Hehe... Mandanga komentar sapu jagad mak ngah ko, iyo tabasuik juo galak awak jadinyo (kalau galak nabi disabuik, nyo kecekkan di Da Ayang trade mark ambo pulo beko, hehe).
Iyo mak ngah, nan ambo tulih tu kan mambuek pinukuik caro kampuang. Kalau caro Santo Kuruih, jiko ndak ado tapai, tantu iyo yeast atau fermipan jadih juo. Kalau ndak ado tapuang bareh nan batumbuak jo lasuang, kaluaran pabirik jadih juo :) Kalau dipikia iyo lucu bahaso-e, diaramkan supayo kambang. Padohal kalau-dipikia-pikia, kalau diaramkan tantu batambah kincuihnyo :) Lagipulo agak ngeri mandanga diaramkan bulan puaso ko mah yo, nan rancak bunyinyo dihalalkan :) Baa kok dianjurkan maaramkan sampai 5 jam, karano nan digunokan untuak pengembang adolah tapai, kalau pengembang instan model yeast tantu indak sampai bana 5 jam doh. Tapi kan maaram adonan 5 jam tu sabanta tu nyoh, mak ngah. Ayam se maaram sampai 21 hari, hehe... Iko adonan pinukuik 5 jam awak aram tu, bisa ditingga-inggakan adonan tu, indak pulo awak rokok-i mode ayam sadang maaram doh. hihi. Ka mambuek tapai sipuluik itam mak ngah? Lai ado ragi? Kalau indak, bisa kami kirimkan dari siko. Dipaketkan sajo ragi bulek-bulek layah tu agak 10 buah, lah bisa mambuek tapai agak 10 kali pulo tu mah. Cukuik persiapan tapai mak ngah samalo satahun :) Salamaik mambuek tapai (istilahnyo di kampuang manapai), mambuek lamang (malamang), jo mambuek pinukuik (tapi indak ado istilah maminukuik doh) ... :) Salam Murai -------------------- Pada 12 Agustus 2010 08.03, sjamsir_sjarif <[email protected]> menulis: > Eeh, lah bagaduru urng maota mambuek Pinukuik Murai Kukuban. Sajak mulo > kalua postiang tu lah MakNgah baco-baco tu resep dan caro mambueknyo. > Mukasuik ka mancubo mambueknyo. Kini lah banyak urang marespon. MakNgah lah > pritn resep tu. Tarimo kasih. > > Dek kini lah wakatu asa kini pk 5:40PM sadangkan mugarik babuko pk 8:04PM > jadi rasonyo indak talakik ka mambuek Pinukuik ko. Labiah-labiah lai Ita > mangecekkan misti diaramkan pulo dulu salamo limo jam. Jadi, Ita, kalau > sudah limo jam tu lah alal tu mah yo? :) > > Ado tanyo MakNgah ciek tantang resep Tapai Ubi Kayu (Tapai Pelo,Tapai Belo) > tu. Apokoh itu wajib atau sunat? Kalau indak ado Tapai Belo tu baa? Dapek > diganti jo nan lain? Atau kok sunat hukumnyo direlakan sajo indak ado? > > Sanang pulo MkaNgah mandanga tambahan atau pengetengahan istilah-istilah > lamo nan jarang tadanga: > "Amia-amia" dulu tapuang bareh jo tapai ubi kayu... di dalam "pitalai" atau > cambuang ... > > Adonan tu "diaramkan" labiah kurang limo jam. > "Diaramkan" ko nan manyirokkan darah Makngah tadi, kok mukasuiknyo limo jam > tu dimintak wakatu untuak mahalalkan Tapai Ubi Kayu nan baalkohol tu untuak > babuko ... :) > > "Cik Kambiangan". Takano lo papatah lamo: > Indak murah manggalamai, > kurang aru ci kambiangan, > talamapau aru bapalantiangan... > > Eh mancaliak kato "aru" ko takana lo Hantu Aru-aru... > Jan sampai digaduah antu-aru-aru lo sadang mambuek pinukuik... > Kok digaduah antu-aru-aru, iyo kito minta lo angku Riri jo Angku Bus matest > "Ilmu Kebal" tu ... :) > > Salam, > --MakNgah > > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
