Reni nan manih, Katiko Uni partamo marantau di Batam ko, Uni lai lansuang dapek karajo jadi HRD. Padohal nan malamar lumayan banyak, nan lucunyo laih ukatu tu Uni indak tau apo nan Uni lamar doh, dek info ko Uni dapek sajam sabalun jam interview lansuang jo salah seurang Expart. Posisi nan Uni lamar tu ado babarapo macam ditulih jo singkatan-singkatan. Dasar indak ado pangalaman malamar karajo, UNi tanyo ka sepupu Uni apo nan cocok untuak ka Uni lamar. Nan iko selah keceknyo, kebetulan nyo tunjuak HRD. Uni tanyo apo tu HRD kecek Uni? Human Risos gitulah keceknyo ndak saba, dek inyo nak ka pai lo malamar disitu tapi di bagian OA (Operational asst). Kadang Uni tagalak jo pengalaman Unit u, sebab kutiko Uni dinyatokan ditarimo sudah tu Uni lansuang ikuik training dan baru itu Uni tau kalo HRD tu Personalia hahaha dasar ga gaul buanget...
Uni harus berkomunikasi dengan bahasa Inggris sebab atasan Uni indak bisa babahaso Indonesia doh apolai bahaso minang haha... makonyo Uni deal jo inyo, Uni kecek tolong di koreksi bahaso Inggris parah Uni, dan Uni akan ajakan bahaso Indonesia supayo nyo mudah komunikasi jo operator atau di sahari-hari di Batam ko. Akhirnyo deal... Lambat laun Uni jadi HRD nan arogan, angkuh jo pamberang. Saketek-saketek warning, saketek-saketek pecat saindaknyo warning lisan nan mungkin kalo ditimbang-timbang hati anak urang tu alah badarah-darah Uni raso dek bahaso Uni. Dek lai capek adaptasi jo capek manangkok isi kapalo Boss Uni, Uni lakeh naiak jadi HR Manager di perusahaan pma nyo tu. Dalam posisi mode tu banyak fasilitas nan Uni dapekkan dan iko mambuek Uni lumayan mapan di usia nan masih mudo bana tu. Ado kasuspun Uni hadok i surang tanpa pengacara bagai. Pokoknyo sadang naiak daun banalah Uni rasonyo ukatu tu. Mungkin dek Si Upiak nan biaso mularaik di katu sikolah lah manjelma jadi executive muda nan mapan..cailee...(malu Uni jo nan iko ko..) Suatu katiko Uni ndak sangajo batamu artikel tulisan dari AA gym nan manulih mode ko kesimpulannyo kiro-kiro ; "Semakin anda bisa meredam amarah/emosi maka semakin dewasalah anda tapi jika sebaliknya maka anda hanyalah seorang anak kecil yang bertubuh besar" Artikel ko iyo bana manusuak hati Uni bana, sampai satiok apopun kejadian nan dimano Uni biasonyo berang-berang jadi indak jadih berang doh, sampai Boss Uni sendiri heran jo perubahan tibo-tibo Uni tu. Alhamdulillah jiko iko awak pagunokan untuak mamanagement hati kito tanyato energy nan awak kaluakan indak baitu parah separah kalo kito manyalasaikan sesuatu jo emosi. Cuman itulah dek Reni tuha..kadang-kadang nan si Giant ko kadang manang juo dari si Nobita hahaha....Iyo memang harus bausaho awak baa muko awak jaaan sampai barubah jadi muko si Giant ko.. Sampai akhirnyo Uni mundur dari perusahaan tu sebab Uni raso UNi harus banyak baraja laih, sadar Uni baso ilmu jo pangatahuan nan Uni punyo alun ado apo-apo nyo laih di tampek tu. Hanyo karano ado kuasa sajo mangkonyo bisa macit (istilah jadul) hehe.. Jan ditiru ndak... Wassalam Rina, 33, batam (nan alun pandai-pandai juo lih...) -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
