Da Jepe jo dunsanak sadonyo.. Ambo satuju jo uda Suryadi. Baa bana lah kakobeh Yuang Sa'u tu, tatap ado hal nan bisa awak pelajari darinyo. salah satunyo nan ambo tahu adolah bahwa Yuang Sa'u ko urangnyo indak egois, indak mementingkan diri sendiri.
Barangkali itu pulo lah sababnyo dulu inyo indak juo namuah masuak sikola, sabab abak, amak jo kakak-kakaknyo indak ado nan masuak sikola, antah karano kurang biaya atau kesempatan tu bana nan ndak datang. Manuruik Yuang Sa'u, abak, amak jo kakak nyo lah nan labiah berhak lebih dahulu masuak sikola daripado inyo. Wakatu inyo ketek dulu tu, dek indak juo namuah sikola, diajaknyo Yuang Sa'u di apaknyo jalan-jalan ka tapi danau Maninjau sambia mamanciang. Kebetulan dakek tu ado sikola SD dan anak-anak sadang baraja. Kecek apaknyo: "Yuang, itu kawan-kawan nan saumua ang lah sikola, Lieklah, kan rancak tu kalau waang juo namuah sikola". Penasaran, mandakeklah si Yuang Sa'u ko ka sikola tu. Kebetulan dari salah satu kelas, tadanga guru mangecek: Anak-anak... Ini Budi Ini ibu Budi Ini bapak Budi Ini kakak Budi Ini adik Budi Bagageh si Yuang Sa'u ka tampek apaknyo. "Pak, awak namuah sikola nyoh, tapi di sikolah iko". Baa tu? tanyo apaknyo. Jawek Yuang Sa'u: Sabab kalau sikola di siko, awak sadonyo buliah baraja beko di dalam kelas. Abak, amak, abang juo bisa sikola samo-samo. Beko guru akan memperkenalkan awak sadonyo ka kawan-kawan di kelas model iko: Ini Yuang Sa'u Ini bapak Yuang Sa'u Ini ibu Yuang Sa'u Ini kakak Yuang Sa'u Ini adik Yuang Sa'u Tapi itu wakatu Yuang Sa'u ketek dulu, dan si Budi masih ketek pulo. Kini si Budi tu nampaknyo lah kuliah, jadi ndak ado anak SD di seluruh Indonesia nan kenal jo si Budi sekeluarga ko lai :( Ba beda jo si Unyil nan nampaknyo 'snar' nyo tu agak kandua pulo, sahinggo dari dulu SD nyo ndak tamat-tamat juo... :) Salam, Murai -------------------------- Pada 2 Maret 2010 00:07, Lies Suryadi <[email protected]> menulis: > > Sanak Jepe, > > Singkek sajo jaweknyo dek ambo dulu: kadang-kadang urang2 bantuak Yuang > Sa'u tu hatinyo labiah pualam daripado hati kito-kito nan pandai ko > (sangajo ambo mamakai kato "kito" di siko). Cubo bayangkan: 7 triliun > labiah pitih kito "ampok", alun juo kito pueh lai. URANG A KITO KO? DEK > YUANG SA'U, dapek pitih sirah du-tigo alai, galak takakah2 inyo...bapetei2 > aia liyuanyo dek gumbira, manari2 dibuek e di pambatang sawah. Nan taringek > dek ambo jo Yuang Sa'u di kampuang ambo ko: kalau inyo diagiah pitih, nyo > bahe maungkuak maidu tanah, sudah tu nyo salaman urang nan maagiah pitih tu > sampai kapocong tangan dek nyo pacik arek sambia nyo goyang2an. Itu caro > inyo maungkapkan kegembiraan dan raso tarimo kasih. > Dalam iduik di duya ko, kadang2 kito mandapek palajaran moral nan baharago > dari urang2 sarupo Yuang Sa'u tu. > > Wassalam, > Suryadi > > > > > > > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
