Assalamu'alaikum Wr. Wb. Mamak Iqbal,....
Karano karajo sabalik pinggang manahan tuah, indak bisa ambo pulang ka Maninjau Minggu ko :( Untuak malapeh-lapehkan rarak utak, rancak dicubo-cubo pulo takok taki Yuang Sau dari Mamak ko. Mamak, kini ado hadiahnyo ndak? hehe.. Kalau iyo tiok 8 bakeh bungkuih permen atau gulo-gulo coklat tu bisa ditukakan Yuang Sau manjadi ciek gulo-gulo. Dan lah takumpua di Yuang Sau sabanyak 71 bakeh bungkuih permen. Berarti si Yuang Sau lah bisa mandapekkan 10 buah permen coklat baru nan gratis. hehe... BATUA kan? :) Itu matematika nyo... Kini psikososial nyo lai ... Walaupun pakar sabananyo da ZulTan jo Da Jepe, bialah ambo cubo juo... :( Sabananyo Yuang Sau lai ndak pamaleh bana doh. Lai juo inyo ba modal, minimal modal tanago, karano inyo paralu juo engak-engok kian kamari mancari tungkuih gulo-gulo tu. Baitu juo karano biasonyo kincia-kincia nyo lai jalan, bak kato urang saisuak, kok bantuak lah bantuak ka mati, tapi aka ndak hilang. Nampak dek nyo anak ketek ka mambali gulo-gulo, nyo dakek-i sambia ba bisiak: oi...kamanakan nak elok baso..., kok mambali gulo-gulo coklat tu ang beko, agiah 'OM' tungkuih nyo dih, hehe... Kalau tantang demokrasi ala Yuang Sau, iyo lah sabananyo tu mah... sabab inyo pasti manarimo keputusan juri, nan mungkin ka diputuihkan mamak Iqbal setelah mandanga pandapek urang basamo. Mamak, Sakitu se dulu jawaban dari ambo... nan kebetulan kawan arek Yuang Sau :) Salam, Rita Lukman manaruihkan bangkalai baliak dulu... :( ------------------------------ Pada 10 April 2010 11:36, iqbal rahman <[email protected]> menulis: > Dunsana di Palanta kasadonyo > > > Assalammu’alaikum Wr Wb. > > > Ambo agiah takok taki paliang murah untuak maisi isi libur akhir minggu > ko tapi paralu juo dikomentari psikososial soal takok taki ko .. he he > he ... > > > TAKOK TAKI : YUANG SAU – GULO2 COKLAT GRATIS > > Yuang Sau Malonjak-lonjak maliek iklan promosi gulo-gulo coklat di lapau > ande si upiak banun , bunyi iklan tu “ gratis sabungkuih gulo-gulo coklat > kalau dibaliak an 8 buah tungkuih gulo-gulo coklat bekas “ . > > Ko...padek komah .. indak bamodal do ...kato si Yang Sau ......bia den > tunggu urang mambali kalau dibuangnyo den kumpua an tungkuihnyo , > bahari-hari Yuang Sau mangumpuaan tungkuih gulo-gulo coklat ala takumpua > sabanyak 71 buah bungkui gulo-gulo bekas tu . > > Bara bungkuih den dapek a’ yuang Sau bapikiae , ancak den etong dulu, jaan > sampai dikicuah dek rang gaek upiak banun .... Bisuak se den tukakan ... > > Lamo .....Yuang Sau mamuta kincia-kincia utaknyo nan kadang-kadang > sayuik-sayuik sampai .. a’ iko nyo ha ala dapek dek aden kato Yuang Sau > !!!, manuruik den ala batua koma , tapi baa kecek rang rami .. duduk > surang basampik-sampik duduak basamo balapang lapang .... ancak den tanyo > ka urang nan sadang duduak di palanta lapau rantaunet .. den cocok an dulu > kalau indak cocok aden sato ja pandapek urang rami se .. baru den tuka > tungkuih ko ka lapau .... kalau si upiak Banun nio aden agiah agak duo.. > > Itulah dunsanak di palanta tolong tolonglah Yuang Sau , ... salain itu > paralu juo kito kaji psikososialnyo dalam hal : > > -. Bara tungkuih Yuang Sau dapek Gulo-gulo coklat gratis kasadonyo ? > > -. Modal usaho Yuang Sau ( Ko...padek komah .. indak bamodal do) > > -. Demokrasi ala Yuang Sau ( aden sato ja pandapek urang rami se ) > > > Salam > > Iqbal Rahman > > L. 57 > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
