Ondehhhhhhhhhhhhhh Raso ka ma ambuah kumbali pulang, raso ka dibuek pulo mode nan uni posting.
Salam Andiko Sadang di Dewan Kehutanan Nasional-Dephut, Manggala Wanabakti Pada 18 April 2010 19:52, jupardi andi <[email protected]> menulis: > manjalang diurak selo dari kamar ko..onde mande > alun kababuka foto tu lai Rita > beko di baco bana elok2 seru ko > > kini lambuang sadang KRAM bana dek ulah samba Andiko nan Babahayo > tu samba Rita nan dangerous > > Wass_Jepe > > ------------------------------ > *Dari:* Rita Desfitri Lukman <[email protected]> > *Kepada:* [email protected] > *Terkirim:* Ming, 18 April, 2010 19:45:45 > *Judul:* [...@ntau-net] Goreng 'Pesi Barayak' Balado > > Assalamu'alaikum Wr. Wb. > > Mungkin bagi kito nan banyak, kalau manyabuik pesi, nan tabayang adolah > makanan sejenis 'kerang mini' nan dimakan setelah diagiah bumbu (biasonyo > bumbu sup). Dicucuik, bak kato Reni dulu, bisa-bisa bibia taba, > hehe (tantu sajo kalau mamasaknyo ndak pas, sahinggo payah mangaluakan isi > dari kuliknyo tu). > > Jarang barangkali pesi ko nan di bao kalua Maninjau dalam keadaan 'sudah > setengah diolah'. Kecuali untuk keluarga asal Maninjau juo nan memang lah > tahu jo seluk beluk pesi ko. (Padohal itu adalah juo makanan sehari/rutin > masyarakat kuliliang danau Maninjau juo.) > > Salah satu jenis pesi nan alah setengah diolah ko dinamokan 'pesi barayak', > atau pesi nan alah di ayak. Pesi barayak ko selalu tasadio dipasa-pasa > tradisional kuliliang danau. Baiak itu di pakan Salasa di pusat Maninjau, > pakan Rabaa di Sungai Batang maupun pakan Rabaa di Nangkoto, Pakan Jumaat di > Bayua, dan Pakan Akaik di Koto Kaciak. > > Walaupun baitu, bagi kami anak Tanjung Raya (salingka danau), tarutamo > katiko mudo-mudo matah dulu, kalau ado wakatu luang, mambuek surang pesi > barayak ko manjadi keasyikan tersendiri. Kini dengan keterbatasan wakatu, > tantu mambali pesi barayak nan lah jadi akan taraso labiah praktis.... > (salah satu alasan supayo ndak dikatokan urang baraso awak tu pamaleh, hehe) > > Kenapo dinamokan 'pesi barayak'? > Karano pesi ko dasar maolahnyo dengan jalan di ayak. Pesi nan masih utuh jo > kuliknyo tu diabuih cukuik lamo sampai kuliknyo lakang, dan isinyo tangga > alias babuntangan dari kuliknyo. Dikucek-kucek alias diayak-ayak sahinggo > sadonyo isi tapisah habih dari kulik-kulik tadi. Lalu isi pesi tu > ditirihkan/disaring. Jadilah namonyo pesi barayak. > > Jadi pesi ko sabananyo adolah pesi nan lah matang/masak, mako urang > manjuanyo dalam keadaan lambok. Pesi barayak ko dapek dibuek berbagai macam > kuliner khas danau. > > Di gulai jo rabuang, akan sangat mandayo, sabab itulah ado pantun nan > mangisahkan gulai rabuang jo pensi, ibarat kain nan condong saragi, mambuek > sajauah-jauahnyo anak dagang marantau, inyo babaliak ka tapian. > > Digulai bacampua jo kacang panjang, iyo sabana sero pulo :) > > Atau dibuek goreng pesi balado, bisa cepak cepong pulo awak dibueknyo. > Mambuek goreng pesi balado tantu caronyo biaso sajo sarupo goreng-goreng > balado nan lain. > > Tapi nan jaleh pesi barayak ko memang mambuek 'rindu berat' kalau lah lamo > indak batamu, hahaha... > > Dari siko lah kisah nyo bamulo... > > Kapatang malam, katiko ambo mambuka 'freezer' sang Bunda, walah-walah, > sabungkuih plastik pesi barayak rami-rami mengedipkan matanya kepada hamba. > Sambia galak manih, langsung se ambo cari teman setianyo, tomat, bawang dan > cabe/lada... Hamba giling semua di atas batu lada. Bak kato da Jepe, > digiliang jo belender tu rasa lada nyo kurang mengena. Manunggu urusan lado > salasai, nan pesi barayak tadi raso dingin es nyo juo lah mulai hilang, > sahinggo butir-butiran pesinyo bisa dipisahkan alias badarai. > > Di latakkan kuali di ateh kompor, dicigok jarum panunjuak, kalau-kalau gas > lah hampia habih pulo. Setelah jaleh stok aman, api dihiduikkan. Manyambua > si hijau tarang sakuliliang. Dimasuakkan minyak goreng ka dalam kuali, > diagak-agak supayo nantik ndak taminyak. Ditumihkan saketek bawang, harum > salayang mulai mangudaro, mako dimasuakkanlah sasendok campuran gilingan > lado, tantu bawang jo tomat juo lah takinco. Tomatnyo nan agak > banyak panambah, sabab si Murai panakuik jo lado. > > Setelah lado lah agak masak, pesi barayak ikuik bagabuang ka dalam > kuali, lah pueh mandi jo aie, kini ba mandi si minyak goreng. Diaduak di > bolak-baliak, badantang sendok jo kuali, sampai pesi nan manganduang aie > tadi makin lamo makin agak kariang. Namonyo pesi maisok raso, tantu garam > panukuak juo agak banyak pulo dibanding kalau mamasak nan lainnyo. Katiko > ditambah percikan asam kesturi, bulu hiduang pun mulai manari :) > > Dicubo diraso-raso, pesi lah masak mah kironyo > Di salin ka piring kaco, talatak di meja muko > Kini tahidang ka dunsanak sadonyo > Kalau-kalau ado nan ka nio > Caliak lah dulu di dalam foto :) > > Goreng pesi barayak balado ko, lamaknyo dimakan iyo jo nasi angek. Kawan > panungkuik nasi jo daun pisang tantu lain pulo seronyo. Diambiak nasi > sakanyang paruih, padek-padekkan di bungkuih daun pisang. Salekkan > 'serdadu-serdadu' nan banamo pesi ko untuak mangawal si tuan Raja, goreng > talua bulek... > > Baok ka ladang, makan di dangau sambia manikmati angin sepoi-sepoi, > tarangah sudah mancangkua di sawah atau mancabuik rumpuik di parak... > olalahhh.. kanyangnyo... > Alhamdulillah... > > Salam, > > Rita Lukman > > > > > > > > > > > > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
