Mamak Sabalun sampai ka Tigo Jangko, kami singgah dulu ka Puncak Pato. Disinan mancaliak tampek sumpah sati Marapalam di tikamkan ka ranah Minangkabau. Di sinan raso pareso di bangun, di hilangkan, kacak langan bak langan, duduak basamo demi ranah bundo.
Kok kabau nan mamak sabuik, yo ndak batamu lai. Ukatu masuak, pasa sungguah rami, mungkin gatah sadang maha. Pasa mulai ado danguang, tando ekonomi lai manggarik. Kami taruih ka kantua Walinagari. Alah salasai sagalo urusan, kami urak selo, di ayun langkah ka Taluak, manurun taruih ka Sitangkai. Sampai disimpang tu, di puta stiur mandaki nagari Atar. Kini Atar yo sumarak bana, anak mudo bausaho Photo Copy, batebaran di saentero Nusantara, utamo di Banduang jo kota-kota di Jawa. Hari semakin patang juo, nan bendi taruih mandaki, tibo pulo di Guguak cino, ditakan gas taruih ka Tanjuang Barulak, badantiang-dantiang bunyi ganto, alah tibo pulo di Saruaso. Saruaso sanak, tampek Rafles pernah singgah, disinan panah ado universitas rancak, berabad nan lalu. Ndak lamo kudo mandanguih, tibo pulo di Bukik Gombak, disinan kudo baranti, baranti tantang kadai es tebak. iyo batahun alah indak mancubo, es nan banamo es tebak. Sakitu dulu mamak, ka ambo susun laporan perjalanan nan rancak. Salam Andiko Pada tanggal 09/07/10, sjamsir_sjarif <[email protected]> menulis: > Tigo Jangko. Dari sinan lah dahulu MakNgah mancirupuih ka arah timur masuak > rimbo ka Tamparungo jo Sibiluru taruih ka Sumpur Kudus. Dalam pajalanan > partamu kali ka sinan tu pulo MakNgah tacongang-congang mancaliak rombongan > kabau banyak di bancah-bancah tapi rimbo, lapeh indak batali, indak > bagubaloan. Balain jo di Ampek Angkek, kabau cuma sikua-sikua, bakaluani, > bagubaloan. > > Salam, > --MakaNgah > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
