Sanak Palanta Mungkin tigo minggu nan lalu ambo barasaki berkunjung ka rumah sakik PMC Pakanbaru dan batamu jo pak Emi. Setelah berbincang-bincang ringan jo Pak Emi di lantai 6 tampek baliau tingga, ambo kemudian diajak mancaliak ikan-ikan yang dipiaro di sekeliling rumah sakik dan di sekeliling musajik ketek di balakang rumah sakik itu. Designnyo, musajik iko di kapuang/ditangah tabek dan rumah sakik iko dilingkuang dek banda nan panuah ikan. Ado duo jenis ikan nan mambuek ambo takjub, yaitu ikan emas koki jo koi nan gadang-gadang serta ikan lele.
Ikan lele iko sungguah gadang luar biaso jiko dibandiangkan jo ikan lele nan biaso ambo temukan di pasa-pasa. Mungkin lele iko alah manjadi indukan atau bapaknyo para lele disinan. Nah kini manga kok takana dek ambo lele. Lele iko bantuaknyo memeiliki daya tahan hiduik nan cukuik kuek. Di Padang di banda di Mangunsarkoro dulu, di isi urang jo ikan lele. Walaupun ayianyo indak janiah mode tabek di PMC, tapi nan lele iko tetap iduik. Kini di rumah di kampuang ado sedikit kesulitan. Urang gaek ambo ka mambuek wc. Tapi dek kampuang ambo sangaik banyak ayia, banyak pulo tabek, mangko jarang urang nan ba wc di rumah. Alasannyo partamo, alah banyak jamban di tabek-tabek itu dan nan kaduo, susah mambuek septic tank karena kalau di gali satangah meter sajo, alah panuah dek ayia. Paniang urang gaek ambo mamikiakan. Akhirnyo ambo dapek ide nan agak nyeleneh. Ambo pikia septic tank nan dibutuhkan itu dibuek sajo agak panjang mode tabek ketek, mako kasinan diarahkan pambuangannyo. Tetapi septic tank iko berubah fungsi menjadi tabek ketek nan di isi ikan lele. Bayangan ambo, untuak rumah nan isinyo cuma 3 urang, mako lele nan ado di tabek itu akan dengan mudah menjadi pendaur limbah organik manusia iko dan ambo yakin kalau lele nan di masuakan ko akan lakeh gadang. Baa kiro-kiro nyo sanak palanta tuh. Apokah ado jenis ikan lain nan lebih kuek dari lele nafsu makannyo ? untuak paisi tabek ketek di kampuang ko. Salam Andiko Sutan Mancayo Manunggu kapa di Sukarno Hatta -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
