Assalamu'alaikum wr. wb. Mak Ngah dan dunsanak sadonyo...
Memang hari Rabu tanggal 30 Juni 2010 nan lalu, di sela-sela istirahat makan siang jadwal konferensi, dengan alasan menengok makam leluhur, ambo sempat mancilok pai sabanta ka Pineleng maliek makam Tuanku Imam Bonjol. Mak Datuak Endang nan labiah tahu sabananyo jo makam ko, sabab beliau nan lah baulang-ulang ka situ :) Hari Selasa jo Rabu tu memang ambo ndak sempat basuo jo mak Datuak Endang karano kegiatan kami nan babeda dan di lokasi nan babeda pulo, walaupun kami samo-samo di Manado. Tapi Kamis 1 Juli menjelang tangah hari, Mak Datuak nan acaranyo alah salasai dan lah siap-siap ka babaliak ka Jakarta, lai sempat manyinggahi dan manyilau ambo ka tampek konferensi. Karano mak Datuak Endang salamo di Manado disadiokan sopir dan staf sarato mobil, tantu bisa labiah fleksibel kama pai :), Sayang Kamis tangah hari tu ambo ndak sempat kuliliang-kuliliang Manado jo beliau, tamasuak mengunjungi kembali makam Tuanku Imam Bonjol. karano kebetulan jadwal ambo presentasi sasudah makan siang. Kalau seandainyo ambo ndak present, mungkin ambo mintak ikuik pai baliak ka Pineleng karano alun pueh takaja-kaja pai sahari sabalunnyo :) Mengenai hubungan PRRI dan Permesta, antah karano ratak tangan ambo sadang elok, iyo lai tatanyo ka urang nan banyak tahu tantang itu. Kebetulan urang nan punyo hotel tampek ambo tingga di Manado ko banyak tahu tantang itu, jadi ambo sempat badiskusi saketek jo beliau kalau malam-malam sesudah istirahat. Begitu ambo batanyo tantang siapo bana pemimpin Permesta di Manado, sambia tagalak, apak tu manjawab, baa kok batanyo buk, apo dek karano ado PRRI nan di Bukittinggi, ... Nah lho... ??? Tamasuak carito manuruik apak nan punyo hotel di Manado tampek ambo manginap ko, bahwa Samuel pemimpin Permesta dan Simbolon pemimpin PRRI adolah konco arek nan samo-samo punyo ideologi tinggi, dan kawan satu kelas pulo wakatu pendidikan militer di Amerika. Tadi, Sabtu siang, saat istirahat makan siang di sela-sela acara konferensi, ambo malicuih pulo turun ka kota Manado mangunjungi Museum Propinsi Sulawesi Utara. Satu hal nan menarik di Museum tu adolah di bagian pojok mata uang yang digunakan di Sulawesi Utara sajak zaman dulu, karano ado pojok mata uang belanda, pojok mata uang jepang, dan ado pulo salah satu pojoknya tatulih: "Mata Uang PRRI - Permesta". Ambo sempat pulo tanyokan hal itu ka petugas museum nan kebetulan menjadi guide ambo bakuliliang museum. Dan ambo sempat pulo basuo jo staf museum lain, seorang ibu, nan urang tuonyo dulu anak angkek Bung Hatta. sahinggo beliau acok dibao urang tuonyo dulu ka Bukittinggi. Hal lain nan menarik adolah seperti dugaan mak ngah, dari hasil bincang-bincang ambo tantang Permesta di Manado ko, mungkin batua juo interpretasi tentang "Halh of Rebellian' tu arti sabananyo memang bukan pemberontakan setengah hati, tapi 'pemberontakan setengah', aratinyo 'setengah di bagian timur', sadangkan 'setengah'nyo lai itu tugas untuak di bagian barat. Tapi terus terang ambo ndak berani mengajinyo secara mendalam, karano ambo samo sekali ndak punyo background ilmu tentang sejarah tu. Jadi ambo takuik salah, kalau membicarakan sesuatu nan ambo indak capable tantang itu. Kebetulan pulo salah satu staf hotel tampek ambo tingga ko, katonyo punyo buku tentang Permesta milik Opa nyo, tapi karano inyo cuma punyo ciek tu, bukunyo tebal pulo, samantaro urang ndak manjua lai. Ambo mintak di photocopykan sajo, bia biayanyo ambo ganti. Kakak tu setuju, dan bersedia mencarikan buku tu baliak, kalau-kalau masih ado di rumahnyo. Semoga sajo memang masih ado, sahinggo ambo sempat mamfoto kopinyo... Itu sajo dulu mak ngah, ko acara lah ka mulai baliak mah... :) Kawan-kawan lah banyak maledek ambo mah, Ibu ko urang matematik atau urang sejarah, :) Ambo jawab sambia bakilik, ibu ambo guru matematik, abak ambo guru sejarah.... hehe Mohon maaf ka dunsanak sadonyo kalau ado komentar ambo nan sabananyo ambo indak 'capable' untuak membicarokannyo. Mungkin nantik kalau lah agak punyo waktu luang sapulang dari Manado ko, ambo susun bana catatan corat-coret ambo nan masih amburadul ko. Insya Allah, kalau lah pulang, ambo cubo manulih saketek tantang makam Tuanku Imam Bonjol ko sasuai nan ambo liek secara pribadi. Baitu juo maangek-angekkan Andiko jo da Jepe tantang kuliner jo lamaknyo Goreng Pisang Manado nan balado :) Atau maangek-angekkan Renny tantang asyiknyo baranang di laut Bunaken, manyilam dan menyapa ikan-ikan karang sampai mato merah dan kaki kram, sarupo nan ambo lakukan Jumat pagi kapatang, hahaha... Wassalam, Manado, Sabtu, 3 Juli 2010 Rita Desfitri Lukman ------------------------------------------------------------- Pada 2 Juli 2010 04:09, sjamsir_sjarif <[email protected]> menulis: > Maa Angku Datuk Endang sarato Rang Lapau nan Basamo, > > Sanang hati awak, lah sampai Angku Datuk Endang saroman diniatkan pai ka > Pusaro Tuanku Imam Bonjol. Kicau Murai Kukuban, Rita Desfitri, lah sampai > pulo ka MakNgah kapatang manyatokan lah sampai ka Pineleng mancaliak daerah > jo pusaro tu. Sayang anggota Lapau Awak nan baduo ko indak semat > sakapatabang maota sambia tabang saroman ambo anjurkan. Jadwal dan kakok > babeda. Nanti tantu kito di Lapau ka dapek barita salanjuiknyo dari Baliau > nan baduo. Dari Murai mungkin agak talambek, karano sasudah tabang-tabang > Padang-Jakarta-Medado, baliak ka rawok pulo sabanta di Jakarta, ka taruih > pulo malayang ka Bangkok di Nagari Svarnabhumi tu. > > Nah, dek lah kito danga sacacah dari Angku Datuk Endang, kok dapek kito > mausul ka Angku Saafaruddin Bahar, kok dapek rancak dipakatoan juo masalah > kuburan ko degnan usul nan konkrit dalam Kongres nan ka datang tu. Supayo > ado tando-tando paratian kito ka almarhum, tokoh sejarah Pahlawan Tuangku > Immam Bonjol, nan memang tasangkuik jo pencetusan "Adat Basandi Sarak Sarak > Basandi Kitubullah" ko. > > Memang Angku Datuak Endang, Ingatan Masayakat sabana singkek. Jan kan ka > Perang Paderi sajo,apo lai silsilah garih katurunan TIB, Ingatan ka > Permesta/Permesta nantgajadi relatif sabanta ko, indak lakek lai dalam > pangana. Namun, para Peminat Sejarah tantu akan mencari-cari, > mahangek-hangekkan, dan mehiduikan Kenangan ka Maso Lalu tu. Kito nan > Basamo sanang, di Lapau ko Angku Datuk Endang adolah Tokoh Cemerlang nan ka > dapek manaruihkan perhatian mandetail ka arah ko dan manaruihkannyo kapado > Angkatan Kemudian. > > Salam, > -- Sjamsir Sjarif > Di Tapi Riak nan Badabua > Santa Cruz, California > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
