Pak Taufik dan dunanak palanta RN Kalau jo Pak TR "talk show alias pamer cakap" seputar kuliner awak yo ndak ado matinyo do...rentang pengetahuan, pengalaman dan penga$atannyo lebar dan panjang :-)
Bukan kuliner pusako ranah minang sajo tapi kuliner nusantara Memang kami di FB mambahas tantang sapek ko, kalau nan ketek2 tu kami manyabuiknyo sapek binguang baa kecek Pak TR ko mungkin dek prilaku sapek ko di rawa2 katiko iduik baramobongan muncul dipermukaan aia biasonyo bamanuang bantuak kebingungan kalau perlahan tapi pasti yo sapek ko maunyuik2 oksigen di udaro jo muluiknyo nan ketek bantuak basigayuik sapek ko di permukaan aia (diam bingung) Sapek ko tamasuak samba klasik dek mande2 kito di ranah minang alias samba2 buruak Hanyo ado di beberapo rumah makan sajo dihidangkan jo agak sacipia ketek Nah sarupo di RM urang lintau tu Pak sapek binguang digoreng balado baminyak2 tangguang di rancah jo goreang jariang mudo ubi kayu diirih2 agak taba stek tapi ampuak ditambah pulo potongan kacang pacang nan indak layu di goreng tapi kriuk2.yo mantab co iko sajo makan lalu juo nasi sapiriang "Cubadak Baangekan" Istilah ko Pak bisa cimeeh bisa indak dalam terminolgi kuliner awak Cimeehnyo jiko gulai cubadak co sayua sajo nan banyak di buek di RM buliah dikatokan panambah2 samba nasi ramas nah ambo kan biaso gaul jo anak2 mahasiswa Unand dan Ikip di tampek kos2annyo jadi kalau mamasak nasi di kos2anyo tapi ndak mamasak samba biaso bali ikan agak sapotong duo lalu gulai cubadak sabungkuih pulo Gulai ko ndak sakali abih dimakan, dibuang sayang mako untuak makan selanjutnyo bia ndak basi baangekan sampai kariang Pas ka makan datang kawan nan ka sato lo makan biaso datang sakali cimeeh "Apo samba waang ko cubadak baangekan mah" "Jaan banyak kecek waang ka makan makan lah kok ka samba lamak pai bali liak ka lapau, makan sajo apo ado e miang..tu ado den abuih talua" Bajadilah makan cubadak baangekan jo talua abuih maklum mahasiswa tantu iduik bahimaik, Indak cimeeh cubadak baangekan ko jiko samba cubadak ko dibuek salamak-lamaknyo samisal randang nan memang di angek2an taruih sebagai contoh Mande ambo kok pulang kampuang mako suko mambuek randang ikan padang (ambu2/tongkol) jo cubadak Tongkol cari nan baru potong petak ndak talalu gadang di cari cubadak mudo agak talampau tapi masak alun lai, cubadak nan sadang elok ka digulai atau dirandang, dipotong ketek2 Antah baa pulo ko urang kampuang ambo sanak di darek paliang suko dan mancandu ban jo ikan padang ko (mungkin dek urang darek) pokoknyo kalau pulang ka kampuang ambo harus baok ikan padang kalau mentahnyo alah di kacuik atau diabuih Bagi mereka makan jo ikan Padang ko labiah rasonyo makan jo ikan2 tabek di kampuang atau samba2 lain agak badaceh suok rang kampuang ambo kalau kami dari padang mambaok randang cubadak ikan padang tu ikan padang lah dikacuik beko tingga di goreng balado urang kampuang atau di pangek jo kacang panjang yang dilipekan sajo dalam balango..wah memang mantabbb Jadi pak Taufik randang cubadak tongkol ko ndak bisa dikategorikan "samba cimeeh" do kareno samakin diangekan samakin manyipak dan syahdu rasonyo Nah dalam. Bahaso pergaulan di Padang CB ko memang ado kesannyo cimeeh lansuang ambo bahas jo maagiah contoh he he he Misalnyo dalam dunia urang jua bali oto bekas tahun lamo samisal Oto sedan tahun 80 an Ado nan batanyo "Baa kondisi oto tu..lai mantab" "Ndak usah lah di bali cubadak baangekan tu mah" Iko aratinyo kok bodi di poles atau di cat baliak tapi tapi chasis lah kanai ndak stabil lai baitu juo jo masinnyo lah banyak nan kanai sarupo lah makan oli dll Tapi oto sedan ko ndak bisa dikatokan cubadak baangekan walau di cat ulang bodi mulu chasis jo masin masih oke aratinyoi kondisi sacaro umum oto ko layak pakai walau lah "baangekan juo" tapi samo jo randang cubadak tongkol tadi samakin di angekan samakin lamak rasonyo baitu juo jo oto sedan jadul tu mungkin cat bodi dll lah "baangekan juo tapi samakin mantap Nah kalau dalam istilah oto tambang memeng di padang bahaso gaul urang lapau yo untuak2 oto tambang lah "out of date" (biasonyo ijin trayek manambangnyo lah mati) oto ko manambang dalam2 komplek perumahan sajo manjapuik penumpang nan turun di jalan utamo jo oto2 tambang atau oto ko di carter anak2 kos2an maangkuik barang dan perobotnyo katiko pindah rumah atau maangkuik balanjo urang lapau di pasa pagi Oto ko disampiang di istilahkan Cigak Baruak (CB) dikenal juo jo CB ciek lai yaitu Cubadak Baangekan :-) Itu sajo penjelasan ambo Pak kok masih kurang juo hubungi ambo online duo puluah ampek jam :-) Wass-Jepe Lagi di selat panjang Sent from my AXIS Worry Free BlackBerry® smartphone -----Original Message----- From: [email protected] Sender: [email protected] Date: Wed, 28 Jul 2010 01:36:32 To: <[email protected]> Reply-To: [email protected] Subject: [...@ntau-net] Gulai Cubadak Baangek-an Barusan di FB ambo jo Jepe lah membahas soal maco sapek Salah satu kuliner tradisional awak. Bahkan ambo pernah maliek dipengajian minggu pagi di Mesjid Sunda Klapa nan terkenal tampek mancari berbagai kuliner tradisional awak mulai dari tulang patah, baluik, berbagai godok jo lapek. Ado juo nan manjua maco sapek iko Baliak ka gulai cubadak selain digulai biaso Cubadak tamasuak sayua untuak lontong, gulai kapau bahkan acok juo untuak campuran gulai bagar macam nan ditulih Rina kapatang Baitu juo cubadak ado juo untuak campuran dagiang cancang. Apolai maso daulu terkenal gulai kambiang,cubadak makan Tapi kalau digulai jo dagiang padek sampai jadi randang kurang pas dek ambo. Ciek ka hilia-ciek ka mudiak rasonyo Aroma khas dagiang jadi hilang dan dagiang jadi pucek Baliak ka gulai cubadak biaso cako, dek kami untuak hari partamo kurang lalunyo. Tapi kalau lah dikariangkan dihari kaduo sampai mulai mahitam dirandang baru taraso lamaknyo Cuma ... Kok banyak nan mancimeehkan : "Bagai gulai cubadak ba angek an" Apo sababnyo itu ??? Salam TR Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
