MANYASA MANCARAIKAN 3 KALI. Bara tahun nan lalu ambo punyo kawan laki bini nan samo mancangkuah disawah nan samo jo ambo.Perkawinanan mereka melalui pacaran pado awal-awalnyo nampaknyo sangat bahagia sampai baranak 3 urang.Tak tau sebab antah angin ma nan bakisah sang laki mulai batingkah ,manuruik sang bini mangadu ka ambo... ala kiro-kiro 3 bulan pulang kantua sang laki indak langsung pulang... tapi pai ka lapau nan cukuik jauah dari rumah mereka untuk maota-ota atau bajudi main pas jo batu domino jomain kiu kiu bataruah , pulangnyo bisa-bisa jam 2 atau 3 malam kadang subuh bagai.. Ala ambo suruh anak nan gadang manuruik ka lapau tu , tapi bapaknyo tu indak maacuahkan , bahkan anak diariak nyo, tadi malam kami bakaruak arang ... nyo jatuahkan talak 1 ka ambo ... sang isteri mangadu sambiah manangi... Dek prihatin dan ambo ala manganggap kaduonyo dunsanak , pado jam makan sangajo ambo turuik nyo ka lapau tampek kami biaso duduak istirahat makan siang. + Tadi Sang Isteri angku mangadu ka ambo ... baa kok baitu.. ?- Ambo pulang karumah inyo langsuang berang-berang se ..sudah tu pandai pulo manyuruh anak mancari ambo.+ jam bara angku pulang ka rumah ?- i..yo.. kiro-kiro jam 1 atau jam 2 lah+ lai normal tu....pangaduannyo ala 2 bulan bantuak iko ..iyo bajatuahkan talak - iyo da .. kalap ambo .. baa lai da + beko pulang kantua samo jo inyo pulang ..lapeh kan talak tu minta maaf ka inyo yo. sudah tu jaan malam bana pulang ndak .. indak ibu jo anak-anak. ala.....dst..dst- Iyo da.Sasudah tu ambo caliak kehidupan mereka lai aman -- aman sajo malah dakek ambo banampakaan mesra ko. Mungkin bakisah 1 atau 2 tahun sampai ado aturan indak buliah suami isteri sakantua , sang laki dipindahkan ka kantua lain walau masih dalam kota yang samo. Pado suatu hari mangadu pulo sang isteri , kini parangai sang suami baulang baliak , salain bajudi kini acok maninggakan kantua bahari hari katonyo pai mancari barang-barang antik .. kami padia kan sajonyo kami takuik taulang baliak rabonyo .. kato sang bini Ala ado surek panggilan dari kantuanyo untuak menghadap atasan Adm ...ala kami cubo mangecek ka sang laki kato sang bini . katiko inyo manyuruh maminjam ka bank untuak modal katonyo ...untuak apo lai da kan gaji kito baduo kan lai cukuik ma walau badikik-dikik. .... ambo indak namuah do manggadaikan sk tu ka bank ... berang bana inyo. bisuak-bisuaknyo , sang isteri mangadu sambia manangi .. karano indak namua manyalangkan sk .. sang laki mancaraikan baliak manjadi talak 2. Babulan bulan sang laki indak pulang dan maningga kan kantua ... sampai diancam dibarantikan dek kantuanyo, katiko sidang disiplin nyo sang laki lai datang .. manuruik informasi nan ambo danga nyo nampakkan paremannyo .. nyo bae malawan mangarengkang .. Sang bini nan hadir lai manasehati .. buek se lah surek pernyataan tu da .. baranti uda karajio beko..Apo kato kauuu ... kauuu atur atur pulo den .. den carai an bana kau kini... ber-arti ala 3 talak den ka kau.Pendek kato indak bara bulan satalah tu kalua surek kuniang dari pangadilan agamo resmi carainyo .. walau sang laki acok manangihi diri dalam sidang carai ko. Mungkin dek suratan dapek jodoh sang bini labiah dahulu.. katiko sang bini ka nikah ambo suruah nyo maagiah tau ka manta sang suami karano anak nan ka didik dek suami baru anak suami lamo juo. Indak bara lamo sudah tu .. Sang Suami madok ka ambo ,, - Ambo minta pindah ka Surabaya.. Da .. ka batulan lai dibantu dek dunsanak ambo nan dinas disinan.+ Baa kok baitu .. kok takajuik se ... jauah bana ma .. - Iyo da .. indak tahan ambo do mancaliak jando ambo bahagia bana jo lakinyo nan kini .pado hal .. katiko inyo mangecek ka kawin baliak ka ambo .. ambo ala bapasan ka inyo .. kalau indak bahagia .. minta se carai yo .. jadikan se cino buto .. Uda yo sabana maarok-an awak babaua baliak kato sang laki ka jandonyo.+cari lo lah panggantinyo..kato ambo- itu lah da , indak ado nan sasuai jo parasaan ambo do .. nan takana tiok hari .. tiok malam iyo ka inyo juonyo ...parnah bamimpi babaua .. basah ambo jo jando ambo ko .. manangi ambo da .. ambo caliak aie matonyo bana samanitiak .+ iyo lah .. diak .. nasi ala manjadi bubuah , punai ko ala tabang ..lapiak ko ala di pakai dek anak rajo .. sasa kamudian indak baguno ..dakek aan diri kan satu yo.-iyo iyo da , kalau ambo turuiak an nasehat uda dulu ......+ Bilo barangkek ?- besrsedia malapeh ala ado da , bisuak ambo barangkek da .. tolong caliak-caliak anak ambo yo da..itulah pertemuan kami nan terakhir nampak nyo perpisahan kami untuak salamo -lamonyo karano Sang Suami sabalun maningga di Surabaya manuruik informasi yo bana rajin baibadah ... Mungkin caritoko dapek mambuktikan pertanyaan dunsanak Riri .. " JAAN CARAIKAN BINI 3 KALI .. MANYASA BEKO ..." salam Iqbal rahman.
--- On Mon, 12/7/10, Muhammad Dafiq Saib <[email protected]> wrote: From: Muhammad Dafiq Saib <[email protected]> Subject: Re: [...@ntau-net] OOT: Jikok nak tau hai di rancak jando, Cubo caraikan agak tigo kali To: [email protected] Date: Monday, 12 July, 2010, 7:59 AM Assalaamu'alaikum wa rahmatullaahi wa barakaatuhu Riri, Baa mangko mantun? Anto baitu? Sabab, kalau lapeh kecek, ditalak binyi sakali, buliah rujuak baliak. Ditalak binyi duo kali masih buliah rujuak. Ditalak binyi tigo kali..... indak buliah rujuak lai. Kacuali kalau si (mantan) binyi tu alah manikah, di pabinyi urang, sudah tu dicaraiaanno, baru buliah kok ka di lamar baliak. Dimuloi babak baru. Mako adolo carito tantang 'kawin cino buto', disuruah urang lain manikahi (mantan) binyi awak nan alah dicaraian tigo kali tu jo saraik 'segera' dicarai-anno baliak. Karajo nan sarupo iko 'talarang'. Indak buliah urang disuruah kawin sakadar icak-icak sarupo itu. Musti urang nan kawin jo binyi lamo awak tu iduik barumah tanggo bana dulu, lalu kudian kok nyampang no iyo bacarai, baru buliah dilamar dan dinikahi baliak....... Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi From: Riri Mairizal Chaidir <[email protected]> To: [email protected] Sent: Mon, July 12, 2010 7:48:06 AM Subject: [...@ntau-net] OOT: Jikok nak tau hai di rancak jando, Cubo caraikan agak tigo kali Dunsanak Sadonyo, Kapatang ambo mandanga lagu lamo di tampek alek kawan. Agak “terkesima” ambo mandanga sebagian lirik nyo. Penasaran, ambo cari di internet, basuo liriknyo, ambo copykan di bawah. Memang Cuma (mudah2an) lagu, tapi agak “risih” jo mandanga: Jikok nak tau hai di rancak jando, Cubo caraikan agak tigo kali … (mungkin dek waktu itu alun ado UU KDRT) (irama lagu ko ado di http://www.youtube.com/watch?v=KG-iMarKBNQ ) Lirik di https://laguminanglamo.wordpress.com/category/pop-80an/page/7/ -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
