"OPERASI PASA LADO KARITIANG" By : Jepe
Di Pakan Rabaa si Yuang Sa'u mambuka galeh babeloknyo, disuduik los
urang manjua sagalo bumbu-bumbu masakan jo sayua mayua Yuang Sa'u jo
lapiak tenda birunyo lah inyo kambangkan lo galeh barang mudonyo baitu
urang panggaleh di pakan manyabuik galeh bumbu dapua sarupo lado,
bawang, tomat sarato sayua mayua, galeh mudo ko mukasuiknyo barang nan
digaleh Yuang Sa'u adolah barang-barang hasil pertanian nan capek busuak
nan sakiro hanyo batahan duo, tigo hari sudah tu indak segar lai lah
mulai layua dan mambusuak kalau dibiakan sajo talatak indak masuak
kulkas.Katiko Yaung Sa'u sadang mangisai-ngisai lado karitiangnyo nan
saonggok ketek sakiro hanyo 2 Kilogram datang si Juih pai manuka ka
lapak Yuang Sa'u
Ijuih : Da..Da..bali lado bulek (karitiang) saparampek kilo
Da
Yuang Sa'u : Ehhh Ijuih..ko kantong ha piliah lah lado tu dek ijuih
sorang beko uda
Timbang
Lah dipiliah lado bulek nan rancak-rancak ko dek si Ijuih inyo masuakan
kadalam kantong asoy nan diagiah Yuang Sa'u
Ijuih : Ko da lah Ijuih masukan ka kantong asoi, timbanglah
Da
Yuang Sa'u : Haa yo pas bana saparampek balabiah saangin, yo santiang
Ijuih maagak
Ijuih : Bara pitinyo Da
Yuang Sa'u : Yo jaan tagalencek Ijuih ndak, sapakan nan lalu
saparampek lado masih
Uda jua 6 Ribu, kini ko yo 15 ribu
Ijuih : Apo Da ndak salah danga Ijuih ko jo arago lado nan
maha bana kini, Ijuih
Lai tahunyo kalau lado ko sadang naik aragonyo
tapi saparampek sampai
15 Ribu yo takajuik gadang Ijuih mah
mandanganyo, nan batua sajolah
Da
Yuang Sa'u : Ondee !! Juih apolo ka uda kicuahkan ka Ijuih memang naik
bana kini,
Pambalian Uda tu bana nan maha kini, iko dari
pado indak sajonyo, nan
Taralah 10 Kg uda tiok pakan manggaleh lado ko,
kini Uda talok 2 kilo
Sajo maambiak ka agen itupun barabuik jo
panggaleh lain, lado tu bana
Nan indak banyak kini di petani nan baladang
lado, ndak bara do panen
kini ko, malah sabagian petani gagal panen lado
ko dek hujan talalu
banyak manjalang lado masak.Kama seIjuih
bakuliliang pakan Raba'a ko
Nan arago lado sarupo lado uda nan rancak ko yo
15 Ribu saparampek
Ijuih : Kalau co itu yo ndak sadang kepeang nan Ijuih baok do
Da, ko masih
banyak juo bumbu jo kadisamba di bali, kecek urang
bawang naik pulo yo
Da
Yuang Sa'u : Iyo Juih..bawang naik pulo, sagalo naik kini tamasuak gai
tomat,
dek Uda tasarah Ijuih sajonyo, kok ndak jadi
ndak baa juo, Ijuihkan lah
langganan Uda
Ijuih : Baa lai Da, ndak ka mungkin pulo samba nan ka
dibuek indak balado do,
Tapaso "dipiciangkan" sajo mato mambalinyo lai,
mungkin lauk agak
bakurangkan mambalinyo,
Sadang bajua bali Yuang Sa'u jo Ijuih di ujuang Los masuak apak-apak
baseragam pejabat pemerintah jo duo urang anak buahnyo, anak buah nan
sorang mamacik-macik buku sambia manulih-nulih antah apo nan dicatatnyo,
nan sorang lain manyandang-nyandang mikrophone nan bantuaknyo acok
digunokan mahasiswa pai bademo ka kantua pamarentah. Apak baseragam ko
nampaknyo pejabat ruponyo, disembanyo Mik nan di pacik anan buahnyo,
mulai inyo basorak di tangah pakan Raba'a nan sadang rami
Apak Basiragam : Apak2, Ibu, Amai2, One2, Mamak2 baik nan manggaleh jo
nan
Manuka, jaan sampai risau pulo karano
arago lado sadang tinggi
Tanang..tanang !!!! kami pamerentah akan
maambiak langkah bia
Arago lado ko stabil baliak mako akan
diadokan "OPERASI PASA
LADO KARITIANG' itu judul operasi dari
pemerintah, operasi ko
Akan dilakukan sesegera mungkin, sakali
lai ambo pejabat urusan
Galeh manggaleh di pakan Raba'a ko akan
maambiak langkah nan
tapek sahinggo arago lado kembali normal
"Operasi Pasa !!!, Operasi
Pasa !! ..OPERASI PASA LADO
KARITIANG..lai tadanga dek
Umaik nan barado di Pakan Raba'a ko
Apak basiragam ko yo baulang-ulang kareh-kareh mangecek jo mikropon
jinjiang tu basorak "Operasi Pasa Lado Karitiang" antah apo lah
mukasuiknyo, yo tapana Yuang Sa'u dek nyo, tapana dek indak mangarati
mukasuik apak basiragam ko, Yuang sa'u batanyolah ka si Ijuih
Yuang Sa'u : Juih..Juih..apo mukasuik apak basiragam pejabat tu,
basorak-sorak
Operasi pasa lado karitiang, salamoko uda
manggaleh babelok dari pakan
Kapakan dinagari awak ko nan ado operasi pasa
minyak gorengnyo
Ijuih : Antahlah Da..nampaknyo manuruik Ijuih agak tea apak
basiragam tu apolah
Mukasuiknyo nan disrokannyo tu, satahu Ijuih sajak
nagari ko tagak walau
Ijuih tamaik D3 nyo manjadi guru dikampuang ko, yo alun
pernah Ijuih
Mandanga kok lado araogo maha, lalu pamerintah maadokan
operasi pasa,
takok-takok uok Ijuih ko Da, dikiro dek apak basiragam
tu basorak kareh2 bia
tadanga dek toke2 atau agen lado bia capek2nyo inyo
mangaluakan lado nan
Ba Ton-ton ditimbunnyo, sahinggo arago normal baliak
Yuang Sa'U : haa..yo pejabaik ndak tahu baa masalah nan tajadi di
masyarakaik badarai,
Tahu lah Udanyo Juih nan saharihari mambali lado
ka agen gadang, ndak
Ado bagai lado ko maha dek di timbun agen tu
sahinggo langka di pasa,
Lah jaleh lado tu bana ndak banyak di petani...
Ijuih : Batua Da, manuruik Ijuih co itu juo, urang gaek
murik-murik Ijuih kan
Banyak nan petani dikampuang ko, ado nan baparak
lado, yo lndak bara
Panen lado dalam bulan ko
Yuang Sa,u : Dima apak basiragam tu sakolahnyo Ijuih, dapek Ijazah
sakolah bawah
Batang jambu lo ndak Juih
Ijuih : Husss..jaan kareh-kareh mangecek bantuak itu Da,
tadanga dek urang
Pakak iyo lo beko keceknyo
Yuang Sa'u : Ha ha ha bisa se Ijuih ko..sia nan Pakak..nan mamacik
Mikropon tu ndak
Ijuih : Kalau kecek ABG kini Da.."Iya kaleeee" he he he
Pelalawan, 8 Juli 2010
The above message is for the intended recipient only and may contain
confidential information and/or may be subject to legal privilege. If you are
not the intended recipient, you are hereby notified that any dissemination,
distribution, or copying of this message, or any attachment, is strictly
prohibited. If it has reached you in error please inform us immediately by
reply e-mail or telephone, reversing the charge if necessary. Please delete the
message and the reply (if it contains the original message) thereafter. Thank
you.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
<<image001.jpg>>
