Takana di ambo, di Lapau ko Renny jo adidunsanak nan lain dari Sungai Tarab, manulih nano Nagari ko "Sungai Tarab" jo huruf "b". Ambo caliak pulo ado ejaan "Sungai Tarap" jo huruf "p" saroman dalam "Kecamatan Sungai Tarap" dalam titel buku di bawah ko. Dalam titel buku tu malah dieja juo jo "Sungai Tarok".
"Nagari Sungai Tarok Salapan Batua, Kecamatan Sungai Tarap, Kabupaten Tanah Datar / Akhiruddin Latief ; penyunting, Soewardi Idris. 1993" Dari nan tigo namo: Sungai Tarab, Sungai Tarap, Sungai Tarok, nan maa koh nan acok disabuik dek Urang Nagari usali sinan? Apokoh di dalam tambo lokal disabuik Sungai Tarab atau Sungai Tarok? Oleh administrasi pemerintahan Kabupaten kini nan maa nan didaftarkan resmi? Takana diambo ado nagari-nagari lain nan banamo pakai "Tarok" saroman Padang Tarok (di Agam) jo Lubuak Tarok (Sijunjung). Di Kurai Tigobaleh (Agam) ado lo Nagari Tarok. Pun rasonyo di daerah Tilatang Kamang dimasuakkan pulo ka dalam Google Earth. Mungkin masih ado saroman itu di tampek lain. Kalau Tarok aratinyo samacam kayu. Bahkan takana di abmo Maso Japang, karano sulsiaknyo kain, urang samai babaju Kulik Tarok. Tapi kalau dalam Tambo disabuik Sungai Tarab, apo arati Tarab dalam Bahaso Minang? Kok ado nan dapek manjalehkan rancak bana. Mudah-mudahan ko sampai badan ka Pasa Sungai Tarab nanti dicari juo Randang Baluik... Salam, --MakNgah Sjamsir Sjarif
-- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
