Ehem Sabana langkok kulikaik kakobeh dan apa bagaimana urang awak nan paburu kondiak jo anjiang
Raso mambaco sebuah "penelitian ilmiah" Uda Andiko ha ha ha..nan kasukoan ambo bana carito2 mode ko, ndak do lai yo sabendi bana wak mah Carito satantang kisah2 baburu ko Andiko, yo bana yo batua, kok ota nan paliang gadang yo urang baburu ko, jadi ko dek ulah mandanga ota di lapau kampuang juo ko sangkek mudo2 dulu Jadi yo kanai loge ambo Dek paburu ko Dicaritokannyo anjiangnyo ko santiang, pokoknyo hebat diantaro anjiang kawan nan lain Nan anjiangnyo ko yo lah gaek ndak layak tampil lai, sekedar parami2 "kumpul bareng anjing" sajo Kecek Apak ko ka ambo "Ang caliaklah yuang anjiang den nan lah "baun tanah" ko, dulu tanamo mah dek urang kampuang anjiang den ko hebat bataruang jo kondiak, tu bekas luko di kaki muko manjalang kaparuiknyo tu, bekas luko dek tariang babi mah " Ambo tantu kagum2 dan angguak2 sajo "yo hebat mah anjiang apak ko puji ambo" Lah babarapo ari ambo kofrontir (kroscek) jo urang kampuang nan paburu juo "Mak..mak batua tu anjiang Pak A tu nan lah gaek tu anjiang hebat sampai luko bagai bataruang jo kondiak kanai tariang kondiak" tanyo ambo Apo jawek mamak nan nota bene gilo paburu ko Andiko "Aaaa lah di ota e waang tu mah Yuang..dek Pak A tu, apo lo anjiangnyo tu nan hebat, luko di rusuak kaki muko anjiangnyo tu kanai tombak baburu tu mah katiko kondiuak takapuang di lambah, lalu kami tombak ado tombak kawan nan kanai ka ruduak anjiang e tu" Dari carito ko marujuk ka carito dan penelitian Andiko dilapau di pojok komunitas urang paburu bakumpua he he Jadi kaduo2 ambo anggap sajo tukang ota sajo dek samo2 paburu, tantu ndak namuah inyo mangakui bantuak itu dek mamak nan amvo tanyo, baitu juo Pak A tantu managakan anjiangnyo nan hebat ha ha ha Okelah antah ma nan batua, antah ma nan maota samantaro ambo maambiak kesimpulan "Ambo anggap sajo anjiang Pak A nan lah gaek ko nan bekas luko dirusuak kaki mukonyo..dek kanai kurok abih digawik sajo ha ha ha, sasuai jo carito Andiko" Salam-Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: andi ko <[email protected]> Date: Wed, 14 Apr 2010 13:34:09 To: <[email protected]> Subject: Re: [...@ntau-net] Romantisnyo mandaki gunuang Singgalang Aha...yo batua bana, raso manonton siaran lansuang kito dari lapau suduik nagari ko. Kalau soal piapi, jan lupo piapi saribu satu, dek rancak apinyo, acok pulo apinyo mambaka bulu iduang. Disuduik lapau duduak gank paburu, kalau gank iko rada-rada agak gadang ota saketek. Inyo caritokanlah anjiangnyo bagulat jo Kondiak di rimbo ukatu baburu patang, padahal baru sajo Tuo Buru bakuai maimbau urang dek alah batamu kondiak ko, anjiangnyo lari ka bukanngnyo, mangumpin ikua anjiang ko, manggaretek sakali kaki anjiang nan "iduik sagan mati tak nio ko", ma agak kurok lo saketek. Tapi tahu ndak uda anjiang na santiang di paburuan ? Bukanlah anjiang nan barani marabahkan kondiak di paburuan, tapi nan mode iko. 1. Anjiangnyo anjiang lupak, dek perawatan lai bagus, bulunyo bakilek rapih, jauah dari kurok dan minumnyo teh talua tiok pagi, kalau indak supradin talua nyo agiah. (Walaupun anaknyo sendiri indak balanjo pai sikola...he..he..) 2. Makan anjiang ko adolah kapalo nasi jolong masak itu. (meskipun anaknyo sendiri makan nasi dingin pulang sikola...he..he..) 3. Kalau di paburuan, anjiang jo tuannyo ndak usah marancah samak, cukuik tagak di tapi jalan nan barasaiah se. 4. Kalau tadanga Tuo Buru bakuai, talingo anjiang ko tagak, nan agak marentak ka mungko. Kalau tuannyo agak kuruih dan ba panyakik batuak manahun karano rokok nan ndak sasuai, bisa tahampeh di elo lupak ko. 5. Katiko anjiang lain barabuik bakaja jo kondiak, si lupak iko santai sajo mancaliak. 6. Kutiko kondiak alah rabah ditangkok anjiang lain dan anjiang-anjiang lain sibuk barabuik dagiang kondiak iko, baru lupak mahambuah ka galanggang itu. 7. Sampai disinan, si lupak indak manggigik kondiak ko doh, tapi inyo mandi-mandi sajo di darah kondiak nan tumpah itu, sampai basah kuyuik dek darah. 8. Setelah itu si lupak bajalan ka tuannyo, tapi sangajo inyo lewat di depan pa buru-pa buru lainnyo nan sadang tagak jo maronggok mananti anjiangnyo pulang. Dimungko pa buru lain itu, berkali-kali si lupak mangirai-ngirai bulunyo, kapan paralu, sampai darah nan dikirai dek lupak ko manyeba kanai paburu nan lain ko. 9. setelah itu baru si lupak pai ka tuannyo di tengah tatapan mato paburu lain. Kalau punyo anjiang lupak mode iko, akan terkenal Bujang Karojan nan punyo anjiang ko di tampek paburuan dimanapun, akan manjadi buah bibia di lapau-lapau saentero nagari. Akan diundang manjadi pengurus PORBI (Persatuan Buru Babi). Pasti uda ndak yakin bahwa PORBI iko adolah organisasi resmi yo. Baliak ka lapau tadi, si bujang karojan sadang ma hajankan tuah di suduik lapau tadi. Meskipun punyo anjiang santiang, nan inyo tetap minum kopi satangah, dan dek lamak curitonyo, alah berkali-kali mintak tambah ayia angek, bahkan satiok tambahan itu, selalu di ikuti dengan tambahan kopi atau gulo salayang. Sampai urang lapau alah basunguik-sunguik dek berang, tapi ka baa lai. Tipe buyuang karojan iko adolah urang nan minum pagi di lapau ko sampai jam 10 bahkan sampai jam 11 siang dengan kopi satangah se modalnyo. Tapi dek pandai manggadele, yo sanang juo urang dilapau. Samantaro nan lain, alah bakuhampeh di ladang atau sawah, si buyuang karojan masih mandendangkan curito nan samao di lapau itu. Lai tabayang dek uda jo sanak palanta kan ? Salam andiko Pada 14 April 2010 13:00, <[email protected]> menulis: > Ha ha ha Persis Andiko, awak urang jadul antik sabendi ko tantu lai jalas > nan Andiko caritokan tu, baa bana lagak, gaya dan ragam urang palapau nan > punyo lapau di kampuang2 tu > > Ateh namo urang minang ambo ndak tahu jo Sebo yo "kapia" bana ambo mah jadi > urang minang :-) > > Yo bana, nan bajas2 ko Andiko kok yo tajir we e nan rokoknyo tantu lah > gudang garam merah lai kok nan kretek piapi catuih we e yo lah nanrancak > pulo petak mode2 zippo tantara america tamasuak catuih nan harago maha la > > Kok nan bajas ko rada2 kere tapi palapau juo, rokoknyo dek lapau di darek > yo daun anau sajo batimbakau nomor 9. Tu sajo, catuih bulek silinder basumbu > kapeh asok e hitam ha ha ha > > Kalau nan bajas ko apokah pandeka, dukun tangguang atau urang bagak > kampuang, urang siak atau urang "parewa" nan sadang2 rokoknyo lai commondore > samati-mati angin rokok nan mambuek hiduang ratuang jo bulu iduang pirang > apo lai kok ndak rokok Kaiser, nan catuih masih murahan juo nampaknyo, alun > tabali lai catuih nan rancak mode Zippo tu, bisuak lah yo kok maledak rajaki > di bali ha ha ha ha, sakali-kali. Batuka salero rokok ko lai juo di bali > ketengan gudang garam merah ko > > Nan bakupiah babulu landak ko, yo ambo agak rada2 takuik juo mancaliak agak > lamo, jo suduik mato sajo, tapi kok dapek slah maota yo sero mandanga > carito2 hal2 yang mustahal dari inyo > > Lai andiko dapeh bana "roh" karakter dan psikologis lagak, ragam dan gaya > urang awak "palapau" ko dikampuang2 tarutamo di pakan dan balai nan raso2 > cukuik punyo namo balai ko yo saruman balai Koto Baru cukuik terkenal di > ranah karano barado di jalur lalu lintas nan strategis dan jalan urek nadi > aktivitas atau jalur ekonomi barang dan jasa > > Beko dilanjuik carito gng singgalang..di bahas dulu urang lapau :-) > > Salam-Jepe > > Sent from my BlackBerry® smartphone from Sinyal Bagus XL, Nyambung > Teruuusss...! > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
