Yo padek konten samba lado ko :-) kalau di agiah agak selayang aia perasan asam sundai baa nyo..lai katambah manggilo samba lado ko Andiko dilatakan/dihidangkan dalam sayak tampuruang pusako nan hitam licin mangkilek tu..baa gak ati dibaok bana katangah dangau di sawah tangah hari, uok santa lu taruang ungu jo kacang panjang jauh pangana kok lah samba lado mode ko dalam sayak tampuruang dimakan di dangau buruak tangah sawah yo sabana masuak ka terowongan wakatu jaman dulu ketek2 liburan dikampuang
kalau disuruah mamiliah tahunus ujuang padia ka kapalo "oii jepe piliah bakodak jo Zinadine Zidane atau makan sambo ladoSaguak Garam" bia lah badia malatuih ateh kapalo :-) Pilihan ambo (dek badia malatuih maleset mah..) bakodak jo Zinadine Zidane sambia makan jo samba lado ha ha ha maksud ambo kaduo2nyo maestro bana mah nah ciek maestro dalam maolah si kulik bundar di lapangan tangah maso keemasan Il professor Zizou nan ciek lai yo tamasuak maestro dalam samba lado "buruak" juo Kok ndak dapek maco tu, bisa diganti jo bada kuriak Sutan Mancayo...pasti bisa (sero juo mah bada kuriak dirandang/sangrai dikuali basi tu..lalu dibuk sambalado mode ko) Wass_jepe ________________________________ Dari: andi ko <[email protected]> Kepada: [email protected] Terkirim: Sab, 17 April, 2010 11:16:17 Judul: [...@ntau-net] Sambalado Saguak Garam Sanak Palanta Kok lai libur hari Sabtu iko, pailah malayok ka pasa tradisional, cari los urang manggaleh maco, carilah maco hitam nan agak gadang badagok. Sampai dirumah, barasiahkan maco nangko sampai sagalo debu yang lakek, barasiah. Iduikkan tungku, latakkan kuali basi diatehnyo, biakan api ketek layok-layok raso ka mati atau angek baro marandang maco itam ko. Kalau alah masak dan harumnyo alah bateba, giliang lado merah segar jo bawang merah lumek-lumek. Setelah itu tumbuakkan maco randang iko ka lado itu. Kalau alah tacampua samparono, siramkan minyak karambia buatan sendiri (minyak tanak) ka adonan nangko. Kalincoan sakali lai, sahinggo minyak ko merata di lado nan alah bacampua jo maco randang tumbuak ko. Ambo jamin, ado tigo sumber harum nan bakaja-kaja ka iduang dan mengguguah pintu salero makan siang sanak, partamo aroma maco randang, kaduo aroma segarnyo lado jo bawang dan nan katigo datang aroma minyak tanak manggilo'i. Kalau indak batamu jo maco hitam ko di pasa, buliah juo diganti jo maco tarubuak. Kalau di Sijunjuang, sambalado iko namonyo "Sambalado Saguak Garam". Salamaik mamiuah suok makan siang, buek sambalado iko segera. Ma nan patah salero, ambo jamin akan bangkik saleronyo, apo lai nan di posisi alah "maambuih nasi dingin", pasti tabukak pintu salero. Salam Andiko Sutan Mancayo -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe __________________________________________________ Apakah Anda Yahoo!? Lelah menerima spam? Surat Yahoo! memiliki perlindungan terbaik terhadap spam http://id.mail.yahoo.com -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
