Da JP Alah uda singkok jurus maut dagang nan indak biaso ko, ambo kutip nan uda tulih :
"Nah nanti dikodak, dicaritokan bahan dan resepnya lalu hikayat atau tradisi dibalik samba2 khas masakan kampuang ko".. Cubo uda buka Link ko http://www.balipranaresort.com/area.html. Ambo ado carito soal iko saketek, ambo bakawan jo sorang Amerika nan babini jo urang Philipina. Ukatu baliau ko ka Bali, baliau batamu jo sorang urang bali asli yang punyo beberapa bangunan di tangah sawah. Inyo tertarik dan baliau ko investasi disinan dengan imbalan, salamo beberapa hari dalam satahun, baliau ko buliah manginap jo rapek-rapek mancik perai di lokasi ko. Setealh diperbaiki dan dibangun, mako banamolah tampek iko Prana Dewi (PD). Duo tahun lalu, ambo diundang dek mandan ambo ko manginap di PD ko nan jauahnyo kiro-kiro 2-3 jam dari Denpasar. Kami main-main disinan sambia rapek-rapek mancik. Sampai disinan nan ambo saksikan, restorannyo dibangun jo batuang sadonyo, vilanyo dibangun dari kumpulan bahan bangunan tuo, ruang pertemuannyo dibuek untuak baselo ditapi tabek, dari batuang juo. Seluruh bangunan iko taserak di tangah sawah nan ditanam padi-padi lamo yang tingginyo ampia sa dado ambo dan ditanam dengan sisitem organik. Jualan baliau ko, makanan diolah dari bahan nan ado di sawah tampek PD iko ado dan itu organik. Bahondoh pondohlah bule-bule mapan datang, karena inyo manujua isu bahwa tampek iko sangat baik untuak malakukan yoga. Ambo ado 3 hari disinan, galak-galak sengeang se ambo mancaliak bule-bule ko takjub jo kehidupan pedesaa Bali. Tabayang ambo daerah talang dasun disampiang kampuang ambo nan indahnyo mintak ampun, mangalahkan pranadewi ko. Kini ko, rutin bule-bule ko datang ka PD Kalau wisata alam, kuliner jo tradisi disatukan dalam ciek paket di Minangkabau tantu buliah juo dicubo. Tantu diagiah pulo saketek pengarahan ka tamu baa batindak tanduak di kampuang urang Minangkabau nan ba ABS/SBK nantun. Ambo yakin inyo nio, karena ukati mereka pai ka pura Batukaru, karena dijalehkan harus ba kain saruang kasinan, bule-bule ko antusias bana, katonyo eksotik bana. Baliak ka ungkapan uda, uda caliak kan nan digalehkan prana dewi adolah, organik, yoga, keaslian Bali, dan iko mottonyo "Your Health Mountain Resort in Bali". Kalau promosinyo dibuekkan carito-carito yang eksotik saketek, ado urang nan tertarik, tapi yo jarang nan lokal, karena lokal alah sibuk pulo maniru wisata canggih di nagari para bule ko, samantaro para bule ko alah mulai mancari keaslian timur, karena alah bosan jo sesuatu yang serba mekanik. Salam, beko talalu panjang Andiko Sutan Mancayo [email protected] wrote: > Cocok bana Andiko > > Kok saham buliah juolah ambo lai talok kok hanyo mambali atau disuruah urang > mambuek saya tampuruang nanlicin agak banyak ka tampek samba lado buruak, > lalu balango mamangek, sanduak tampuruang > > Andiko aa nan ka ikuik saham bisa pajangan saluang, rabab tampuruang, layang2 > darek bingai tuo, lasuang tumbuak bareh sarang tampuo (he he ko indak usah) > untuak rede2 rumah makan kampuang ko, > > Kok saham "bantiang muluik" tantu siap bana, kito dendangkan "sapilu-pilu > lintuah hati" salero kampuang ko, > > Kalau dendang ambo > > Paruik mangaranyamlah, ubun2 kanai sentrumlah, lidah bergoyang tak > terkendalilah, rarak garamanlah, disipaknyo langik2 karangkuangan lah, > terkapar ditikam rasa sampai pingsanlah..ha ha ha pokoknyo. Mengungkapkan > rasa yang enak dan lezat kita buat tampil beda > > Si Bondan kan gape tu manulis kuliner tapi ambo indak ka maniru gaya > tulisannyo, kalau sumber inspirasi syah2 saja > > Sulit lo mengungkap cita rasa sebuah makanan dalam bentuk tulisan > > Coba ungkapkan rasa pangek dagiang nan padeh tu..ayuhh > > Nah nanti dikodak dek Andiko, dicaritokan bahan dan resepnya lalu hikayat > atau tradisi dibalik samba2 khas masakan kampuang ko.. > > Sia sanak nan kalabiahan pitih kok lai cinto jo pusaka kuliner kito > berinvestasi lah ka RM "SALERO KAMPUANG" ko > > Dan juo ambo siap menemui Mak Tuo ambo nan sangaik banyak varian samba ladonyo > > Ado nan "totok" bana jariang ditimbun ditanah lah hijau ka tumbuah..dibakanyo > dibuek samba lado jo minyak tanah..onde mande tadanganyo yo "hino" samba lado > ko tapi kok raso..antahlah..jaan disabuik, alun lai samba lado dompak, samba > lado karabu taruang, rimbang, kincuang..lauk tukai, dikampuang ambo mak tuo > ambo master samba lado "buruak-buruak" tasabuik bananyo > > Kok singgah sanak2 atau bako ka kampuang clan ibu ambo, pasti batanyo samba > lado Mak Tuo ambo ko atau minta buekan > > Mak Tuo kakak diateh mande ambo ko umuanyo sekitar 79 tahun, memang tanago > lah kurang, tapi maracik2 bumbu nan serba manual ko di dapua kampuang masih > talok lah > > Btw cipuik iruik ko lebaran patang lah bacubo Andiko masakan di kampuang > kawan nagari Kubang, nan bagulai santan jo kamumu, lah balewakan dulu di > palanta lapeh lebaran > > Wass-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
