Maa Rang Dapua sarato Rang Lapau nan Basamo, Sajak baru-baru ko ambo caliak hampia satiok postiang lah tumbuah panjang-panjang ikuanyo baliak. Kadang-kadang isinyo sabarih tapi ikuanyo panjang belenggek-lenggek.
Tampaknyo ado duo masalah. Nan partamu mungkin talalai sajo lupo mambarasiahkan atau manguduang ikua postiang tu sabalun lapeh ka Lapau. Iko masalah lamo, nan lah manjadi sensitif. Dahulu acok diingekkan Rang Dapua. Nan acok maingekkan pulo adolah Alm. Angku Amzar Bandaro alias MakBan supayo awak manguduang ikua layang-layang tu sabalun dianjuangkan. Kini, ado masalah nan kaduo. Peringatan nan barisi "Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet" tampaknyo kalua lah balenggek-lenggek pulo. Kadang-kadang paringatan tu sampai balenggek tigo kali bagai. Iko mungkin masalah baru nan mungkin rancak disigi Rang Dapua. Dek kito Rang Lapau nan Basamo, iyo rancak dicaliak pulo baliak satiok mareplai postiang. Sabalun mangirim replai tu rancak diapuih labiah dulu ikua postiang mungkin baulang-ulang tu. Ambo katangahkan masalah iko jo maoh dengan harapan indak ado lo nan tarabo... Salam, --MakNgah Sjamsir Sjarif -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
