Assalamu'alaikum Warahmatullahi Wabarakaatuh,
Terinspirasi dari pantun Pak Saaf, ambo nak nio mancubo pantun nan ado sentuhan kuliner ranah kito. PANTUN PANGEK ITIAK KOTO GADANG By : Ritrina Ladang Rang Kandikia batanam Gabelo Gabelo di kalawang ditumbuak dijadikan pati Paniang bapikia antah apo nan ka manyelero Manyalero dek Uda Sayang pautan hati Roti baluo barancah jo ragi Garitiak galak badarai makan di tapian Hari nan lah juo batambah tinggi Itiak nan masih mananti kapastian Lapiak di kambang di laman muko Amai-Amai malamang babaju kuruang Itiak tatagun janjiannyo tibo Basangai sayang jo baro tampuruang Galah dilaman paambiak pitulo Balawan makan jo maco pado Balah salapan itiak nan mudo Bakawan manyalinok jo lado mudo Jan manggaduah labah tabang di laman Tapakiak rang mudo diamuak labah Nak batambuah si Uda Sayang makan Itiak dikinco jo cubadak matah Caliak lah lalu garubak ajo di muko rumah Sirine babuko tibo kito tandehan soto padang Itiak nan alah barubah jadi hidangan mewah Kuliner nan tanamo Pangek Itiak Koto Gadang Jangek bausul dari jangek masiak kabau gadang Bari rancahan salayang ka dalam gulai itiak jao Pangek bajudul Pangek Itiak Koto Gadang Tapi dimakan dek Uda Sayang anak Rang Jao Lapek nagosari santiang kameknyo Diputa lagu minang lamo usai mamakannyo Pangek lado ijau nan alang kapadehnyo Si Uda Sayang lansuang lupo jo gulai basakanyo Aaa..hiyaaa....piye tho?....................... Wassalam Rina, 33, batam -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
