A iko nan_ agak _ambo tunggu-tunggu carito e mah, mokasi Pak Mul dibahas
juo disiko.
Mancaliak perkembangan sepak bola nan kini, dek karano di rantau nan
tacaliak di tipi Liga Super sae-nyo nan Tim Urang Awak nak do nan
tacaliak gak ciek do dek karano main di Divisi Utama.
Saketek banostalgia kutiko Semen Padang masuak semifinal final liga
indonesia di senayan katiko tu lawan Petrokimia, mancaliak sanayan tu
lah bantuak Persija main, sakarek sanayan tu urang awak sae sadonyo,
kabatulan ambo sato lo manonton jauah2 jo rombongan the kmer's dari
Padang, disangko awak ka kandang urang dek Petro labiah dakek dari
Jakarta eh kiroe urang awak nan mangandangan kandang urang, ndak
basiagak rami e do, sakerek sanayan tu sirah dek e.
Tapi nan nasib bana nan kurang rancak, Semen Padang yang ambo raso
wakatu tu salah satu formasi paliang rancak dari tim ko, ado duo Papua
Ellie Aiboy samo Erol (nan kini lah gadang namonyo), ado Purwanto (top
skor-nyo SP), ado Khair Rifo (siap tu langsuang nyo ambiak Persija tu
ilang sae namonyo), Syafril, Husaini, Zulkarnain Zakaria.......(alah
lupo ambo dek kini lah gak kurang mairiangan carito e, antah kok ado nan
takana buliah banostalgia baliak wak, ba a nyeh).....
Nan PSP Tim Pandeka Minang, a yo ambo agak miris kalau bacarito PSP ko,
sia ko lah kini katua umumnyo, takana terakhir dek ambo Pak Yusman Kasim
nan katua umum nyo, nan kini ndak tau perkembangannyo lai do. PSP ko
masalahnyo salalu klasik, dana and dana....antah kok kini yo ndak tau
ambo do.....
ambo tangiang-ngiang lo, ba a kalau tim dari Padang ko ciek sae kalua
namo e jadi Padang FC atau Minangkabau FC , dengan mokasuik tim ko
koalisi dari PSP samo Semen Padang, jadi nan namo Padng FC, tapi di
kostum gadang gadang tatulis SEMEN PADANG, takah nan dilua-lua nin a,
walaupun nan tim namoe Chelsea atau Arsenal nan tabaco dek urang
gadang-gadang merek HP jo merek Pesawat, jadi ado duo sumber dana pasti
untuak kamajuan sepak bola Padang khususnyo dan Sumatera Barat pada
umumnyo, jadi ndak sikua capang sikua capeh do, /"padia lah ciek asa
manggaga daripado duo tapi kamari manangguang"./ Jadi kok masalah
stadion yang ndak standrd liga super mungkin lah salasai lo etongnyo,
manga dibuek lo ciek lai lapangan di Padang tu, ancak di buek di Piaman,
Bukik Tinggi, Pasisia atau daerah lain, nan kini stadion H. Agus Salim
ko saelah di parancak, dipagadang, di pagagah, lataknyo yo bana
strategis dari mano sae dan lah lengkap lo fasilitasnyo untuak olahraga
nan lain.
Mudah2 an Sapak Bola ranah minang bisa bangkik baliak, Bravo Semen
Padang!, Bravo PSP!, Bravo Sepakbola Minangkabau !
*Wassalam,
***
*HK*
/Pernah dulu jadi anak bawang di the kmer's (kerbau merah fans club)
samo panonton setia PSP di div. I.
/
[email protected] wrote:
Dunsanak, iko ambo copy pastekan status FB dunsanak kito nan basumangaik
mandukuang agar persepakbolaan di Sumatera Barat kembali cemerlang seperti
jaman Yus Etek dulu....
Dukung Semen Padang Lolos ke Liga Super 2010
Tahun 2010 adalah momentum yang sangat pas bagi tim Semen Padang untuk berlaga
di kompetisi paling elit nasional. Karena bersamaan dengan 1 Abad PT Semen
Padang ...
Wassalam,
HMDTMB (53-)
Suporter Sriwijaya FC
Sent from my BlackBerryŽ
powered by Sinyal Kuat INDOSAT
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
