Dinda Andiko jo Sanak Jepe sarato sanak di lapau sakalian, Kalau ambo lain pulo pengalaman: ado kawan nan gak ongeh stek, marantau di Jakarta. Tiok pulang rayo gak 'maloge' gaya kawan ko. Sumbayang rayo bapakai baju putiah barasiah, di saku e nan transparan alias tembus pandang tu balatakkan pitih saratuih ribu..jadi mambayang sirah pitih ko ka lua....gak sirah2 itam sarupo tumbuang baruak sadang bulan naiak. Tiok sudah minum di lapau nan nampak dek ambo bakaluakan dek kawan ko pitih saratuih ribu tu, pambayia bali teh atau kopi jo roti nan paliang2 harago e 1000 sampai 2000 wakatu tu. Nan jawek urang lapau: "Gadang bana pitih mah, indak ado baliak e". Nan kecek kawan ko: "Kalau baitu bisuak je den bayia. Dipacah pitih ko dulu dima2 beko". Lah tigo-ampek hari co itu. Pitih 100 ribu sirah tu juo baru lai nan baonyok' an ka rang lapau. Alun juo bapacah pitih tu lai. Sangajo nampak e. Suatu kali tadanga dek ambo lah gak berang ulang lapau ko: "Waang mamanggak'an pitih kini ko atau baa? Kalau ka bautang sabuik je bautang. Lah gak janiah aia liyua den maliek gaya waang, tiok ka mambayia bali kopi pitih 100 ribu salai tu aruih nan waang caliak an ka waden. Padolah minun ang 2000 harago e nyeh". Mandanga co itu tabasuik galak urang di lapau kasadonyo. Tapi sudah tu kapatang ko ambo lo nan 'kanai' lai. Tapi curito e lain. Kutiko pulang, biaso mantraktir kawan minum teh talua di lapau. Walau baapun bansaik di rantau tantu pambali kopi, teh talua, jo rokok kawan2 ado juo di saku saketek. Wakatu mambuka dompet nan lah usang dek lah talampau lamo taosoh di pinggua, tantu mancaliak kawan ko. Nyo caliak dalam dompet ambo ko iyo banyak karatu plastik ko. Kecek kawan di sabalah: "Iyo kayo Surya ko di Ulando. Kartu ATM je isi dompet e ha? Patuiklah ampia je Ulando dek e nyeh. Buliah diputaan ka modal dulu tu?". Nan ambo tagalak sengeng dapek "pujian" sarupo tu. TAPI MBO SABUIK RAHASIO KA SANAK DI LAPAU: dalam dompet ambo tu iyo banyak karatu plastik ko, tapi ciek nyeh kartu ATM, salabiahnyo: 1) KARTU ANGGOTA PERPUSTAKAAN NASIONAL BELANDA, DEN HAAG; 2) KARTU ANGGOTA ARSIP NASIONAL BELANDA, DEN HAAG; 3) KARTU ANGGOTA PERPUSTAKAN KITLV LEIDEN; 4) KARTU ANGGOTA UNIVERSITEITSBIBLIOHEEK LEIDEN; 5) KARTU KORTING NAIAK KERETA API BALANDO (NS); 6) KARTU KORTING NAIAK BUS; 7) KARTU FOTOKOPI ELEKTRONIK DI UNIVERSITAS; 8) KARTU ANGGOTA PERPUSTAKAAN BRITISH LIBRARY, LONDON; 9) GREEN CARD TINGGA DI BELANDA; 10; KARTU MILES AND MORE MALAYSIAN AIRLINES DAN LUFTHANSA; 11) KARTU KORTING BELANDA DI V&D Belanda; 12) KARTU MASUAK MUSEUM DI BELANDA. Ha ha....dek seluruh kartu ko bahaso Balando, dek kawan2 di lapau nyo sangko KARTU ATM sadonyo. Dek ambo....supayo kawan ko indak kacewa bana, ambo paluruih sae lai: "Pambiak alah (ambo kiro kato ko dari "pemberian Allah) lai barasaki kawan Sanak ko di Balando", kecek ambo. "Tapi kok soal maminjam modal ko, iyo ambo tanyo dulu nyo Ratu Beatrix", kecek ambo. Baitulah sanak....nan "nasib ka elok" dek ambo ha ha..... Wassalam, Suryadi
--- Pada Ming, 24/1/10, andikoGmail <[email protected]> menulis: Dari: andikoGmail <[email protected]> Judul: Re: [...@ntau-net] OOT: Ba a kok kode pin bank di Ulando ko hanyo 4 digit Kepada: [email protected] Tanggal: Minggu, 24 Januari, 2010, 1:15 AM Da Jepe Baru tabaco dek ambo posting uda ko, galak-galak ketek sorang ambo. Ko tau urang, yo disuruahnyo kito ka Gaduik....he..he.. Ado curito bagarah-garah sambia minum kopi sore di saung kantua ambo. Adolah salah sorang kawan ambo dikantua dari daerah timur. Liau ko kuliah di UGM. Sebagai perlengkapan pantiang kuliah jauah dari rumah ko yo salah satunyo karatu ATM. Tiok tanggal tertentu, alah antri di mungko biliak ATM. Pada suatu ukatu, nan pitih ko indak juo masuak-masuak dari kampuang doh, mungkin paneh hari disinan, sayua indak manjadi, nan jaguang indak tumbuah, sahinggonyo indak dikirim pitih bulanan dek bapak doh. Bakali-kali kartu ATM ko masuak muncuang masin nan ketek tu, alah pasa rasonyo. Tibo-tibo, kalua tinju dari ATM tu, sambia kalua hariak dari masin "Oiiiiiiiiii, jan ang cucuakkan juo ATM tu lai, indak ado pitih ang masuak doh !" suaro itu bergema seiring jo kalua tinju dari masin tu......ha...ha....ha.... Bersenang-senang di Yahoo! Messenger dengan semua teman. Tambahkan mereka dari email atau jaringan sosial Anda sekarang! http://id.messenger.yahoo.com/invite/ -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
