Wa 'alaikum Salam Bundo... Guguak Randah ka Guguak Sarai Singgah sabanta di Kubang Laweh Dalam mandaki ka kampung Panji Bangkalai banyak lun salasai Tapi nan pantun cubo diuleh Asa kan bundo ba 'sonang' hati
Badan tu bana nan sadang sansai Patang taimpik di balak anam Awak coki urang nan manang Balak limo kini ma rusuah Bundo Nismah janyo denai Usah bundo gamang manyilam Walaupun bundo baranang surang Biduak basamo kito kayuah Biduak nan samo kito kayuah Untuang tajajak tanah tapi Manantang badai nan jo galombang Sampai ka kasiak di muaro Ikhlaskan ayah nan pai jauah Pai nan indak babaliak lai Doakan sajo sudah sumbahyang Pintu sarupo tampek basuo Ka ladang mancari si aka rotan Rotan di anyam rang Andaleh Untuak hiasan kurisi makan Kasiah mande sapanjang jalan Antah jo apo ka dibaleh Ka Tuhan malah kito doakan Liek pulo pisau sirauik Pisau diasah sampai tajam Dibao anak rang Batang Kapeh Disimpan dalam badaman Kok ayah nan ka disabuik Cari rasaki siang jo malam Ditampuah hujan nan jo paneh Asalkan anak lai ka makan Manurun dari Lubuak Minturun Taruihkan jalan ka Pasa Usang Batang Anai datang manjalang Sudah tu pai ka Ulakan Ingek jo kana nan bak nantun Katiko ketek kito ditimang Dibimbiang pulo manjalang gadang Alah tuo nyo dilupokan Pai ka desa Akabiluru Etan di Limo Puluah Koto Ka Limbanang malinteh banda Payah jadinyo si kudo bendi Hanyo sipatu nan indak baru Kadang kito namuah marabo Cubo maengong suok kida Banyak urang ndak punyo kaki Lanjuutt... :) Salam, Rita Lukman ----------------------------------------------------------------- Pada 7 Juni 2010 21:48, Nismah Rumzy <[email protected]> menulis: > Assalamu Alaikum W. W. > Sabone sonang ati bundo mandonge pantun kampuang bundo ko. Alhamdulillah > ananda Noveri nan di Korea manjawab imbauan bundo dari rantau ko. Sabalunnyo > ananda Rita "Murai Kukuban" maresap pulo pantunnyo karelung hati bundo. > ........................ > Pangek cubadak dari Situjuah > Lomak dimakan ditangah hari > Putiak ambacang jo samba lado > Kok buliah bundo minta tambuah > Bakeh nanda Aryandi jo nanda Noveri > Mak Ngah, Murai jo Rantau Net sadonyo > > Tarimo kasih sonang bona ka palengah hati. > Takona lagu: > > Mandaki jalan ka Payokumbuh > Baranti tontang kelok sambilan > Dima hati indak ka rusuah > Sadang basayang tuan bajalan > > Bajalan indak ka baliak lai > > Wassalam > Bundo Nismah > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
