Mak Ngah si Santa nan Kuruih,
Rina kapatang ko lai ado pulang ukatu rayo. Ciek ota jo Papa nan ikuik masuak rimbo jo Mak Dt Tan Kabasaran ko adolah kutiko tahun 1961 sampai kaluanyo Pak Imam di Aia Kijang di daerah palupuah. Katiko saparo parjalanan lah ka sampai di Bukik, Papa mayimpang jalan kalua ka arah Lubuak Sikapiang baduo jo Mak Kumpulan (sebutan kami ka liau, namo asli liau kurang jaleh). Dari Lubuak Sikapiang baru masuak ka Bukiktinggi, nan Pak Imam kalo ndak salah taruih ka Bukik, Padang sudah tu ka Jakarta. Ciek kenangan nan indak talupo dek Papa adolah kutiko ado nan mandapek buruan kambiang hutan, dek anak Pak Imam nan namo liau Siti ... Alah lupo Rina, dibuekkan gulai kambiang jo sate kambiang. Sabana lapeh salero ukatu tu di tangah rimbo, sadonyo manikmati. Tampek ijok Pak Imam tu namonyo Gang Kenanga, untuak masuak ka rimbo tu masuak dari arah Kumpulan. Mak Dt Tan Kabasaran tatap aktif tarutamo dalam mandukuang Pilkada sabalun ko. Cuman sayangnyo nan dionyokkan Liau tu indak manang doh. Ado sedikit pergolakan juo sasudah Pilkada Bukik ukatu tu nan dimanangkan Pak Jufri. Suruahan Mak Ngah untuak pai manyilau Liau ka Birugo indak jadih Rina karajoan doh, dek tibo di kampuang Rina kurang sehat sarato hari hujan ka hujan sajo di kampuang, nan cucu Mak Ngah rewel pulo. Lai talakik pai-pai hanyo kutiko pagi-pagi sajo manyilau pasa bawah jo jalan kareta di dakek Lambau. Salabiahnyo manyilau nan saparuik. Sawaktu Pak Imam baliak dari Jakarta pai ka Sumbar, kondisi Liau lah agak kurang, iko manuruik Papa pas ukatu manymbuik di Tabiang. Nan Ummi masih rancak kondisi Liau sarato ingatan Liau. Pas di pintu kalua Bandara Tabiang tu, lai dapek batamu jo basalam jo Liau, nan Ummi lansuang ingek,; si Djas yo? Kecek Ummi. Diagiah tau ummi ka Liau (Pak Imam) lamo Pak Imam mangarunyuikkan kaniang Liau baru takana dek Liau, kebetulan kalo ndak salah carito Papa ukatu tu Pak Imam lah diateh kurisi roda. Bagi Papa itu pangalaman nan sabana bakesan setelah sakian lamo indak basobok jo Pak Imam sasudah bapisah di rimbo ukatu kalua dari rimbo juli 1961. Sasaudah itupun Pak Imam masih ado mambaleh surek-surek nan Papa kirim ka Liau, sayangnyo surek-surek tu lah bi ilang dek acok pindah-pindah. Carito tantang Rumah sakik baptis tu, tapek bana di dakek tampek kami tingga di Bukik kajadiannyo, ukatu bulan puaso tun tangah malam iyo bana sabana rami Musajik raya sampai ka dakek Kabun Bungo (Kebun binatang Kinantan). Nan sasudah maso tu, kantua tu barubah jadi Kantau Walikota trus barubah lo jadi kantua Depkes. CMIIW Khusus untuak urang-urang tuo di dakek rumah, rato-rato kalo mereka barubek salalu mereka pai ka Yarsi, jarang nan amuah ka RS Ahmad Mukhtar, kironyo perjuangan maso lalu tu, masih bana mambakeh di hati urang tuo kami ko. Carito tentang tukang tunjuak ko lai lo dicaritoan papa tarutamo kawan-kawan liau di kampuang. Sabana taraso baa nan namonyo pengkhianat ko mandapek karma sasudah tu, tapi ado juo nan lapeh nan pura-pura barasiah. Biasonyo iduik urang ko lai barado jo bakacukupan. Bulan nan lapeh Papa masih dapek undangan baralek kawin ka Kumpulan tu, Apak nan maundang tun kurang jaleh lo de Liau bilolah bakatauan samaso saisuak tu, nan jaleh kato Apak nan maundang tun, kenal jo Papa di maso Pak Imam ijok di daerah tu. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
