Andiko, kalau lah main Sijundai ko urang, kami urang padusi yo agak takuik mah... :)
Jadi takana pulo bunyi pantun dalam saluang Tanjung Sani saisuak... Ambo lupo karangan siapo saluang ko. Tapi sebagian lagunyo kalau ndak salah model iko... Mandaki jalan di Batuang Panjang tuan ai... Sampai ka desa Tanjuang Sani Kok ndak dek badai nan jo galombang tuan ai... Lah di subarang biduak kami Tanjung Raya di lingkung gunuang tuan ai... Keloknyo ampek puluah ampek Bialah biduak nak kami dayuang tuan ai... Kapa tak mungkin ka marapek Tampak Sigiran di subarang Batu Tigo jo Dalu-dalu Saketek indak kami gamang Alah biaso jo biduak kayu Bungo Sarojo banyak nan lareh tuan ai... Di timpo angin muko jalan Jo galombang denai tak cameh tuan ai... Riak nan acok mangaramkan Dek kelok banyak nan patah siku tuan ai... Tapaso sopir hati-hati Dek elok niaik biduak kayu tuan ai... Tajajak juo tanah tapi... Ndak takana lai sambung nyo... :) Salam jo maaf, Rita Lukman Pada 2 Juni 2010 05:37, andi ko <[email protected]> menulis: > *Iko lagu basirompak yo Diak > Danga dek Kanduang, ko lagunyo taciok oi > Indaknyo candu nan tak lapeh ko Diak > Carai jo gubuak, hati den ibo … Diak oi* > * > > '................ * > * > > Kapalang basah, kok nak mandi Diak > Pado bamain aia sajo Adiak oi > Co iko Diak, manangguang diri > Danga dek Kanduang, ka balehnyo … Diak oi > > Ulah udang mangulampai > Nan baranak sambilan ikua, oh Diak oi > Mangalombanglah kau lantai > Satantang Adiak den tidua > > Anak angin, si rajo angin > Nan hinggok di kayu mati, oh Diak oi > Bapasan den ka bakeh angin > Jagokan Adiak nan lalok kini > > Nan bapasan den sakali ko > Nan kok lalok tolong jagokan Diak oi > Nan kok duduak tolong tagakkan > Suruah bajalan inyo kini > > Simambang hitam jo simambang kuniang > Nan diam di pamatang buntuang Diak oi > Kapalo den batambah paniang Diak oi > Sabalun batamu jo Diak Kanduang … Diak oi > > Limau puruik bakaruik-karuik > Indak sarancak limau gadang > Kok jauah, tolong lah turuik > Iko hati den mako sanang > > Sulik bana tanduak tak nak runciang ko Diak oi > Jo apo musuah ka den hadang > Urang kampuang oi … > * > > *Tangah malam Diak, mamanjek dindiang > Rasoan sijundai nan ka datang … ko Diak oi* > > *Sumber : http://darevan.wordpress.com/2009/03/22/mantera-basirompak/* > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
