Da JP Manyumpah Marapi jo Singgalang, Mahariak Talang jo Tandikek, Marentak Talakmau jo Gunuang Sago, Ma Rauang Rimbo Rayo, Manggaga Ranah Bundo, Bumi di Pijak Nan Alah Taban. Manyemba Patuih Ka Tonggak Tuo. Disinan Api Manghanguihkan.
Tando Bukan Sumbarang Tando, Pituah Niniak Indak Baturuik, Larang jo Pantang Nan Alah Tatampuah. Jiko naknyo salamaik kapa manyubarang, pandai-pandai maniti buih, bukannyo ombak gadang nan ka mangaramkan, riak nan tanang nan ka mahanyuikkan. Kok dulu rabab nan batali Kini lagundi nan baselo Kok dulu budi nan di cari Kok kini rimih nan bakuaso Samantangpun baitu, Kok dulu dahan nan ka maimpok Kok kini rantiang nan ka mancucuak Nan dibawah nan ka mahaban Pandai-pandai mambaco nan tasirek Usah tarambau dek nan tasurek Andiko Sutan Mancayo [email protected] wrote: > Kini ko manjalang maukua kasua bisuak pagi ka babaliak ka pakan iyo ndak > kadipapanjang lai dendang ko > > agak ta ibo juo ati rasonyo sabanyak anak mudo nan saumua andiko sutan > mancayo di ranah apolai di kota, yo alun ado ambo basuo lai nan aluih ba > tutur seni ambo ndak tahu apo namonyo kecek andiko ka ambo by sms " uda tapek > bana maagiah genre tulisan ambo tu "dendang kuliner" > > Seandainyo ambo kimpuakan anak mudo ranah minang dijaman saiber ko 50 urang > saumua Andiko, antahlah lai tahu juo anak mudo ranah kini jo seni2 tradisi > klasik ranah minang, kaba2 nan panuah kato2 malereang "nan tantu tahu di > bayang kato sampai" > > > Kok dendang kuliner ko ambo nyanyikan jo anak2 mudo kini cimeeh nan dapek ka > badan diri ambo kali > > "Oiii Pak apo lagu apak ko, kelaut aje ye, apak ndak tahu dendang nan lamak > nan absurditas tinggi Pak sarupo sinetron di tipi, lai managarti tu apak" > > Yo lah sansai > > Nan situkang rabab nan lah tuo2 seni bertuturnya nan indah yo lah baok mati > seni ko jo jasadnyo nan takubua ndak ado lai anak2 mudo kini nan malanjuikan, > baitu juo si tukang saluang > > Secara tersirat Andiko jika saya sedikit menterjemahkan ketikas aya > berdiskusi ringan, Andiko dengan perjalan Antropologi budaya, metafiskanya > kepelosok2 nagari inyo manggugat nan urang2 mabuak bawacana sajo tantang > adat, tingga diseminar2 dan lain2 indak maliek lansuang apo nan tajadi kini > dikampuang2 dipelosok tarutamo urang2 tuo nan "barisi jo baulemu" > > Kini adaik kito memang lah terpolarisasi dek berbagai kepentingan birokrat, > tekanan politik, tekanan yang berkuasa dan yang ingin berkuasa bamacam2 gaya > jo model seremonial adaik nan dibueknyo dek kekuasaannyo urang adaikpunlah > tagadai lo sarupo maagiah-agiah gala ka kekuasaan bukan sajo diranah awak > tapi dimasyarakat adat lainnnyo > > Urang nan bakuaso di nagari ko amuah 3 sampai 4 gai gala adaiknyo, lalu > upacara adaiknyo ndak tangguang bamewah2 samantaro urang kampuang tetuo > kampuang malango sajo mancaliak urang antah barantah datang ka nagari tibo2 > lah rami sajoa alek jo biaya dari kekuasaan > > Antahlah baa manuruik Andiko tu, sampaikan sajo lah > > Ytaruih lah Andiko Sutan Mancayo > Kok buliah lo ambo bapasan dendangkan lah dulu randang baluik tradisi kuliner > kito nan khas ko manjalang tutuik tahun ko > > Dendanglan sagalo "sarok2" di randang baluik tu > > Tarimo kasih labiah takurang mohon maaf sanak > > Wass-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: [email protected] > Date: Wed, 23 Dec 2009 14:30:59 > To: <[email protected]> > Subject: Re: [...@ntau-net] Seri Dendang Kuliner II : Karupuak Ubi Sungai > Tarab > > Lah.lah tu si tukang rabab, lanjuiklah kaba ko lai, alah tu raun sabalik jo > dendang tu, baitu kecek gaek nan manyuduik sambia maisok rokok nipah bapulun2 > galiman digigik disalo bibia katiko si tukang rabab manggantuang carito > > Manih dingin nan dalam plastik esnyo lah cai, amba sajo nan tingga lai, > dicampakan ka tampek sarok nan talatak di suduik kamar, kaki diirik ka > barando hotel duduak dikurisi randah manyanda sambia kaki diunjukan, angin > malam nan sajuak kaja bakaja manimpo pipi, nan rangik bantuak itu juo > malayang-layang dimuko iduang > > Oiii urang hotel semperot lu saktetek barando ko bia ndak lamak lo goyang > dendang ambo manyambuik dendang kuliner anak mudo dari nagari ambo > > Tagak sabanta tigo ampek kali disemprot barando ko jo racun nyamuak, mahawo > baunnyo agak sasak angok pai tagak agak jauh dulu, lah ndak taraso hawo > racunnyo tingga harum limau sajo baun racun ko duduak baliak ambo dibarando... > > Sampai dima tadi sanak > > Oh yo kami anak2 kalene nan tahu jo bamain dan salero sajo dikampuang wakatu > libur sakolah dibagi dek Ande duo tigo surang karupuak sungai tarab nan > dikaluakannyo dalam kambuik, salapeh dapek karupuak kami lah balari2 pulo > diateh gudang (dikampuang ambo rumah pangguang dinamokan juo jo Gudang) > > Maonjak-onjak diateh lapiak nan dibawahnyo padi masiak, bunyinyo badariak > dariak, > > Karupuak ubi dikulek juo, lah pasai main di gudang balari kalua lai sambia > mamacik karupuak surang2 nan tingga ciek, sampai di ujuang labuah halaman > janjang musajik dakek gudang nan karupuak ubi ko lah tandeh tingga > manyalek-nyalek sajo lai di salo gigi masih taraso hawo lamaknyo sakali2 > diputa juo lidah didalam muluik manyemba karupuak nan tasalek..ondee mande > kanduang yo lamak salero nan Ande balikan buek kami, murah meriah indak > tauncang kampia saku Ande jo etek nan iduik susah dikampuang > > Tanjuang barulak pakannyo hari sabtu, lah lami lo balai kok tibo hari sabtu, > bagadincik urang pai manuka ka balai sabtu nagari tanjuang barulak, kok > langang balai ko disabuik urang " salajang kudo balari" kok rami balai ko > jaan kudo salajang balari, bahu jo ikua bisa bagesoh bapapasan di antaro > lapak anak galeh kalau bajalan > > Lah kabalai lo mande dihari sabtu, indak lupo Ande mambalikan kami sate > satungkuih surang, katupeknyo duo dagiang satusuak sajo kuahnyo banyak, tibo > di gudang tungkuih sate kami bukak, mahawo sakali harum kuah sate jo bawang > goreng nan alah tarandam liok dikuah sate, samantaro mande inyo turunkan > kambuik nan tagantuang di paran dapua, masih ado juo sakabek duo kabek > karupuak sungai tarab ah dibagikan lo kami duo tigo surang > > Katupuak nan partamo di carah bapacah2 tangguang ka kuah sate, nan dagiang > satusuak dikalmek2 dileohkan juo ka kuah dijilek juo nan dagiang sagalimiang > alun juo dimakan, baitu juo jo nasib karupuak dielo pacahannyo ciek ciek > disudu juo kuah sate dilambuikan ka muluik yo kaja bakaja rasonyo jo katupek > > Lah salasai katupek jo dagiang satusuak tingga kuahnyo sajo di daun karupuak > terakhir manyudu kuah ko sampai licin, lai juo kuah sate nan tasalek dibaliak > daun pambungkuih abih kanai sudu, lah marasai bana nasib daun pisang gilo > disudu karupuak juo, si daun pisang dek licinnyo kanai sudu lah bisa lo > kajadi camin muko nan cangok ko (he he he_ > > Apolai ka disabuik dek karupuak sungai tarab yo saraso diri ambo masuak > terowongan waktu masuak ka jaman saisuak katiko iduaik nan serba damai > dikampuang tampek taserak darah bundo jo niniak-niniak ambo > > Sutan mancayo yo sabana haluih batutur mancaritokan si karupuak ubi, inokilah > dek sanak baa nasib si ubi tu, ubi nan tumbuah umua 7 bulan di nagari kaki > gunuang nan subur kayo mineral iko nan mambuek karupuak ko lamak ndak ado > tandingannyo > > Ingek ubi cando iko nan maragang lapeh kuli jo isinyo nan putiah ingek pulo > ambo jo kato2 bijak mande > > Kok jampang mande basuo jo anak nan baru lahia kuliknyo putiah barasiah > bacahayo mande ambo maumpamokannyo "cando ubi takubak dari kuliknyo" co itu > bana ruponyo si Ubi nan putiah bacahayo ditanam di nagario sungai tarab ko > nampaknyo > > Baitu juo jo minyak goreangnyo yo sabana padiah taraso katiko sutan mancayo > manyabuikminyak ko diambiak dari karambia nan tinggi karambia ko manyambah > langik..ampun ambo deknyo tutur seni anak mudo ko > > Alah lo dulu, samantaro alah abih pangana jo aka ambo untuak malanjuikannyo, > nan rangik lah mulai datang lo ha > > Ado ciek nan ambo takuikan ko jebol lo huruf qwerty BB ambo, BB lamo lah > kanai babarapo huruf qwertynyo dek ulah manulih baciloteh sapanjang tali > baruak jo kompor saganggam tangan > > Bia lo ko yo kanai lo huruf qwerty BB ko liak, beko sajo dikaji > > Hadapi sajahhhhh > > Wass-Jepe > Kota Pinang > > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: [email protected] > Date: Wed, 23 Dec 2009 13:07:30 > To: <[email protected]> > Subject: Re: [...@ntau-net] Seri Dendang Kuliner II : Karupuak Ubi Sungai > Tarab > > Dinda Andiko Sutan Mancayo dan dunsanak palanmta RN > > Ambo yo ka mongemantari dendang kuliner sahabih aka jo pangana ambo ikonyo > > Sasuai pinta jo pinto ambo balaku juo kandak ambo nan maibo2 plis..plisss > Andiko lewakan hari ko juo, > > Lah abih ubek ambo sore malakik magrib tadi lah mamanjek manjek dindiang ambo > manjalang ambo ka marauang mamanjek dindiang ko tibo sakali ubek damam paleph > jariah ko dari Sutan Mancayo nan badendang kuliner maibo2 tantang karupuak > ubi Sungai Tarab > > Lah mulai tanang ambo nan dindiang lah baranti di panjek nan rauang ndak > kadangaran lai, tangan nan kadindiang dilapehkan dibuka baju jo sarawa bajadi > jadi timbo batimbo gayuang mambasuah badan > > Utaklah tarang nan mato lah manyalang, dibaok langkah kaki ka mushalla tampek > ambo manginap untuak sumbayang magrib ba imam2 jo kawan2 salapeh doa > disampaikan jo duo rakaaty shalat sunnah dilangkahkan kaki ka rumah makan > dimuko penginapan > > Salasi maisi kampuang tangah dibungkuik the es mani jo plastik nan bapipet, > manis dingin kecek urang disiko, makan dibayia dikasir. Lansuang badan diri > masuak kamar, disandakan pungguang ka kapalo springbed kaki dijunjuakan nan > manis dingin diiruik jo sataguak duo taguak > > Dingin AC nandistel basuhu 20 darajaik malambuik kuduak tagak bulu ramang dek > sajuaknyo dibuka kompor ketek saganggam. Tangan baa kecek pituah mande ambo > sangkek ketek jaman susah dulu > > Kok mande mambuek randang dagiang jo cubadak, nandagiang saparempek kilo sajo > dipotong ketek2 nan cubadak barek duo kilo kok dagiang yo baagakan dek mande > sapotong ketek surang kok dadak randang jo cubadak pupuahlah sakanyang paruik > > "Anak kanduang sibiran tulang bakalimeklah makan dagiang tu saketek saketek" > > Nasi abih duo piriang nan dagiang sakuduang ketek bakalimek pas pulo > tandehnyo disuoak terakhir manjalang tangan dicuci jo aia kabasuah > > Baitu pulo ambo mambaco dendang sutan mancayo yo bakalimek saketek saketek > satiok untaian kato > > Baco sakali ulang lah mulai taraso, kaduo kali ulang dikunyah dendang ko lah > taraso danyuiknyo, katigo kali ndak do lai raso ka pangsan badan diri > malayang sakali pangana ka maso ketek ketek balibur dikampuang mande, ingek > maso dimanjo dek Ande (nenenk) sarato etek, dek cucunyo dan anaknyo ko nan > gadang salero, kok makan samba agak tabalingkang surang walau dadar talua > itiak, kok ado nan baralek etek lah siap lo manyuruakan dibaliak dulangnyo > ayam goreang kampuang mudo nan dibalah ampek balado-lado nan di goreng jo > minyak tanak sabana harum untyuak bakeh anaknyo nan balibur dari Padang ka > Kampuang > > Baitu juo ko Ande , amay jo etek ka sangka nan rami balainyo di hari kami, > jaan ditanyo karupuak sungai tarab jaan lupo dibawok ka ganti kulek ambo jo > anak2 etek amai nan sabayam > > Katiko kaki Ande tacacah ka bumi turun dari bendi, Ande kami jawek sagalo > balanjonyo di sangka mulai dari minyak manih sabun batangan cap tombak, sumbu > lampu togok, karet sarawa, samek, kain panjang kasa, bamacam2 barang nan > indak ado dijua di balai sabtu tanjuang barulak sangkek tu, ka pakan kamih > batu sangka nan sakali dalam sabulan Ande pai balanjo baitu juo etek2 nan lain > > Kambuik pandan panuah dek makanan untuak cucunyo ado kue mangkuak, paniaram > tantunyo nan istimewa karupuak ubi sungai tarab lawehnyo labiah saketek dari > tadah kopi batingkek2 dikapek jo tali batang pisang nan masiak, indak data > karupuak ko ibaraik muko ndak gadih nan sadang maso puber panuah jirawek > ketek2 manggalambuang putiah barasiah > > > Ahaa santa sanak beko disambuang ado nan manyasak > Diiruik dulu manih dingin nan lah baambun didalam plastiko > > Yo disipaknyo karangkuangan..mantapppp > > > Jepe > > Kota Pinang > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: andikoGmail <[email protected]> > Date: Wed, 23 Dec 2009 18:18:37 > To: <[email protected]> > Subject: [...@ntau-net] Seri Dendang Kuliner II : Karupuak Ubi Sungai Tarab > > *Seri Dendang Kuliner II : Karupuak Ubi Sungai Tarab* > > Iko dendang Karupuak Ubi, parintang jariah di hari patang. Batahun badan > marantau, dek indak mako coiko. Baitu bana parasaian, gadang dek bareh > rang ba anduak, coga dek baju palosoran. > > Kok pintak lai kabuliah, talangkahkan kaki ka kampuang, sabalun > mataohari makin sanjo, sabalun bumi mamintak pulang. Yo nan takaninan > karupuak ubi, kuah balepoh diatehnyo. Ondeh, jatuah kadalam aia mato, > baitu bana paiknyo karinduan. > > Kok ubi nan ka di kaji, tumbuhan parumpamaan mandeh kanduang. Jiko anak > pai marantau, usahlah manjadi kayu gadang, baguluang-guluang badai > manimpo, kok iyo lai iman taguah, salamaik badan kasubarang, jiko > tarambau dek kileknyo batiah, kandang situmbin janjian diri. Jadilah nak > batang ubi, ditanah kareh iduik juo, urek kadimakan urang banyak, > pucuaknyo sabana paguno, manjadi panando warung Padang. > > Kok sanak ka nagari ambo, tanyolah ka urang dima urang mambuek karupuak > ubi. Disinan tanago jo raso manyatu, sagalo cinto basitumpu. Baa mangko > mode itu sanak. Cukuik tujuah bulan ubi ditanam, tibolah maso dibangkik > urang ladang. Barangguik mangkonyo jadi, diputuih kasiah jo bumi Allah. > Dek ladiang tajam alang kapalang, buatan tukang titik rang Rambatan, > bacarai kulik dari badan. Indak cukuik jo itu sanak, timpo batimpo kaki > tibo, bakucatak badan didalam karuang, aia tabek sato pulo. > > Alah janiah rasonyo badan, tibolah maso api jo baro manjadi rajo. Tigo > jam badan diabuih, badendang dorom jo kayu api. Manggulagak aia di > tungku, mahao badan diri. Tibolah maso badan ancua, mode hujan datangnyo > alu. Alang kapalang hancuanyo tulang. Urang manumbuak bak cando berang. > > Tibo maso badan digiliang, dilindi istilahnyo. Jo cinto badan di > bantang, manunggu cetakan tibo. Cetak bulek buatan tukang pati, bulek > bak cando bulan purnamo. Jo ibo-ibo sayang anjok panjamuran mananti. > > Indak salasai disinan sanak. Katiko badan masiak lakang, badan managang > dek matoari nan batantang. Mananti pulo minyak angek, kok angeknyo > ngilu-ngilu kuku, raso ka di kaca jo jari ampu. Tapi disinan namo > baganti, jikok ketek rang sabuik ubi, kinilah gadang bagala karupuak. > Minyaknyo dari karambia santiang, bapiliah rang rando mambueknyo. Elok > ka minyak rambuik patang jo pagi. > > Mandasia minyak di balango, tabang maraok ka bawah paran. Dek badan bak > cando si kuduang dapek cincin, kambang marakah dipalun minyak. Mananti > pulo kuah sate, sate ajo dari pariaman. > > Kuah sate dari Piaman, buatan nak rang Nareh, aia jo lado bagulincam, > bacupak tapuang bareh. Ko padehnyo indak talalu, lamak taraso > dirangkungan. Tapi lain pulo bakuah saka, titiak manitiak diatehnyo. > Manih jo lamak lidah manari, daruak badaruak masuak muncuang. Karupuak > kuah urang namokan, sakupang bakuah kacang, sabenggo bakuah lado. > > Bak lamak marintang ari, makanlah karupuak sambia mairuik kopi. Sanda > basanda badan tuo, manggarutu gigi guraman, babilang maso bapaloso. > > Urang padang marantang banang, dipunta mangko dilipek, dilipek lalu > dipatigo, Kok dirantang namuah panjang, elok dipunta nak nyo singkek, > singkek sakadar ka paguno. > > Yo laaaaaaaaaaaa……….oiiiiiiiii……… Ladang Koto, ba Surau Parik’, galilah > sumua di Tanjuang Jomba, badan tuo, iduiklah sarik, manga umua taruih > batambah……………kamalah badan ka batenggang………la…ooiiiiiiiiiii…. (pos power > sindrom kawan ko…he..he..). > > Sakian dulu sanak, dendang Karupuak Ubi Sungai Tarab ko. Kok marekan nan > tasampaikan, tolonglah disutokan. Iko carito parintang-rintang ari. > > Salam > > Andiko Sutan Mancayo > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
