Ondeeh, babendi-bendi kuliliang Kampuang. Itulah impian MakNgah kok pulang. Bahkan alah diatur jo kawan ambo Sjamsir Djohary (bekas Kapalo SMA Batusangka). Tapi sayang, Kanti Arek ambo sanamo ko, Ahli Sejarah, lah mandahului kito. Rencana kami dicari kusianyo nan pacarito, nan agak tahu jo liku-liku jo tambo nagari-nagari dalam kahidupannyo.
Jalan-jalan nan ka Angku Andiko tampuah lah MakNgah ranca jo kaki, lah MakNgah iruik udaro sajuaknyo sarato lah diminum aia niro segarnyo dalam pandakian. Baun asok Baruah Bukik tampekMakNgah panah lalok di sinan, sasudah dibaka bom dari udaro, masih taraso di hiduang MakNgah sampai kini. Manjalang atau satibo di Puncak, jan lupo maengongog-engong 180 derjat ka bagian barat dengan pandangan jaleh dan imajinasi perluasan peta di dalam hati. Tibo di Puncak, maengong pulo ka arah Timur 180 derjat, talusua jo mato Bukik Saribu mandindiang Lintau Buo. Jauahkan imajinasi ka rimbo-rimnbo baliaknyo di sinan tasimpan Lembah Damai Batang Sumpur Kudus... Salam, --MakNgh --- In [email protected], andi ko <andi.ko...@...> wrote: > > Mak Ngah Jo Mamak Herfim > > Kalau di sambuang ungkapan mak ngah, yo tasansam luluah mamandang bukik > Palano. Di sinan hati mangalai, manunggu ukatu di jinguak baliak. Dek bendi > ka bajalan, bekolah diulas agak panjang apo nan mamak tulih, apolai bapantun > bagai. > > Kini di urak selo, di bao bendi malangkah, nan rencana manuju nagari > Tanjuang Sungayang, mungkin ba Jumaik disinan, mandaki taruih ka Puncak > Pato, disinan di jinguak sumpah sati, taruih manurun ka Lubuak Jantan, > mungkin baranti di Tapi Selo. > > Bia beko di posting foto-fotonyo. > > Salam > > Andiko Sutan Mancayo > > Pada 9 Juli 2010 07:31, <her...@...> menulis: > > > Sato manyambuang saketek Mak: Guru ambo di SMP-1 tusangka,yth bapak Abu > > Bakar rang Padang Gantiang pernah bapantun dikelas kami : > > Kok nak tau jo lamak ampiang > > Kunyah lamo-lamo > > Kok taragak jo Padang Gantiang > > Pandanglah bukik Palano > > Wassalam, > > Powered by Telkomsel BlackBerry® > > > > -----Original Message----- > > From: "sjamsir_sjarif" <hamboc...@...> > > Sender: [email protected] > > Date: Thu, 08 Jul 2010 17:24:10 > > To: <[email protected]> > > Reply-To: [email protected] > > Subject: Re: [...@ntau-net] Padang Gantiang > > > > Ondeh, Angku Andiko, luluah hati, itu lah kato nan sabananyo kok dikana > > Kampuang Awak nan indah permai ko. Dalam perjalanan MakNgah nan terakhhir > > 2004 dari Sawah Lunto - Talawi - Padang Ganting - Tanjuang Barulak, > > kaluluahan hati ko sabana terkesan. Setelah manjalani pamandangan rancak nan > > indak putuih-putuihnyo baliku-liku dari Sawah Lunto sapanjang sungai nan ado > > tambang amehnyo, tibo di Padang Gandiang ari alah agak barabuik sanjo. > > > > Katu hampia-hampia kalua di tapi-tapi Padang Gantiang manuju Tanjuang > > Barulak, aia mato MakNgah tapancua indak sangajo. Oto tapaso dihantikan pai > > ka lua menghening cipta. Dihadokan MakNgah tabarumbun Gunuang Marapi dengan > > silhuet bayangan sanjo rayo dengan kesunyian dan udaro keliling MakNgah nan > > dihayati indak dapek dilukihkan. Dikodak ciek untuak kenangan, sayang > > fotonyo indak ado kini ko, hanyo lah tingga tapampang dalam kenangan. > > > > Pangana jauah ka maso-maso lampau karano MakNgh lah babarapo kali manjalani > > Batusangka - Bungo Satangkai muloi sajak remaja tahun 1952 wakatu Wisata > > kami keliling Sumatera Barat dari SGA-Negeri Payokumbuah. Baitu juo panah > > bahonda kuliliang dari Lintau - Bungo Sstangkai - Padang Gantiang - > > Batusangka tahun 1985. > > > > Kenangan nan mahunjam bana, katu September tahun 1958 MakNgah manuju > > Selatan marancah rimbo-rimbo pengunungan barat Lintau Buo di Salatan Deretan > > Bukik Marapalam, turun ka Atar. Bajalan saoanjang Atar - Padang Gantiang, > > masuak rimbo jo bukik, baliak marancah manyubarang Batang Umbilin mandaki > > Bukik Palano jalan ka Sulik Aia. Takana salah satu pantun Urang Rundo nan > > mangawani kami wakatu itu labiah satangah abad nan lalu: > > > > Padang Gantiang Tanjuang Barulak > > Katigo jo Saruwaso > > Bakato Aia dalam Luhak > > Kok indak ka mandi mambasuah muko > > > > Salam, > > --MakNgah > > Sjamsir Sjarif > > Kini sadang Jauah dari Kampuang Halaman > > Di Tapi Riak nan Badabua > > Pantai Barat Amerika > > Santa Cruz, California > > > > --- In [email protected], andi ko <andi.ko.ko@> wrote: > > > > > > Sanak palanta > > > > > > Luluah hati dek keindahan Padang Gantiang, kampuang Tuan Kadi. > > > > > > http://www.facebook.com/album.php?aid=70327&id=1378658278&l=561e4c06d2 > > > > > > Salam > > > > > > andiko -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
