Manjalang sambuangan carito Jepe jo Andiko..... Batua angku TR. Bialah awak panjangi saketek carito pakaro ayam di dalam kandang di bawah rumah maso saisuak tu. Bapuluah banyakno. Manjadi bana ayam tu, baranak pinak. Nan batalua, batalua juo, nan maaram (marokok jano enek ambo) maaram juo. Katiko lapeh ayamko labiah banyak mancari rasakino masiang-masiang ka lasuang, ka parak, ka sawah. Sakali-sakali tasemba juo dino sacotok duo cotok padi bansa dalam lasuang tu. Atau pai ka sawah maruruik padi katiko urang manggaro lengah. Dek acok bana katapekan di mak Bandaro nan punyo sawah, kadang-kadang dipungkangno. Panah ado nan kanai, tapaso dirilahan sajo lai. Bialah nak ayam tu sajo mabayia utangno.
Baliak ka pakaro cirit ayam. Iyo indak babaun do. Kacuali ado cirit mayak, aluih, itam warnano. Talatak sarupo batu di bandua rumah. Kok iko nan takaca, aa iyo kareh baunno. Baun cirit mayak ayam nan sangat khas. Sakali samaso, sabalun urang ka batanam dikauik kotoran ayam tu. Dicampuaan jo abu dadak nan basimpan di bawah rumah pulo. Itulah ka pupuak urang batanam padi. Indak bapupuak urea bagai tanaman padi maso itu do. Di sampiang ayam dipaliaro pulo itiak. Biasono di kandang tapisak di bawah rumah dapua. Itiak nan indak pandai maarami taluano surang. Nan agak manjo karano musti diuruih bana makanno. Kalau indak diagiah makan jaguang, indak amuah bataluano. Sayang ado pulo musuah itiak ko, anjiang. Ado di kampuang anjiang galadak nan paitiak bana. Kalau indak dijago, disembano itiak wak nan sadang batalua. Lasuah rasono iduik di kampuang katiko itu, katiko barang (konsumtif) nan ka dibali alun banyak. Jo padi taranak, jo ayam itiak di kandang, jo ikan di tabek, pucuak kapelo di parak, indak marusuah amek di urang gaek hiduik katiko itu do. Wassalamu'alaikum Lembang Alam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
