PSIKOSOSIAL 5 "Kok ka jatuah jatuah lah lai" by : Jepe Salapeh Jum'atan tadi sarupo nan sudah-sudah kami makan siang basamo2 dikantin perusahaan di Kota Piang ko. Lah sudah makan sambia mangalai-ngalai dikurisi masiang-masiang ado nan maisok rokok, minum the es, jus jo kopi kami maota basanda gurau sarupo biaso ado sajo carito-carito ringan nan lucu2 mambuek kami galak2 sengeang deknyo
Awal carito ko gara2nyo dek ambo juo dek di palanta ko carito seputar urang India,lah tapanciang lo kawan ambo bacarito tantang urang India. Nan caritonyo yo nampaknyo lah biaso atau mungkin juo sanak lah baulang-ulang mandanganyo tapi bia ambo caritokan iko sebagai pambukak sajo manjalang ambo lanjuikan di bagian akhir tantang urang India juo Tasabuik jaman India masih dijajah Inggris dulunyo, di akhia pakan salah surang tantara Inggris pai bajalan-jalan ka sebuah Desa di India sekedar mancari-cari angin dek lah suntuak di kota, lah puehnyo bakuliliang2 Desa menikmati pamandangan nan hijau dan segar pulangnyo lai dari Desa tu ka Kota baliak, di tangah jalan dipinggiran Desa manjalang bibia hutan nampaknyo dek nyo salah surang panduduak sadang dibalik ula gadang. Tantara Inggirih ko dibarantiannyo oto jip wilisnyo turun dek ibo mancaliak India ko dibalik ula sadang bakuhampeh inyo malapehkan lilitan ulah sawahg ko Sato tibo tentara ko dakek kajadian India di balik ula sawah ko, ndak pikia panjang inyo injak jo sapatu lars kapalo ula sawah ko di cabuiknyo pistol di pinggang ditembaknyo kapalo Ula ko, pacah badarai kapalo ula swah ko manamui ajalnyo. India ko tantu mudah sajo lai malapeh balik badan ula nan maliliknyo. Tapi apo nan tajadi, India nan salamaik nyawanyo si Tambi ko mencak-mencak dan berang taburansang ka tantara India sambia mangancam "Oiii tantara Inggirih iduang panjang, waang bunuah ula den mah, asa waang tahu tadi tu waden sadang bamainimain jo ula tu indak bagai waden dililik ula sawah ko, kini mati ula den waang tembak, waden minta ganti rugi kalau ndak den imbau urang sakampuang beko, ang caliak urang kampuang lah banyak datang kasiko kok ka waang tembak bana wadenb ndak kasalamik pulo waang do bara tu banyaknyo sanak-sanak den nan ka mangapuang waang jo tombak dan ladiang" kecek si India Tambi ko Nan tantara Inggirih yo tabik lo takuiknyo dek garetak si Tambi ko, padohal inyo tahu bana si Tambi ko dililik ula nan kamambunuahnyo, akhirnyo tapaso lah tantara Inggirih ko mangganti rugi jo kepeang dek ulah manembak Ula si tambi ko Si Tambi gadang atie manarimo pitih dari si India baa nan ka gadang atinyo nyawo salamaik, pitih dapek lo, nan tantara Inggirih pai sajo lai jo muko masam ndak mancaliak si Tambi nan lah dapek kepeang ko sambia manuju jip wilisnyo tantara ko manggarumeh mangecek "Tambi kalera mah lah den salamaikan nyawonyo,ehhh minta ganti rugi lo inyo dek ula tu den tembak, bilo2 kok sarobok waden bantuak iko ado India tarancam nyawanyo dek ula babiso atau ula nan maliliknyo ndak ula dek tembak, India nan Tambi tu den tembak dulu" ### Itu carito kawan ambo sabananyo bahan dasar sajo lah ambo goyang senek caritonyo biasolah improvisasi bro, biasonyo carito ko sambuang manyambuah kok lah bantuak iko jo pelaku nan samo jiko lah maota basamo2 ko, ndak ketinggalan pulo ambo manyambuang kisah si India Tambi ko Tahu ndak pren, lah salamaik si Tambi ko nan pitih ganti rugi lah abih pulo, sarupo biaso pai inyo maambiak upah mamanjek karambia di kampuangnyo (di India ado lo urang bakarajo mamanjek karambia..he he he plis deh kalo mo eksiskan , harus lebay deh ha ha ha) si Tambi lah inyo tunja karambia nan lah masak katiko sampai diateh, manjalang ka turun masih barado di batang karambia paliang ateh nan dipaguiknyo ka turun datang angin ribuik kanjang nan mabuek batang karambia ko barayun-rayun kancang kiri kanan mambuek si Tambi gamang raso ka lapeh inyo paguik batang karambia ko, si Tambi manggegek tagak cameh balambin "nde mati..mati juo den nampaknyo kapatang ko baru salamaik dililik ula, kini bantuak iko malang nantibo dek waden" si Tambi mambathin Badoalah si Tambi ka Tuhannyo untuak baharok keselamatan dirinyo, itu nan nampak jalan terakhir deknyo "Ya Tuhanku, kok salamaik ambo turun dari batang karambia nan tinggi ko sampai kabawah ba niek waden ka mambantai kabau saikua selamatan jo urang2 kampuang jaan sampai tajatuah balambin den Tuhan kabawah" Si Tambi mancubo mainsuik2 turun ditangah batang karambia lai ndak baa do masih selamat tapi angin masih kancang juo manggoyang batang karambia si Tambi manurunkan kadar doanya ka Tuhan "Nde tuhan , ambo umaik nan miskinnyo kok yo salamaik ndak jatuah waden balambin sadang ditangah ko kambiang sajo lah den bantai buek urang kampuang syukuran salamaik" kecek si Tambi sambia mancubo mainsuik-insuik turun di tangah angin nan mahoyak batang karambi Sakiro 3 meter dari pangka karambia paguik si Tambi manjalang turun mulai lo liak manurunkan kadar doanya "Ambo yo sadang paik bana iduik kini Tuhan, joa lo ka dibali kambiang, ko pitih makan saminggu kamuko alun tantu ado lai, kok yo salamaik waden turun dari batang karambia nan bagoyang ko ndak balambin bia lah ayam sajo dek bantai syukuran jo tetangga waden kiri kanan sabalah rumah den sajo" doa si Tambi Tambi barinsuik juo turun akhirnyo tibo manjalang pangka karambia, badoa inyo co iko ka Tuhannyo "Nan ayam waden saikua luruih patang dimakan musang lo Tugan yo ndak bisa waden mandabiah ayam nan den niekan..KOK KA JATUAH..JATUAH LAH LAI Waden Tuhan Kota Pinang, 5 Maret 2010 Silahkan dunsanak tangkok Moral Story nya Have a nice week end Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
