Adosalah ketik tadi manganai tahun 1945. Seharusno 1958, lah dituka kini di bawah... Tahun 1945 jolong merdeka ambo baru baumua 10 tahun. Tahun 1958 ambo baumua 23 tahun, Guru Sekolah Teknik dan Mahasiswa B-I Sejarah di Bukittingi. Sadang mudo mangka di Maso Bagolak.
Salam, --MakNgah Oh, di sinan tasuruakno kato Inai Itam tu mah yo? Satantangan Bareh Kunyik, dahulu nan takana ado lagu P.Ramlee nan rasono ado kato-kato "disiram si air mawar" dan "ditabur beras kunyit". Lupo lirikno. Amb alun panah mangalami upacara lain jo Bareh Kunik ko. Tapi, ambo alah mangalami pribadi dilakukan ka ambo wakatu sampai di Natal bulan Agustus 1958. Kami baduo jo kawsn ambo (Ridwan Asky,anakMedan Aceh) disambuik Keluarga di Natal dengan upacara manabuakan "bareh kunyik" ko. Kami baduo duduak di tampek terhormat, urang kampuang nan hadir diateh rumah datang ka kami surang-surang baganti-ganti manyiramkan aia mawar dan beras kunyit tu ka kapalo kami dan badan kami. Ambo tacangang-cangang, tamanuang-manuang, dipangakan urang lah awak ko eh? MUngkin juo dek awak masih panek dan tapana-pana sasudah palayaran jauah dan barek tu. Rupono upacara tu manyambuik kami jo duo tema: 1. Karano kami balayia dalam kesengsaraan pelayaran dari Aia Bangih ka Natal. Seharusno jo cuaca elok, palayaran kami cuma akan makan wakatu salapan jam jo parahu ketek tu. Tapi, kami dilando badai antaro hiduik jo mati sahinggo kami sampai di Natal limo hari jadino. Sampan kami indak taruih ka Natal doh. Kami manyubrang dari Pulau Tamang ka Batahan di daratan dan bajalan kaki siang malam ka Natal dikawal urang rundo. Mandanga pangalaman kami tu, ruopono acara tu dilkukan untuak "mambangkikkan aruah" kami nan lah taganggu dalam pangalaman palayaran barek tu. 2. Nenek dari Ridwan Asky kawan ambo ko rupono Urang Natal nan indak pulang-pulang sajal pai ka Aceh maso gadihno dahulu. Kini tibo-tibo cucuno sampai di Kampuang di tengah-tengah keluarga di Natal. Urang Kampuang basyukur sakali karano amakno pun alun panah ka Natal, kini cucuno tibo di tangah-tangah mereka. Jadi upacara beras kunyik jo air mawar ko marupokan penyambutan kembali si Anak Hilang nan disaratokan pulo jo pangalaman barek kami dihantam badai dalam palayaran. Salam, --MakNgah Sjamsir Sjarif Takana pangalaman lamo... --- In [email protected], Muhammad Dafiq Saib <stlembang_a...@...> wrote: > > Assalaamu'alaikum wa rahmatullaahi wa barakaatuhu > > Warno inai nan ditumbuak, sabalun dilakek-an ka kuku iyo hitam. Tapi warno kuku nan diinai kuniang kasirah-sirahan..... Tataruang kaki inai padahannyo.... Iko kato nan sabana kato. Sabana sarupo itu katolonganno. Panah ambo tataruang, pacah kuku ampu jari kaki. Sasudah cegak, antah baa mangko sarupo itu, kuku nan baru tumbuah babarapo kali pacah lo baliak di tampek nan partamu dulu, di tangah-tangah kuku. Ambo cubo mamakai inai nan babali di Makkah. Alhamdulillah, sudah itu kuku tu tumbuah biaso baliak, indak pamacah no lai. > > Bareh kunyik..... bareh nan bacolok jo kunyik sainggo bawarno kuniang, biaso dipakai urang untuak manyambuik alek tibo, batabua-i jo bareh kunyik. Aratino baserak-an bareh kunyik ka (ateh) urang nan baru tibo tu. Iko nampakno siso adaik nan masih indak jaleh di awak apo bana mukasuikno...... > > Wassalamu'alaikum > > Muhammad Dafiq Saib Sutan Lembang Alam > Suku : Koto, Nagari asal : Koto Tuo - Balai Gurah, Bukit Tinggi > Lahir : Zulqaidah 1370H, > Jatibening - Bekasi > > ________________________________ > From: sjamsir_sjarif hamboc...@... > To: [email protected] > Sent: Wed, June 23, 2010 7:44:22 PM > Subject: Re: [...@ntau-net] TRS: Malam Bainai > > Jadi, memang ado bainai ko nan maITAMkan kuku saroman nan dilagukan Siti Nurhaliza tu mah yo? Ambo sangko bainai ko maNYIRAHkan kuku. Nan tabayang diambo ado persamaan warno antaro warno SIRAH "Inai" jo "Siriah" nan kaduo-duonyo manjadi materi nan digunokan dalam Malam Bainai tu saroman nan dicaritokan Angku Dr. Suheimi. > > Takalonsong lo pangana ciek lai manganai simbol WARNA ko. Dalam upacara apo dipakai "beras kunyit" nan warnanyo tantunyo KUNIANG? > > Satantangan papatah versi nan ambo danga: > > TATARAUANG KAKI INAI PADAHANNYO > TADORONG KATO AMEH PADAHANNYO > > Ado juo: TADORONG MULUIK AMEH PADAHANNYO. > > Salam, > --Makngah > Sjamsir Sjarif -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
