Andiko, Naldi dan sanak palanta RN nan suko jo kuliner Apo carito kini Andiko..carito panek awak di lapau ko (kok di balairuang sagan wak) tapi paralu di garis bawahi dulu kok lai kito samo2 sapakat dan sapaham
Bahwa kuliner pusako minang kito adolah Sebuah seni, budaya dan tradisi yang panjang..(Setuju sanak) Mudah2an dapek tampek dan ruang juo di KKM bulan Agustus nanti seputar kuliner pusaka ranag minang ko, kan baitu ndak Pak Saaf, lai masuak dalam draft KKM tentang masakan pusaka ranah minang kita Kembali ke Pangek, Kok pangek singkarak, ombilin , simawuang dan usah lai dicaritokan memang lah terkenal dari dulu dan lah banyak kito bahas di palanta ko, ndak usah dipertanyakan lagi apa dan bagaimana cita rasanya, pangek yang dibuek dengan sentuhan tangan secara manual dengan pemilihan bumbu dan bahan yang terukur dan mempunyai sejarah serta tradisi dalam seni masak memasak nenek2 mande2 dan para tetua kita turun temurun Takana pangek tabayang sakali ambo jo Mak tuo amnbo dikampuang dan mande ambo di Padang nan memang santiang dan cito raso nan tinggi kalau lah mambuek pangek Bagi mak tuo amo dikampuang jo sanak2 saibu ambo, mereka sangai suko jo pangek ikan ambu2 atau sisiak artau urang darek manyabuiknyo ikan padang, Kalau ambo ka kampuang ikan ambu2 atau sisiak ko lah oleh3 nan salalu di rindukan mereka untuak di bawok ka padang dan dibuek pangek Biasonyo ambo bali ka muaro padang ikan ko sabalum pulang kampuang lalu dipotong2 dek mande ambo digaramin lalu di abuih salayang atau istilahnyo di kacuik masuakan dalam dalam wadah plastik tatutuik rapek untuak ambo bawok ka kampuang Tibo dilkampuang ndak ado lai bereaksi sakali kelincahan tangan dan perasaan mak tuo ambo ko mamangek ikan padang jo balango nan dilatakan di tungku tigo sajarangan nan bahan bakarnyo sabuik jo palapah karambia nan masiak Bumbunyo sabana pilihan dan teliti mak tuo ambo ko memilah dan memilihnyo dengan takaran yang pas (dalam hal ini bermain sentuhan hati/perasaan) Lado digiliang jo bumbu jo batu lado sacaro manual yo bajadi bana goyang beriramanyo tangan mak tuo ambo jo anak batu lado manggiliang lado jo bumbu ko sahaluih mungkin (lah jo pasta jadinyo sakniang haluih lambuiknyo lado pangek ko) Lalu dimasak di dalam balango jo ikan ambu/sisiak nan ambo baok dikacuik tadi dirancah dek mak tuo ambo jo kacang panjang nan dilipek sajo lalu dilatakan sedemikian rupo diateh bumbu lado nan manggalagak dalam balango jo ikan sisiak tadi Rasonyo..ndak do lai mambayangkannyo sajo lansuang ubun2 ambo marespon dan mangaranyam, sabana mantap dan khas, apolai ambo tamasuak nan suko Lalu kok jo mande ambo yo ambo rindu jo pangek ikan tandeman atau gambolo aceh nan dirancah jo kacang panjang balipekan sajo tanpa dipotong nan dimasak dalam balango Carito seputar balango Mande pernah raso ka tabik tangih balangonyo nan tahunan ditandoi Ikua balango hitam pakek, dijantiak badantiang, dicium dasar balango ko lah baun lado jo rasan2 kunyik dan bumbu nan khas jadi iko ibaraiknyo lah balango pusako nan mambuek pangek tatap lamak karano balango ko ndak baun tanah liek dan lah tuo lamo dipakai untuak mamasak Tapi balango ko dilendo kuciang balambin berdebuk pacah2 jadinyo, ndak do lai yo sadiah sajo mande ambo mangamehkan pacahan balango nan lah baumua tahunan ko Nah andiko dan sanak panguliner iko ado stek tips dari mande ambo kalau taragak mamasak pangek jo balango nan baru di bali nan masih babaun tanah liek Sabalun digunokan untuak mamangek balango ko Giliang lado karitiang, bawang merah, bawang putiah, kunyik, sahaluih-aluihnyo lalu ampua jo aia sahinggo encer, masak dalam balango nan dijarangkan di tungku tigo sajarangan nan bahan bakarnyo kayu Aduak taruih sampai manggalagak dan kariang dalam balango tu, bisa juo ditambahkan samisal daun kunyik, ruku2 daun limau, lah kariang bumbu nan diencer jo aia tadi dalam balango dinginkan sabanta lalu cuci jo aia barasiah dan gosok jo sabuik karak2 lado jo bumbu nan tasiso di dasar balango, jaan pakai sabun cukuik jo aia barasiah digosok jo sabuik Nah baru buek pangek jo balango tu, mako raso tanah liek balango baru indak ado do, sambia manunggu balango ko awak paki tahunan lah kuek badantiang dan lah harum baunnyo jo bumbu2 salamo ko awak mamasak Terakhir Yo ati2 malatakannyo jaansampai dilendo kuciang lo lalu balambin pacah2 balango kesayangan awak ko Salam-kuliner Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
