Assalamu'alaikum Wr. Wb. Mandanga komentar mamak Iqbal di kalimat terakhir di bawah ko, takana pulo di ambo waktu pertamo-tamo 'kalua' Maninjau dan masuak SMA Bukittinggi dulu. Karano sabalumnyo memang hanyo babaua jo urang nagari Maninjau se, mako bahaso Maninjau ambo digalak-galakkan di kawan sa kelas.
Apo kato pareman-pareman tu: "Ondeh... di urang Verb + ing, tapi di si Rita ko sagalo kato manjadi Noun + ing. Sajak dari dari kucing, anjing, dinding, samping, sampai sanding". Lalu ditambahkan dek kawan nan lain, "Nan hebatnyo, di kawan awak nan dari nagari Maninjau ko ado pulo Noun + ung, contohnyo sarung, payung, kampung", hehe. Tapi setelah mulai ba asimilasi jo kawan-kawan dari daerah lain, ambo pun mulai tabiaso pulo manyabuik "Piriang di dindiang badariang-dariang disunduak kuciang". Jadi indak sekedar "Piring tu dilantak kucing jadi tacampak ka suduik dinding sahinggo sumbing..." Anak-anak Maninjau kini, karano dari ketek lah langsung [eh.. langsuang :)] babaua jo berbagai masyarakat, lah mulai agak tabiaso pulo manyabuik payuang atau karuduang, :) Salam, Rita Lukman Nan sadang manareka kain sarung, eh... kain saruang :) ------------------------------------------------- Pada 26 April 2010 06:45, iqbal rahman <[email protected]> menulis: > Asslammulaikum Wr Wb. > > Yth. Pak Azmi dan Dunsanak kasadonyo. > > Mandanga galodo di jorong Pandan Tanjuang sani ko , Ambo takana kiro tahun > 1977, kami bajalan kaki sakuliliang Danau Maninjau salamo 2 hari labih > kurang 10 urang. > kami start di Jorong Pandan tanjuang sani kiro2 jam 09.00 dari rumah > kawan nan banamo panggilat YAT ( Kuliah di Akademi Teknik Padang ). > dari tanjuang sani ka tanjuang mutiara masih banyak jalan satapak dan > sawah , karano hari ala sanjo kami bamalam di dermaga kapa ditapi danau > maninjau ( lupo ambo namo tampeknyo ) masyarakat disinan sabana elok kami > dikirimi kue dan aie minum bahasonyo agak beda saketek disinan indak ado > iang do taka kuciang disabuik kucing. > > ....................dikuduang... Salam , > > Iqbal Rahman > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
