NI Rita jo Reni jo rang lapau,
Gulo-gulo tare nan salalu jadi tujuan ka sekian kalo lah maikua Mama ambo pai balanjo di hari pakan Rabu jo Satu di Bukik. Gulo-gulo tare ko ado digalehan di janjang panurunan antaro pasa putiah diateh pasa lereang nan mamutuih timbua di tangah pasa lereang. Saisuak kato Mama dakek sinanlah pasa dagiang sabalun baganti jo pasa maco, terakhir ambo caliak lah barubah jadi pasa seken. Di janjang nan ketek-ketek ko ado Amai-amai nan manggalehan gulo-gulo tare ko. Ciek nan ambo indak suko dari Amai-amai manggaleh gulo-gulo tare jo manggaleh sabuak ciek lih, adolah pipi ambo salalu di sewai Liau, sahinggo kanai ceno pipi ambo jo tapuang gulo-gulo tare nan ptiah tu. Kalo nan jo sabuak tantulah lah maitam dek kanai sabuak. Alun laih baun sabuak nan salalu babaun sampai tibo baliak ka rumah. Nan ndak tahannyo katiko naiak mersi ketek tu, jan dibayangkan Mobil Mercy nan mentereng tun. Tapi iko adolah angkot nan ngetem di Pasa Banto sabalun pasa tun jadi Mall-mall-an cando kiniko. Mersi ko kapendekan dari Merapi Singgalang sebuah koperasi angkot jaman saisuak, antahlah kok masih ado juo kini ko. Pokoknyo ukatu ambo alun sakolah sisuak tun atau libur nan sambuah sisuak tun, sabana sero pai maikua Mama pai babalanjo ka pakan tun. Ado surang panjua tahu di tangah pasa bawah Bukik tun nan sampai kini masih tangiang-ngiang dek ambo suaro barek Uda tu. Kiro-kiro mode ko keceknyo ga : Bali lapak bali labuk tau tabiang tau tabiang tau tabiang ...baulang-ulang taruih sahinggo sabana mambuek urang harus mandangakan. Ambo salalu batanyo ka Mama, ' Lai baru tau Liau tun du Ma?" tanyo ambo. "Lailah kecek Mama, taunyo lai lamaknyoh,'jawek Mama ambo. Jam bara lo Uda Tau Tabiang tun pai ka Tabiang nan di Padang tun manjapik duh? Tanyo ambo. Ndak dapek jawek ambo laih, dek urang basilingkik di hari pakan tun. Salain Gulo-gulo tare, ado pensi, ado karupuak laweh si talingo gajah, ado karupuak magek nan banyak bawang, ado mihun bakuah satek jo karupuak, ado karak kaliang mini nan sabana badaso rasonyo, ado kacimuih, ado es tebak, ado miso, ado katupek pical, ado buah kalimuntiang rimbo, ado kue saik nan angek-angek, kue lupis bakuah gulo sirah, ado sate kamang dll sebagainya. Ndeeeeeeeeeeeeeeee.... Makkk.pengsan deh mangana nan lamak-lamak tun. Wassalam Rina, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
