Ondeh batambah balimpik-limpik kaji awak ko Angku Taufiq. Apokoh Pak Suhaimi nan angku mukasuik ko bagala Datuak? [Ambo lupo Gala baliau]. Agak randah-randah urangnyo? Dahulu Kuliah B-I Sejarah di Bukittinggi? Kalau iyo, iyobana lah ketek dunia kito. Angku Suhaimi nan ambo mukasuik ko adolah kawan saangkatan ambo di B-I Sejarah Bukittinggi 1956.
Uyun iyo takana ju di ambo. apokoh Uyun masih punyo adiak banamop Ambin, atau koh Uyun ko samo jo Ambin? Nazaruddin Bacau nan sakalas jo ambo wakatu SMP Darurat/dan Tanjung Alam 1948-52 tu raasonyo bukan dari Bonjo tapi dari Baso. Ambo raso Inyiak Lako masih takana jo Bacau. Inyo suko lincah main bola katu ketek-ketek. Mungkin kapandaian itu juo nan manambah (plus) mambawonyo dapek ditarimo di Auri dahulu sabagai bintang lapangan. Jo Uda Azwar Tontong Datuak Mangiang amb alun panah basuo, namun legennyo tatap manjadi kenangan urang awak di Ampek Angkek. Ambo kenal jo kamanakan baliau angku Eri Dt. Mangiang, batamu duo kali di rumah Uni Rosma. Partamu kali awal 2004 manyilau baliau karano ataragak lah lamo bana indak basuo. Kami maota panjang jo Uni Rosma, Uda Bakhtiar (suami Uni Rosma) danAngku Eri Dt. Mangiang. Sasudah tu ambo baliak ka lua sabulan mancaliak-caliak nagari Birma. Wakatu ambo pulang tadanga Uda Bachtiar maninga, ambo pai manjanguak. Uni Rosma bukan sajo Guru di ambo kelas-6 di SR Biaro dahulu 1946, tapi ayah kami sasamo Guru basahabat karib jalang manjalang. Ayah Uni Rosma, Pak Guru Abdullah (Urang Canduang) pun adolah Guru ambo di Sekola Benteng /Lambah (GedungSMA IV Angkek kini)wakatu ambo kelas 4-5. Sakaitulah dahulu, kaik-bakaik rotan sago. Salam, --MakNgah --- In [email protected], taufiqras...@... wrote: > > Mak Ngah..maso ketek dahulu ambo pernah mandanga namo Itih-Unjuik ko. Baliau adiak ibu Kenan yang istri dari pak Suhaimi kapalo/guru SMP ateh ngarai dulu > Anak ibu Kenan : Hasnul Suhaimi nan kini Dir. Exelmindo > Masih keluarga Azwar Tontong Dt Mangiang juo > > Ado juo Nazarudin/jaudin liau dari Bonjo. Baru maningga kapatango di Pakanbaru. Dulu guru kami di smp simpang canduang. > Adiak baliau Nduih masuak AURI juo > > Salah satu adiak Jaudin iko suaminyo antah nan Itih antah Unjuik. Tapi lah lamo juo maningga. Istrinyo pensiunan guru smp simpang canduang juo > > Adiak Itih-Unjuik : Uyun Batuduang Pensiunan Jaksa > > Wass > TR > Sent from my BlackBerry® > powered by Sinyal Kuat INDOSAT > > -----Original Message----- > From: "sjamsir_sjarif" hamboc...@... > Date: Fri, 15 Jan 2010 03:33:12 > To: [email protected] > Subject: Re: [...@ntau-net] Pustaka Bayu-PKU > > Ondeh Nyiak Lako, tasingguang lo per pangana ambo ka maso-maso Sikola dahulutu. Kalau baitu kito saangkatan kelas di Tanjuang Alam. > > Sejarah SMP III Bukittinggi tu iyobana sejarah pendidikan ambo di SMP. Sajak dari SMP-I Bukittinggi, 1947 lari ijok ka SMP Darurat di Pasia, 1948, dikaja Bulando ijok ka SMP Batutaba. Aman saketek pindah ka Tanjuang Alam. > > Sabananyoa SMP Negeri di Tanjuang Alam tu punyo duo Surat Putusan, 1. SMP Negeri Tanjung Alam, 2. SMP Negeri No. III Bukittinggi di Tanjung. antah kama hilangnyo duo besluit tu, sahinggo Tanjuang Alam hanyo punyo satu SMP Negerisajno, yaitu SMP Neferi No.III Bukittinggi di Tanjuang Alam. > > Kalau Inyiak Lako sikola ijyok-ijok saroman ambo, misti takana kawana-kawsan awak maso ketek dari Baso, Tjanduang, jo Panampuang. Mungkin Inyiak Lako takana jo Si Batjau (Nazaruddin) dari Baso, Itih (Meizar) jo Unjuik (Meizir) adiak kakak dari Sungai Baringin, Panampuang. Sjamsuar dsari Tjanduang. Dimaa lah mereka kini. Si Bacau kawin jo kawan awak juo si Jus dari Kotobaru Salo. Bacau masuak AURI, kini antah dimaa. > > Manganai Hasnim nan Inyiajk mukasuik tu indak samo nan dimukasuik dek Angku Taufiq jo Ambo doh. Hasnim nan di Pakanbaru tu Padusi, bukan laki-laki. > > Sakitulah dahulu. Mungkin kalau baitu paralu bana awak baganjua ka lakang Lapau ka Jalua Paribadi nanti manganang maso saisuak.... > > Salam, > --MakNga > Sjamsir Sjarif > > --- In [email protected], inyiak.lako@ wrote: > > > > Assalamualaikum Mak Ngah. > > Lai indo kanai kabanjiran dikampuang Mak Ngah ? > > > > Ambo kabatanyo, angku Hasnim nan basabuik ko urangnyo ketek dan agak randah bakulik putiah ? > > Ambo punyo kawan saangkatan di SMP III Tjg Alam. Thn 1951. > > > > Sahinggo iko daulu, Mak Ngah kok lah basiap-siap kasumabayang Asya . > > Powered by Telkomsel BlackBerry® > > > > -----Original Message----- > > From: "sjamsir_sjarif" hambociek@ > > Date: Thu, 14 Jan 2010 21:02:37 > > To: [email protected] > > Subject: Re: [...@ntau-net] Pustaka Bayu-PKU > > > > Akurat bana Angku Taufiq. > > > > Ambo lah kenal jo Hasnim sajak kami pandai bajalan dan bamain-main maso ketek. Wakatu ambo kunjuangi Hasnim di Pakanbaru awal tahuan 2004 sasudah Rayo Haji, sasudahpuluhan tahun indak basuo, nan partamu kali disabuiknyo, lai takana di Uda awak main-main di Lampok Padi wakatu urang mairiak di sawah di Bulakang Rumah Nyiak Kuruih, di Banda Duato? Iyo Nim, kecek ambo, Uda kini kan lai juo tingga dakek Rumah Nyiak Kuruih, di Santa Kuruih, Kalifornia, kecek ambo. Tabasuik galak kami, takana kenangan lamo ketek-ketek maso saisuak. > > > > Sudah tu kami pai makan basamo-samo jo Dedi Basyir bagai, anaknyo nan baru ambo kenal ka satu restoran nan Unique di Pakanbaru, lupo ambo namo Restoran tu. Ruangannyo lapang, udara segar. Style duduaknyo ado tigo rasonyo. Meja makan biaso, meja randah di lantai palanta, dan palanta sajo kalau ingin duduak baselo. Hidangannyo unique, masakan dan variasi sambanyo lamak. Hasnim mamiliahkan dan manyanduakkan samba tu, cubo iko Uda iko lamak ko. > > > > Katu kami singgah ka Pustaka Bayu tu, ambo dibekalinyo jo Peta Riau tu. Sabana sanang karano ambo sadang kuliliang Riau wakatu itu. "Bayu" tu sandiri adolah namo anak gadih Hasnim nan maningga duo tahun nan lalu. > > > > Ibu dari Hasnim, Kak Lisan, adolah isteri dari kakak ambo, tuan Hasan, kamanakan ayah ambo. Jadi ambo jo Hasnim sabako. Sadangkan Nyiak Kuruih adolah nenek dari Tuan Hasan. Baiak Tuan Hasan, maupun Kak Lisan adolah generasi Guru baru didikan Ayah Ambo Sutan Sjarif nan maaja tigo katurunan di Sekolah Negeri Larak, Panampuang. Wakatu ketek-ketek sikola di Pakan Kaluang, ambo acok ka Surau Labuah main-main. Sura Labuah kan indak jauah dari Lurah, Kampang Angku Taufiq doh kan? Tabayang pulo di ambo lakuak-lakuak Nagari Panampuang nan lah ambo rancak samaso ketek. Sadangkan wakatu bagolak ambo lalui buliah dikatokan jo piciang mato malam-malam malinteh dari Kamang ka Canduang... > > > > Sakuitulah dahulu, takana maso saisuak, pangana MakNgah kadang-kadang tabudua lo kalau tasingguang pernyo akak saketek. > > > > Salam, > > --MakNgah > > Sjamsir Sjarif > > > > --- In [email protected], taufiqrasjid@ wrote: > > > > > > Mak Ngah > > > Dek tadi tasabuik pustaka Bayu, mak Ngah banyak pulo guru nan ado di Panampuang maso daulu > > > > > > Ambo infoan bahaso pustaka itu dulu dirintis dek Ibu Hasnim Hasan. Kini dijalankan dek anaknyo Dedi Basir adiak baradiak disampiang bisnis lain > > > > > > Pustaka Bayu nan lain ado di Jalan Harapan Tangkerang Pakanbaru > > > > > > Ibu Hasnim iko mulonyo jadi guru ambo di SMP Pakanbaru, kemudian mulai berbisnis > > > > > > Baliau urang Surau Labuah, anak Guru Hasan. Lai kenal mak Ngah jo Guru Hasan iko ?? > > > > > > Wass > > > > > > TR
-- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
