Sato "ma-lapau" ciek lu, baa kecek ajo Sur..yo di puta susu soda di ujuang palanta sambia dunsanak siko badiskusi kini agak ka tangah awak saketek dulu dek lah panek baputa-puta masuak kalua rimbo, tapi yo taraso sanang badan, bakarajo sambia baolah raga cabang tradisional forester "tracking"
Paluah tabik, badan panek2 sanang ko lah mandi, lalok lamak, tapi nan paruik nampaknyo masih tetep labiah maju dari karir..padohal bajalan2 ka hutan ko ..lah bafokuskan kamambaka lamak di paruik :) Iyo carito samuik salimbado ko sajo nan ka ambo OOT kan (Ota Ota Tangguang kecek Da Zul..... Tan di bogor tu pondoknyo) @Mak Ngah Sambia mangalai2 di barando guest house camp HTI ko yo tabasuuik galak ambo Mak Ngah carito "horor" manakuikan kalene nan ka basunek wakatu ketek Yo bananyo Mak Ngah, co itu lo parasaian nan ambo alami wakatu ketek manjalang ka bakarek ujuang nan kiramaik tu :) Senior ambo nan lah basunek rasul ndak bagarah manakuikan kami nan ka basunen sacaro kolektif dulu jo mantari sunek di RSUD Jamil Padang di Jati, trennyo dulu basunek ko jaman ambo nan paliang ideal ukurannyo kelas 4 SD, pas awal puaso (di harap malakik hari Rayo lah cegak dan bisa pakai sarawa baru nan lah dibaliin juo sarawa cincuik dek urang tuo, kalau ado kawan nan mada..maruyak suneknyo alun juo cegak tapaso pakai saruang juo hari rayo jalan maenggak2, baju rayonyo sajo nan baru nyehhh ha ha ha) Jadi dek senior nan lah basunek satahun ka balakang atau nan senior lah di smp yo raso ka abih darah ambo di patakuiknyo baa bana basunek e ko Sarupo carito mak ngah, kecek senior ko inyo karek ujuang "sibuyuang" tu jo ladiang MAJA nan bakarek, di landasan kayu (talenan), di gisanyo ladiang maja ko dek mantari sunek tu lambek2 mamotong ujuang si buyuang tu kecek senior mamprovokasi ambo ka basunek min tiga malakik hari H bamacam2 kami dipatakuikannyo ka basunek ko..hororrrrr bananyo Tu..di bumbui lo labiah horor carito senior nan alah basunek ko, keceknyo ka kami2 nan kolektif pai basunek ka mantari sunek di RSUP jamil ko, kadang2 mantari tu tagoroh ujuang dagiang si buyuang tu gai jo ladiang maja tu..yo ampun kami deknyo abih dipatakuikan, sahinggo ado bagai kawan ambo dalam rombongan basunek kolektif ria ko maundurkan diri, lari gai antah kama manjalang kami lah bakumpua di masajik di koordinasi dek apak2 pangurus masajik (katiko tu masajik ambo jo kawan2 tahun 75 adolah mesjid Al Azhar Aia Tawa) Yo lah kalimpasiang lo ortu mancari anaknyo nan lari dek ulah carito horor para senior manakuikan basunek jo mantari pakai ladiang maja di potong lambek2 di ateh landasa kayu :) Ndak do lai Mak Ngah, dek carito horor basunek ko, malam bisuak ka basunek amuah angek dingin mandaman ndak amuah lalok mato rasonyo mambayangkan baa kajadian bisuak mantari mamotong ujuangnyo tu dek mantari sunek di RSUP Tapi ortu ambo, tantu jo kasiah sayang mambimbiang, menasehati dan maagiah penjelasan sacaro psikologis anak2 kalau carito horor dari urang nan lah basunek tu jaan di danga, bodoh awak tu kok tamakan lo carito tu, maso pulo jo ladiang maja bakarek di potong ujuang tu kecek mande ambo Jadi ortu ambo yo disiapkannyo mental ambo,malam tu ambo dimanjokan jo makanan2 nan lamak tu jo janji agak banyak piti balanjo (THR) di hari rayo kalau capek cegak, tantunyo baju jo sirawa rayo nan baru dan rancak Yo lah agak tanang ambo stek mak ngah malamnyo, tapi masih tabayang juo carito horor senior ko tarutamo di bagian "Kadang2 mantari tu maleset manggoroh ujuang si buyuang amuah putuih gai dagiang nan di muko" Hua ha ha..ngeri pokek ke yo..kalau iko nan tajadi :) Akhirnyo Bersunat berjalan dengan sukses dan menyenangkan, karano mantari di biusnyo, tahu2 awak diajaknyo maota, ujuangnyo lah putuih sajo..Amin..amin Lega..lega..lega Dicigok si buyuang..ahaa..lai utuh nan badagiang bagian mukonyo..pake syal perban sakaliliang :-) (Merah membara bo') Mak Ngah Yo ndak sobok dek ambo 4 syarat manakuikan urang kabasunek rasul didalam ruangan mantari sunek tu Ndak ado ladiang maja, talenan, aia lado panyiram si buyuang ha ha ha apolai sacawan samuik. Salimbado Apo lah kagunoan dijaman mak ngah "panakuik2 basunek" ko samuik sacawan ko Mak Ngah Itu sajo dulu Mak Ngah carito horor basunek rasul jaman ambo dulu, tantunyo sebuah pengalaman nan seru dengan segala kurenah, kakobeh, asal usil dari kawan2 nan mampatakui kami, baa ka baa juo jaman dulu ambo ketek pelayanan kesehatan masih terbatas dan informasi sangaik kurang, apa dan bagaimana bersunat ini, indak saroman jo jaman kini mulai dari basunek nan konvesional sampai nan canggih babiaya maha Beko lanjuik lah ka pokok subject postingan manyangkuik samuik nan di bahas Rina jo veri, ambo lai tahu saketek banyak jo jenis samuik ko, nan jaleh batua nan dikecekan si Veri, bukan samuik Rang Rang atau karanggo, Salam Jauh dari base camp HTI Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
