Assalamu'alaikum Warahmatullahi Wabarakaatuh, Satolah ambo ciek di ota ko,
Alhamdulillah, sadonyo acara baralek di rumah rang gaek ambo di Bukittinggi indak manyadiokan hiburan. Bagi Papa ambo acara baralek labiah untuak mendakekkan hubungan silaturahim antaro dunsanak, urang kampuang juo handai taulan. Samba dipabanyak dan dipalamak sahinggo urang nan makan manjadi pueh jo tambahan samba-samba buruak kampuang. Jankan Orgen tunggal, music jo CD cassette sajo Liau tulak alasan liau ciek sajo, MAMAKAK INDAK LAMAK SUOK URANG NAIAK. Sahinggonyo kalo ado baralek di rumah suaro nan Taranga kareh kalua adolah galak-galak gadang nan bakuhampeh dek sanangnyo basobok-sobok basilaturahim. Babandiang tabaliak jo kondisi kebanyakan kiniko, urang dapua indak talampau paduli jo masakan atau jamba nan katangah dek didatangkan dari catering atau rumah makan. Sahinggonyo sadonyo lah sibuk pulo mamaratian urang bajoget di pentas sahinggo tamu nan patuik dikawanan makan indak takawanan. Ambo ingek wakatu ketek-ketek saisuak, kalo dalam sahari baralek tu, Papa atau Mama bisa makan sampai balehan kali, sekedar untuak mangawanan kawan, dunsanak jo urang kampuang nan datang untuak penghormatan. Sahinggo katiko duduak basamo nampak jamba maa nan kurang sahinggo lakeh dikatangahan dek urang dapua. Sabana lamak makan baselo jo basimpuah, sabana malapeh salero kutiko baralek tu. Tapi kalo bunyi orgen atau speaker nan mamakakkan talingo nan hadir nan kebanyakannyo adolah urang gaek awak tu, baa caronyo ka bacarito atau basilaturahmi? Panek mangecek tapi muncuang se nan nampak manggarik, indak kadangaran lai doh, apo lai alah pakak2 tangguang lo. MasyaAllah. Alun pulo bekoh kok tacaliak lo nan indak buliah dicaliak? Baa lah kaka lai du? Makonyo untuak di kampuang atau kito nan di Rantau kok ado alek nan ka dipaalekkan di kampuang, sarancaknyo mambari contoh dulu, walaupun indak talampau mambari bakeh, tapi kalo kito sapakaik malakukan nan mode itu nan ado di lapau ko. Barangkali alah sangaik manolong sebagai contoh ka urang di kampuang awak. Pulang dari Rantau, urang di rumah indak nak ka ba-orgen bagai, datang awak dari Rantau sato pulo manyumbang : Nan Orgen dari wak den, batunjuak lo dado.. MasyaAllah. Kalo nak maagiah hiburan, baa nyo kok basidakah awak ka tukang saluang, rabab, salawaik dulang atau kelompok nasyid. Ambo raso tambah lamak makan urang di rumah nan baralek ko. Sampai niaik untuak walimahan (maimbau urang makan untuak maagiah tau hajat awak). Dari pado maota panjang leba labiah elok kito muloi sajo dari rumah awak, kerabat awak, urang kampuang awak masiang-masiang jikok SUSAH BANA mambuek Perda atau aturan Adat. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
