*Iko lagu basirompak yo Diak Danga dek Kanduang, ko lagunyo taciok oi Indaknyo candu nan tak lapeh ko Diak Carai jo gubuak, hati den ibo … Diak oi* *
Nan di sawah, tumbuahnyo ganjo Lah sampai ka subaliak Bajaguang pulo di hulunyo Ko lah panek denai manjago Kini tasingguang baliak Luko nan dahulunyo ko Diak oi Pandai bana Kanduang baparak ko Diak oi Nan baparak di pandakian Diak oi Pandai bana Kanduang diagak ko Diak Di nan lanyah, den batinggakan … ko Diak oi Alah ka pasa urang palakuik Ka pulang, hari lah sanjo Langkah tadorong, lah ganjua suruik Sayang tadorong, mambaok seso Diak oi Kapalang basah, kok nak mandi Diak Pado bamain aia sajo Adiak oi Co iko Diak, manangguang diri Danga dek Kanduang, ka balehnyo … Diak oi Ulah udang mangulampai Nan baranak sambilan ikua, oh Diak oi Mangalombanglah kau lantai Satantang Adiak den tidua Anak angin, si rajo angin Nan hinggok di kayu mati, oh Diak oi Bapasan den ka bakeh angin Jagokan Adiak nan lalok kini Nan bapasan den sakali ko Nan kok lalok tolong jagokan Diak oi Nan kok duduak tolong tagakkan Suruah bajalan inyo kini Simambang hitam jo simambang kuniang Nan diam di pamatang buntuang Diak oi Kapalo den batambah paniang Diak oi Sabalun batamu jo Diak Kanduang … Diak oi Limau puruik bakaruik-karuik Indak sarancak limau gadang Kok jauah, tolong lah turuik Iko hati den mako sanang Sulik bana tanduak tak nak runciang ko Diak oi Jo apo musuah ka den hadang Urang kampuang oi … * *Tangah malam Diak, mamanjek dindiang Rasoan sijundai nan ka datang … ko Diak oi* *Sumber : http://darevan.wordpress.com/2009/03/22/mantera-basirompak/* -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
