sumbayang, mangaji plus indak basunek makonyo "Kapia Ulando Padang" Hab ha ha Galak ambo sanak Wass-jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: Lies Suryadi <[email protected]> Date: Tue, 24 Nov 2009 06:14:59 To: <[email protected]> Subject: [...@ntau-net] Pasan Syekh Dauik Sunua ka kito nan duduak di lapau dan urang Minang pado umumnyo Assalamualaikum Dunsakan di lapau kasadonyo, Ruponyo paningga ambo di rumah sakik sajak saminggu nan lewek lah banyak nan baotakan di lapau kito ko. Mulai dari ekonomi, politik, budaya, sampai ka soal rencana tuka guliang tanah lokasi SMA 1 Padang. Sakadar bagi2 pengalaman rupoe lain lo rasoe punyo anak ketek di nagari urang nan jauah ko: kito nan laki2 batua2 101% harus jadi suami siaga, mulai dari manuka popok anak, balanjo, manjapuik anak nan gadang sikola, sampai ka batanak. Samantaro tu basambiakan juo pai ka kampus jo manulih2 a nan ka apek di tulih. Sambia maliek-liek bayi merah dalam karando tiduanyo, ambo cubo2 mangaliahaksarakan naskah SYAIR MEKAH DAN MADINAH nan dikarang dek SYEKH DAUD SUNUR sekitar akhir tahun 1830-an. Rupoe naskah ko acok bana disalin urang dulu di abaik ka-19. Nan ambo baco ko berdasarkan salah satu salinan berkode Or.3337 nan kini tasimpan di Perpustakaan Universitas Leiden, nan tampaknyo berasal dari Barus, pantai Barat Sumatra tahun 1850-an. Gadang kemungkinan salinan ko sampai ka Leiden dek dibao dek Herman Nubronner van der Tuuk, salah sorang ahli bahaso dari Ulando nan pernah pai ka Sumatra tahun 1850-an. Tapi nan menarik dek ambo salah satu bait dalam SYAIR MEKAH DAN MADINAH ko: Ilmu nan salah banyak sekarang Sabab muftinyo tiado tarang Satangah (ba)iktikad indak sumbayang Manjadi kapia Ulando Padang (bait ka-309) Ha ha....tagalak pencong ambo mambaco bait nan iko. Apo lai dek kito danga kini, tamasuak dalam ota di lapau ko, kondisi keagamaan masyarakaik di kampuang kito nan kabanyo makin manipih dek digoyang dek modernisasi dan globalisasi (hantu apo kolah ko modernisasi danglobalisasi ko?). Tibo panggilan suaro azan dari musajik, nan batu domino badantang juo baru. Nan sumbayang di musajik urang gaek2 nan lah baun tanah sajo lai. Mudah2an dunsanak2 kito alun lai jadi "kapia Ulando Padang" bantuak nan dikritik dek Syekh Daud Sunur (Syekh Dauik Sunua). Tapi apolah kiro2 mukauik Syekd Dauik jo istilah "KAPIA ULANDO PADANG" ko? Apokoh mukasuiknyo urang Ulando nan ado di Padang wakatu tu atau urang Minang nan mamihak ka urang Ulando sahinggo dicap sabagai urang 'kapia'. Mungkin ado niniak mamak, kakak, atau dunsanak nan cadiak pandai di lapau nan tahu. Wassalam, Suryadi (44 thn) (sadang mambaduang anak) Selalu bisa chat di profil jaringan, blog, atau situs web pribadi! Yahoo! memungkinkan Anda selalu bisa chat melalui Pingbox. Coba! http://id.messenger.yahoo.com/pingbox/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
