Assalamualaikum warahmatullahi wabarakatuhu, Bundo Nismah sarato Rang Lapau nan Basamo,
Sajak awal tahun baru 2010 ambo jarang ka Lapau dan kurang mangikuti postiang nan banyak.Tarimo kasih mamimbau ambo karano ado perkembangan baru mengenai Yayasan Rantaunet nan kabatulan malam ko ado rapek di Jakarta. Ambo kini sadang tasintak parak siang Jumat. Tanyo Nis "Batanyo baliak Sejarah RN" memang agak panjang manjawabnyo. Ambo alah tarangkan dalam babarapo postiang di maso lalu. Komentar Postiang Lapau nan Partamu kali dari Angku Gindo Arisman Adnan pun alah ambo postiangkan maso dahulu. Ambo sajak samulo, bahkan sajak sabalun kaluanyo postiang pertamu dari angku Gindo Aris tu buliah dikatokan lai tatap mangikutinyo sampai kini dengan babarapo interuspsi sakali-sakali komputer rusak atau kesibukan lain. Sakadar tambahan latar bulakang mulo-mulo Mailing list ko ka dibantuak, Rantaunet dimuloi dengan pertemuan Nismah dan Sjamsir di alam maya. [Untuak Rang Lapau, Nismah dan Sjamsir samo-samo sakelas dahulu di SGA Negeri Payokumbuah 1952-55]. Wakatu itu Nis sadang mamaciak bagian komputer di Caltext dan dandapek marancah dunia maya kalua manggunokan email. Sudah tu awak basuo di IDS dan Isnet. Panjang carito. Maling list Indonesia nan tatuo di bawah Budi Raharjo, (di John Hopkins, Canada) IDS di bawah Win Purwinto, Rochester University di Albany, New York. Awak dan babarapo kawan-kawan sato jadi anggota dan batamu di mailing list tu. Wakatu Tata (Mohammad Agita, anak Bundo Nismah] datang ka US partamu kalinyo, mancari ambo ka Santa Cruz jo Andy Maas. Persahabatan dimuloi dan korespondensi email menggesit antaro babarapo urang awak nan samo-samo basuo di dunia maya wakatu itu. Ado Angku Yusuf Bindar (urang baso) Sutan Salim (Kotogadang) Syafedi Sjafei (di IIT Chicago wakatu itu), Gindo Arisman jo Yeni Rosa di Kansas sarato Darusman Rusmin (dari Syiah Kuala, di Kansas juo wakatu itu samo-samo jo Gindo Aris), Perry Burhan, Angku Masdar [Tan Galamainda] dan babarapo lai nan indak tasabuik, maaf ambo ka anggota lamo, nan sakali gus sadang tasintak lalok ko ambo talupo. Panjang carito, untuak jalan malainteh ado duo link di bawah ko nan paralu dicaliak. Khusus manganai Yayasan Rantaunet, memang alah ado sabalunnyo. silakan caliak datanyo di salah satu link di bawah ko. Rangkayo Nurbaini Ketuanyo dan babarapo pembinanyo Angku Yusuf Bindar, Sjamsir Sjarif dan Amzar Bandaro dan rasonyo ado lai ambo lupo. Nan taruih aktif dengan kejujuran dan pengabdian nan tiado terhingga adolah Angku Amzar Bandaro (atau diimbaukan MakBan) nan kini almarhum. Amanat tu ditaruihkan kini dengan dedikasi nan samo oleh Angku Muhammad Dafiq Saib Sutan Lembang Alam nan laporan terakhir tampak di ambo dalam minggu ko. Satu koreksi dari Tulisan Angku Miko, kajadian Gampo Bumi nan mannginspsirasikan dibantuaknyo Rantaunet Foundation bukanlah Gampo Gunuang Marapi di Jawa, tapi Gampo Kurinci. Samantaro tu ado pulo dibadanhukumkan Yayasan Rantaunet Palanta Usaha. Sejarahnyo agak menyedihkan. Sakaitulah dahulu sabagai saketek coretan dari ambo sadang tasintak parak siang ko dan para pembina Yayasan sadang makan lamak di Lapau Kubang Jakarta. Ucapan Selamat ambo dari Jauah nan indak dapek sato duduak basomo, http://cyamix.tripod.com/milis.htm http://groups.google.com/group/rantaunet/web/sejarah-rantaunet Salam, Sjamsir Sjarif Di Tapi Riak nan Badabua Santa Cruz, California -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
