Da Jepe jo Ajo Suryadi dan Sanak palanta
Indak tahan pulo ambo mancaliak Ajo jo Da JP mairuik susu soda tu, ari
nan angek-angek tangguang di pasa Nareh. Nan ambo bialah ambo sudu kawa
daun di tampuruang ko, lain loh seronyo.
Kok perkawinan budaya Minang jo Batak yo alah lamo di awak, setahu ambo
di Nagari Rabi Jonggor di Pasaman Barat, urang ba Marga jo Ba Datuak
Pulo, pamarentahan banagari pulo. Kalau ndak salah Nagari Ujuang Gadiang
mode itu juo. Kalau di Ayia Bangih, kalau nan marganyo Lubis, manjadi
Malayu disinan, ado Datuak tampek dagang manapek berdasarkan daerah
tampek datangnyo.
Salam
Andiko Sutan Mancayo
jupardi...@yahoo.com wrote:
Sanak Suryadi dan sanak sapalanta RN
Ha ha Susu Soda ciek..iyo bana nyo minuman dilapau wak banamah sanak jadul
Kok lah tagak gagah baruok susu soda dilapau, diangkek kaki..lah bisa
berlapir-lapir carito ko lai
Ingek ambo lapau dimuko rumah ambo nan punyo lapau rang aia tawa asli
ambo mamanggianyo "angku Tadat"..kok lah masuak susu soda ko yo basah
bana karangkuangan deknyo
Lalu satantang subject ko ambo ndak banyak pengetahuan do..pantas dan
indak pantasnyo Pak Tifatul diagiah gala Datuak manuruik adaik kito
Ambo ikuik sanak sajo kok yo lah digarih makan pahek apo juo lai...
Ambo takuiknyo maagiah gala ko lah masuak ka wilayah kekuasaan jo
politik dan dipolitisir dek lawan politik Pak TS
mudah2an ndak co itu jo Pak Menteri kito ko, bapikia positif sajo dulu
sambia manunggu kaji nan dalam dan janiah dari pemuka adat kito
Jaan ndaknyo Bantuak Presiden awak SBY di ranah baagiah gala, di Riau
ko jaan ditanyo sabana heboh, meriah glamor pesta acara maagiah
galanyo..samo2 tahu sajo lah awak apo tujuannyo..alun di adat suku
lain..lah barek dek gala adat presiden awak jadi e
Samantaro nan jadi tando tanyo dek ambo SBY nan tulen urang jawa kok
ndak diagiah gala dek keraton2 di jawa yo (atau alah ambo nan alun tahu)
Kok yo jadi acara tu bisuak ambo ikuik jo pandapek Dedi sajo..ingin
mancaliak sagalo prosesinyo, sebagai salah satu event budaya dan
parawisata
kok mamepe mepe lo ambo kasitu bisuak mudah2an Diah..maagiah ruang
atau tampek tagak agak mandakek saketek bia ndak jaleh lo kato samba
manyambah kodak mangodak tantu saketek buah tangan ambo cubo lo tulis
samampu ambo
Iruik lah sanak Sur..susu soda tu..jaan balamo2 bana soda ko talatak
..dielo kawan sabalah beko :)
Wass_Jepe
Sent from my BlackBerryŽ smartphone from Sinyal Bagus XL, Nyambung
Teruuusss...!
------------------------------------------------------------------------
*From: * Lies Suryadi <niadil...@yahoo.co.id>
*Date: *Fri, 5 Feb 2010 21:08:26 +0800 (SGT)
*To: *<rantaunet@googlegroups.com>
*Subject: *Re: [...@ntau-net] Batagak Penghulu : Uda Tifatul manjadi
Datuak. (@ Wisata Budaya)
Sanak di lapau kasadonyo,
Upoe soal gala-manggala ko tatap angek nampak e. Tamasuak prime time
ota lapau kito mah. Tapi dek tadi tu Mak Darul lah manyabuik bahaso
Amak Uda Tifatul ko urang Minang Asli, nan nenek moyang e dari puncak
gunuang Marapi, tantu lah jaleh tu duduak tagak e. Kamanakan atau
mamak kito baliau ko mah. Indak baanduak2 doh. Iko beda jo nasib
Zainuddin dalam novel Hamka, /Tenggelamnya Kapal Van der Wijk/. Kalau
Zainuddin amak e urang Bugih, abak e urang awak. Manyada manggaruang
tagang bana e ka langik nan ka 7 untuak dapek gala datuak basaluak
tinggi di kampuang awak ko, ijamin indak ka dapek doh. Campua bana
malekaik indak ka bisa doh.
Tadi di ujuang palanta lah mbo cubik sanak JEPE: "Baa ko soal gala Uda
Tifatul ko?" kecek ambo ka inyo. "Kito kan matrilineal, Sanak", kecek
e. "Jadi, bak kato Sanak Suryadi tadi, iyo lah di garih makan pahek
tumah", imbuah e sambia manududuik siso buiah teh talua nan lah mulai
kariang digaleih e. "Cuma", kecek Ambo, "Dek Uda Tifatul ko bapakai lo
namo abak (Sembiriang), makonyo jadi ragu2 rang awak." Jadi,
kasimpulan kaji: INGGO KO KA ATEH, NAN MA PADUSI AWAK NAN KA
BAJUNJUANGAN JO URANG LUA, CUBOLAH PIKIA2 DULU MANCARI NAMO MANJALANG
ANAK KA LAHIA. Kecek'an ka laki tu--walau wee urang Jao, urang Papua,
urang Bugih, urang Batak, urang Mehor sakalipun..., DEK BUDAYA WADEN
MATRILINEAL KO DA HA..., NAMO ANAK KITO KOK DAPEK DA OOOI.....JAN
PAKAI NAMO UDA DI BALAKANG E. DI MINANG INDAK ADO BUDAYA CO ITU
DOH.....". Jadi, didiskusikan ka Uda nan Mas, Abang, Mister
atau Meneer tu. Caliak'an kareh budaya Minang tu. Jadi, nampak e Amak
Uda Tifatul ko dulu GAK TAOCOH SAKETEK maagiah namo ka anaknyo. Kok
dibuek, umpamo ko ha, namo TIFATUL MALIN MUDO, pasti indak ka
satakajuik ko bana doh urang awak kutiko gala datuak ka dionyokkan ke
inya. Baa agak hati Sanak di lapau tu? Susu soda ciek rang lapau. Gak
kariang rakuangan..!!!!
Wassalam,
Suryadi
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
