Rita, Reni, Rina, da Riri (4 R mah samo jo awal namo anak ambo), Mak Ngah, Pak TR dan dunsanak palanta RN penggemar sarato penikmat Pinukuik
Berbicara tantang pinukuik ko sebuah kue, jajanan, snek tradisional kampuang awak sapanjang maso nampaknyo, dari berbagai ragam kue dan jajanan jaman kini nan pinukuik yo ndak pernah "mati raso jo mati gaya" Saaro pribadi ambo sangaik suko jo pinukuik ko, biasonyo kalau pai mangoi ka lapau atau kadai katiko dihadapkan sapiriang aneka kue atau snek mako nan ambo kaja dulu hanyo duo sajo kue pangiriang minum kopi ko nan yaitu Pinukuik dan Kue Talam (sarupo nan di buek Rita juo) Manuruik pengamatan, pengalaman dan pe-rasa-an ambo jo panukuik ko sajak ketek sampai kini panukuik ko 3 raso dalam sahari maksudnyo Kalau pagi hari pinukuik ko angek2 tantu iko nan paliang teope begete bana rasonyo Kalau lah siang tangah hari lah dingin, tapi masih lamak juo rasonyo diminum jo kopi sambia pinukuik tu di cilamicilamkan salayang ka kopi angek..mantabbb beh Nah kalau lah sanjo manjalang magrib pinukuik tadi pagi tu yo lah gak masam snek rasonyo, Jaman kini yo lah serba instan, pinukuik yang berbahan dasar tapuang bareh yo ndak susah2 lai mancarinyo lah ado dijua dalam bentuk kemasan yang praktis dalam plastik dengan berbegai merek (kalau Reni lah disabuiknyo salah satu merek :-) Kalau jaman awak ketek dulu mande2 dan nenek2 kito dulu kok mambuek pinukuik dan kue2 berbahan dasar tapuang bareh masih segar dalam ingatan ambo tapuang barehnyo yo dari bareh nan ditumbuak dilasuang lalu diayak dan ditampuang di niru nan alah dialeh koran, sabalun di gunokan di jamua lu bia kadar aianyo jadi turun, sahinggo tapuang ko kariang rancak ka di buek pinukuik jo kue2 tradisional khas lainnyo Lalu mambuek pinukuik ko yo masih ditunggu dan loang cetakannyo, tungku ko bahan bakarnyo sabuik karambia nan lah kariang jo upiah2 atau saludang karambia nan lah kariang, angeknyo yo pas dan bisa diagak atau dikontrol api dan angek baronyo sahinggo pinikuik rncak kambangnyo dan pas di baka atau disangai2 dalam cetakannyo Dek bahan dikarajokan serba manual baitu juo caro mambueknyo makonyo pinukuik jaman dulu tu kalau masalah raso yo bercita rasa yang khas dengan sentuhan tradisional yang dalam sahinggo kito mamakan pinukuik angek2 pagi hari apo kah jo teh manih atau jo kopi yo mambuek kulek badaceh "membuat lidah bergoyang tak terkendali saking enaknya, gurih dan lembutnya pinukuik ko" Kalau masalah namo baa kue berbahan dasar tapuang bareh jo gulo ko banamo Pinukuik, manuruik ambo mungkin apo nan disampaikan Da Riri mengadop kato dari Belanda tu, bisa dimaklumi peljaran sejarah awak nan selalu diingek satiok generasi di Republik ko Balando manjajah awak 3,5 Abad ndak bagarah panjang nyo waktu Balando menduduki Nusantara tamasuak ranah minang tantu banyak seni masak memasak kue tradisional ala Belando nan dapek di pribumi walau bisa jadi lah di modifikasi dek urang awak Tapi nan jaleh manuruik ambo mambuek kue ko indak sambia manungkuik do sahinggo manjadi namonyo Pinukuik Tapi kok mambuek kue ko sambia manungkuik kemungkinan ala urang jawa sarupo carito Pak TR manjadi Apem :-) namonyo.wallahhh nggak nyambung Alah tu dulu carito Pinukuik, si Rita nan dilewakannyo nan kasukoan ambo bana dulu alah lo kue mangkuak daun..mantappp lah. Wass-Jepe Sent from my AXIS Worry Free BlackBerry® smartphone -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
