Waalaikumsalam Bundo..., sonang bona hati nanda kok lai suko Bundo mambaco Pantun Payokumbuah ko...
Molah wak toruhkan ka arah Pokanbaru yo Bundo...bia nak tambah takona jo kelok Sambilan ko... Dari Taeh ka Lubuak Tingkok Babelok jalan ka Tanjuang Pati Walau di lahia indak tabaok Tapi di batin tabuhua mati Batu Bolang jo Bukik Bulek Tompek bamain si urang Taram Kok iyo hati lah sabana lokek Takadia Tuhan nan mamisahkan Rancak alamnyo si Lembah Harau Sajuak aianyo manyiram bumi Kok hati Bundo yo sadang risau janlah bamanuang, baolah banyanyi Taruih bajalan ka Sarilamak Sampai baranti di Lubuak Bangku Bundo banyanyi sabana rancak Kelok Sambilan judulnyo lagu "ondeh...baa lah ko kaba..baa lah ko kaba...kini rang mudo yo...." indak lah guno..., batanam bawang.. bawang ditanam..., harilah sanjo... ondeh..bawang ditanam, harilah sanjo... indak lah guno, bakasiah sayang... sansaro badan, kasudahannyo... ondeh..., sansaro badan, kasudahannyo... wassalam, Noveri ________________________________ Dari: Nismah Rumzy <[email protected]> Kepada: [email protected] Terkirim: Sen, 7 Juni, 2010 23:48:08 Judul: Re: Bls: [...@ntau-net] pantun payokumbuah Assalamu Alaikum W. W. Sabone sonang ati bundo mandonge pantun kampuang bundo ko. Alhamdulillah ananda Noveri nan di Korea manjawab imbauan bundo dari rantau ko. Sabalunnyo ananda Rita "Murai Kukuban" maresap pulo pantunnyo karelung hati bundo. Dari Agam ka Limopuluah Koto Ka Tolang Mangua jo Kampuang Tongah Bunyi pantun nan sakali nangko Mambuel bundo sabona tarangah Pangek cubadak dari Situjuah Lomak dimakan ditangah hari Putiak ambacang jo samba lado Kok buliah bundo minta tambuah Bakeh nanda Aryandi jo nanda Noveri Mak Ngah, Murai jo Rantau Net sadonyo Tarimo kasih sonang bona ka palengah hati. Takona lagu: Mandaki jalan ka Payokumbuh Baranti tontang kelok sambilan Dima hati indak ka rusuah Sadang basayang tuan bajalan Bajalan indak ka baliak lai Wassalam Bundo Nismah -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
