Pak Taufik Kalau masalah angek badan gulai kambiang ko sarupo nan Pak TR sampaikan agak sapandapek awak apo pasal
Jaman ketek2 dulu di aia tawa ado nan terkenal gulai kambiangnyo yo lah paduan caro mamasak urang india (kalau di padang urang kaliang) nan komunitasnyo di rawang (muko Padang Teater) rato2 mereka memang ahli mambuek pamasak kambiang nan kuek jo rempah2nyo baik dalam bentuk bubuk instan maupun nan masih mentahan saripo, palo, marica, cengkeh, kulik manih dll kalaupun indak kanbiang bana awak gulai, cubadakpun jadi awak gulai jo bumbu pamnasak urang kaliang ko, nah memang angek badan dek nyo Pak Jadi dulu ado urang kaliang ko manggaleh bakuliliang gulainyo ko jo katidiang bantuak tukang boto jadul (lai takana dek Pak TR jiko sakolah di padang dulu) Sekitar tangah tahun 70 an sampai awal 80 an, nan sorak urang kaliang ko yo sabana khas dan menggelegar Pak "Kambiaanggggggg !!!! Dek lamaknyo (tantu arago agak maha dari samba2 biaso) yo kok bulan baru urang tuo ambo lai juo mambali gulai kambiang nan dibaok jo katidiang dek urang kaliang bakuliliang he he Jadi sarupo nan Pak TR duga memang angek bakipeh badan sudah makan tu, ambo pikia yo masalah di bumbu2nyo nan kayo rempah2 nan maangekan badan ditambah pulo cuaca angek Kalau kini di Padang biasonyo kalau lah masuak bulan puaso gulai kambiang urang kaliang ko jo ayam semurnyo nan bakecap rempah2 bisa awak bali di pasa los lambuang dakek imam bonjol atau dakek pasa raya Lalu ambo nan suko mamakan gulai kambiang ko yo nan tadagiang sajonyo, apoalai cancang di tulang iga, kalau nan jeroan2 yo ndak ambo makan do (indak suko) kalau makan di RM yo pai bana ambo ka etalasenyo mandikte tukang sanduak supayo nan dagiang2 tatulang sajo, kalau ndak bantuak itu pasrah sajo dimeja manunggu sacipia gulai kambiang talalu banyak bana lamak jo jeroannyo :) Mudah2an batua handaknyo penelitian kolega doto Rahyu tu, dibumbu tu ado antioksidan jadi ndak talalu ragu bana awak malapia si gulai kambiang ko Ambo bapikia duo tigo kali juo sausia kini mamakan gulai kambiang, kalau lai normal2 sajo tekanan darah ambo baik sistolis dan diastolis (lah bahaso dokter pulo ambo he he tapi iko pelajaran SMA kok) baru ndak ragu ambo mahampainyo dan salalu ambo barengi minum jus timun serut ala urang aceh makan gulai kambiang Gulai kambiang urang Aceh kuahnyo agak encer bacubadak juo dan barempah-rempah juo bumbunyo indak bantuak gulai kambiang awak nan manyalinok aminyak bana kuahnyo bantuak gulai kambiang urang kaliang kota Padang, Tapi ado juo ciek ambo paratikan di kampuang ambo kalau lah manggulai kambiang baralek yo sahari tu sajo lamak, kalau lah bisuak2nyo baa kok lain baunnyo yo raso ndak katamakan, lah diangekan sakariang2nyo baru tamakan, pernah dibungkuihkan dek sanak dikampuang lalu ambo baok ka Pekanbaru, tibo di pakan dibukak plastiknyo..ondeee baunnyo malayo paruik raso ndak katamakan, ambo telepon urang gaek, keceknyto angekan kariangkan kuahnyo sakariang2nyo lah dicubo pulo baru lai agak kurang baunnyo dan bisa dimakan (mungkin dek bumbu nan kareh ko juo ndak) kalau ambo tanyo ka tukang gulai kambiang nan manggaleh gulai ko memang masakan gulai kambiang ko dibuek untuak habig saharinyo ndak ado untuak bisuak nan disisokan lalu diangek2an Ondee lah panjang carito ambo,iko ambo dek sadang tabedo pulo ha, sadang surang di mess kantua di pelalawan indak pulang ka Pku, badan yo sadang angek pulo malam ko :-) Ado pengalaman dan engetahuan sanak nan lain tentang gulai kambiang salah satu pusako kuliner ranah kito,oh yo sebagai info iko kawan ambo lo nan maagiah tahu, kalau gulai kambiang situjuah manjalang masuak kota payakumbuah dari bukik, nan lamaknyo nan sabalah kanan jalan nanpondok buruak tu, bukan nan kida nan rancak rumah makannyo,itu nan asli, lah ambo cubo yo lamak itu lai dari pado nan disubarangnyo nan alah pulo ambo cubo Wass-Jepe Sent from my AXIS Worry Free BlackBerry® smartphone -----Original Message----- From: [email protected] Sender: [email protected] Date: Thu, 15 Jul 2010 13:24:35 To: <[email protected]> Reply-To: [email protected] Subject: Re: [...@ntau-net] Gulai Kambiang Simpang Tigo Tanjuang Sungayang Ambo raso soal gulai kambiang ko. Bukan kambiangnyo nan bermasalah Tapi bumbu/pamasaknyo Soalnyo kok ambo makan gulai kambiang di RMP langsuang taraso angek- bakipeh ...tabik paluah Kalau makan sate/gule kambiang rang Jawa agak kurang taraso Kapatangko ambo makan kambiang versi Arab di Ampel- Surabaya. Taraso lambuik/empuk. Bau khas kambiang pun indak ado Dek inyo porsi gadang, akhianyo dagiang kambiang sa paho itu lewat juo, dek ambo sorang Insyaallah lai aman sajo indak taraso angek/ kapanasan badan dek inyo Salam TR Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
