Andiko dan Pak TR Ndak banyak ambo nan tahu baa bataranak limbek atau lele ko
Awalnyo ambo bapikia bataranak lele ko mudah2 sajo dalam arti lapehkan ka tabek, ka septi tank atau aia2 nan sakiro ndak paralu bana di hiraukan kebersihannyo alias jo aia kumuh dan limbah sajo bisa bataranak lele Baitu juo masalah makannyo "ado tingga di bom" sajo, dicampak siso2 nasi jo samba2 sarupo tulang ayam, ikan dan lain2 siso makan urang di RM dan Restoran atau Roti2 lah bakapang jamuran Tapi setelah ambo bakunjuang di sebuah desa pinggiran Dumai sambia mambina masyarakat dalam program Hutan Rakyat basuo ambo jo seorang Bapak paro baya bataranak lele di kolam atau tabek2 nan dibuek sedemikian rupa dan lataknyo satu samo lain selang seling beraturan sasuai jo ketinggian dari ateh ka bawah aia turun untuak maisi kolam tadi Dari apo nan dijalehkan Bapak ko, baru ambo sadar indak sagampang nan ambo pikia bataranak lele ko tapi tantu dalam skala bisnis dan komersil bukan sekedar pamenan atau ecek2 sajo, walau bukan untuak dijua hanyo di konsumsi sajo mako ado juo aturan2 bataranak lele ko, kalau ndak asal2 sajo samisal maagiah makan ndak beraturan, asa campak sajo makanan mako sio2 sajo nantinyo Manuruik penjelasan Bapak urang jawa ko ka ambo karano pangsa pasarnyo para penjual pecel lele dan rumah makan tantu hasil panen nanti ukuran dan bentuknya seragam semisal 6 sampai 7 ekor per Kg, untuk menciptakan lele yang seragam itu bukan perkara mudah Kecek apak tu beberapa sifat lele 1. Tamasuak nan rakus jo makanan, apo sajo dimasuakan abih, kalau ndak ado makanan kawannyo dimakan, atau bacakaknyo sahinggo nan lamah2 luko2 dan mati, iko nan dimakan barami2 tamasuak juo ko dicampakan bangkai ayam salasai juo dek lele ko 2. Ado nan lincah dan agresif diantaro lele2 nan dikolam nan lele nan lelet bin on atau indak agresif kalah basaing taruih barabuik makanan akhirnyo nan gadang batambah gadang nan ketek samakin cido akhirnyo lamah dan mati alah dilulua lo dek nan gadang Jadi berdasarkan nan duo ko, Bapak Urang Jawa ko (kenapo ambo menekan kato "urang jawa" karano mereka harus awak akui kok bakarajo, batani, bataranak yo sabana rajin dan ulet di rantau Riau ko, kalau urang jawa ko jo bahaso siko agak cimeeh diimbau "lelek-lelek" kalau ditanyo dijalan "nandi mas" jaweknyo cari karajo, kalau urang lokal nan mabuak barandam di batang aia sajo, kalau ditanyo sadang bajalan "ndak kemane Pak Cik"...biaselah cari angin pak Taufik tahu bana tu mah istilah "kojo tak kojo seribu lima ratus he he he) Lanjut Jadi (ambo lupo) dalam jangka tertentu kolam ko di kuras, lalu diamati lele tu ado ndak seragam ukurannyo, dipisahkan ka kolam nan lain dari kolam nan dikuras ko ukuran nan samo gadang setelah dipisah dipindahkan ka kolam , baitu taruih kolam tampek mamisahkan ukuran samo gadang ko dikuras pasti pulo ndak seragam gadang nyo dipisahkan lo baliak ka kolam lain tampek bakumpua samo gadang sampai didapek pado umur panen yang ideal barek seragam samisal 6 ekor per Kg Dalam masalah makanan bantuak itu juo baik pelet dan roti jamuran dalam sehari harus diagak ukurannyo sesuai jo banyak ikan dalam kolam, indak asa diagiah.sajo makanan, bara sajo diloncekan makanan ka kolam ko dek lele rakus abih deknyo, makonyo lele ko ndak gadang saragam dek ado nan agresif diantaro mereka nan manang taruih barabuik makanan satiok di loncekan pakan ka kolam Jadi secara ekonomis berapa harga jual lele per kg dibeli pedagang ke Bapak ko lansuang di kolam bia untuang tantu lah ado perhitungan nan ideal jo Bapak ko seberapa banyak pakan dan makanan buat lele ini dikasih sampai masa panen dengan berat seragam 7 ekor per Kg Seandainyo indak dipisah walau takaran pakan lah Pas, ahaa jaan tacangang akan basuo lele sagadang di kolam Pak Emi di PMC nan Andiko caliak, samantaro nan lain kerdil2 bisa jadi samisal bibit dimasuakan 50 Ekor, nan raksasa (agresif) ado 10 ikua, nan lamah2 ketek 20 Ikua samantaro 20 ikua lai "lenyap" Kini tingga pilia bataranak lele sekedar ecek2 sajo, yo umbankan sajo pakan dan makanan bara taragak kadalam tabek, kolam dan septi tank tu (ooo jaan dikiro di septi tank, masuakan bibit 100 ikua kito akan panen 100 ikua lele sagadang nan andiko caliak di kolam Pak Emi tu.) Kalau untuak ka dijua mandapekan barek ideal dan ukuran seragam dan menguntungkan secara ekonomi yo ado ilmunyo dan bukan mudah nan salamo ko awak bapikia "masuakan ka kolam, tabek. Dorom, septi tank bibit salasai lalu umbankan sajo pakan dan siso2 makanan suka-suka) Itu saketek pengalaman maota2 jo masyarakat badarai alam takambang jadi laboratorium alam tantunyo sarupo Bapak urang Jawa ko pengalamannyo nan panjang baru dapek "slah" atau seni bataranak lele ko secara ekonomi memberikan untung, ibaraiknyo Bapak ko lah tahu bana kulikaik, kakobeh, parangai ikan lele nan ditaranaknyo Semoga bamanfaik penjelasan ambo nan relatif kurang ilmiah Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
